اعمال 21:7 - کِتاب مُقدّس سرائیکی ترجمہ

⁷ اساں صور کنُوں اگُوں گئے تے پَتُلمِیس ءچ جہاز تُوں لتھے۔ اُتھاں اساں بِھرانواں کُوں سلام کیتا تے اُنہاں دے نال ہِک ڈینہہ تئیں ریہے۔

اعمال 21:7 Referans Kwoze

عبرانیوں 13:24

آپنڑے سارے راہنماواں تے سارے مُقدّساں کُوں سلام اکھائے۔ اِطالِیہ مُلک دے بِھرا تُہاکُوں سلام آدھے ہِن۔

اعمال 28:12

پہلے اساں سرَکُوسہ پُجے تے ترے ڈینہہ اُتھاں ریہے۔

اعمال 25:13

کُجھ ڈینہہ بعد اگرِپّا بادشاہ تے برنِیکے، قیصریہ آئے تاں جو فیستُس نال مُلاقات کر سگنڑ۔

اعمال 21:19

پولُس اُنہاں کُوں سلام آکھیا تے تفصیل نال ڈسایا جو خُدا اُوندی خدمت دے ذریعے غیریہُودیاں ءچ کیا کُجھ کیتے۔

اعمال 21:10

جِیں ویلے ساکُوں اُتھاں راہندے بہُوں ڈینہہ تھی گئے تاں ہِک نبی جِیندا ناں اگبُس ہا یہُودیہ تُوں آیا۔

اعمال 18:22

او قیصریہ ءچ پُج تے یروشلیم چلیا گِیا تے کلیسیا کُوں سلام کیتا تے وَل انطاکِیہ دو روانہ تھی گِیا۔

اعمال 12:20

ہُنڑ ہیرودیس صور تے صیدا دے لوکاں تُوں بہُوں ناخوش ہا۔ بس او لوک کٹھے تھی تے اُوندے کولھ آئے تے محل دے ناظم بلَستُس کُوں آپنڑا حامی بنڑا تے بادشاہ کُوں صُلح دی درخاست کیتی، اِیں واسطے جو اُنہاں دے مُلک کُوں بادشاہ دے مُلک کنُوں رَسد پُجدی ہئی۔

متّی 5:47

تے جے تُساں صرف آپنڑے ای بِھرانواں کُوں سلام کرو تاں کیہڑی وڈی گالھ کریندے ہیوے؟ کیا غیر قوماں دے لوک وی اِینویں نئیں کریندے؟

اعمال 1:15

اُنہاں ڈینہاں ءچ پطرس بِھرانواں دی جماعت ءچ جیہڑے تقریباً ہِک سو وِیہہ دے نیڑے ہَن، کھڑا تھی تے آکھنڑ لگا،

اعمال 21:3

جِیں ویلے کُپرُس جزیرہ نظریا تاں اساں اُونکُوں کھبے ہتھ چھوڑ تے سُوریہ کیتے روانہ تھئے تے صور ءچ لتھے کیوں جو اُتھاں ساڈے جہاز کُوں مال لہاونڑا ہا۔

اعمال 21:17

جِیں ویلے اساں یروشلیم پُجے تاں بِھرا بہُوں جوش نال ساکُوں مِلے۔