اعمال 21:40 - کِتاب مُقدّس سرائیکی ترجمہ

⁴⁰ جِیں ویلے سپہ سالار تُوں اِجازت گِھن گِھدی تاں اُوں پوڑیاں اُتے کھڑا تھی تے لوکاں کُوں ہتھ دا اِشارہ کیتا۔ جِیں ویلے او چُپ تھی گئے تاں اُنہاں کُوں عبرانی زبان ءچ اِینویں آکھنڑ لگا:

اعمال 21:40 Referans Kwoze

اعمال 12:17

اُوں اُنہاں کُوں ہتھ نال اِشارہ کیتا جو چُپ راہوݨ تے اُنہاں کُوں ڈسایا جو خُداوند اُونکُوں کِینویں قید خانہ ءچوں باہر کڈھے۔ وَل آکھیا، ”یعقُوب تے بِھرانواں کُوں اِیں گالھ دی خبر ڈے ڈیوائے“ تے خود کہیں بئی جاہ چلیا گِیا۔

اعمال 26:14

اساں سارے زمین اُتے ڈھے پئے تے مَیں ہِک اواز سُنڑی جیہڑی میکُوں عبرانی زبان ءچ آدھی پئی ہئی جو ’ساؤل! ساؤل! تُوں میکُوں کیوں سَتیندیں؟ میڈے خلاف لڑن بیوقُوفی ہے۔‘

اعمال 22:2

جِیں ویلے لوکاں اُونکُوں عبرانی بُولیندے سُنڑیا تاں بِیا وی چُپ تھی گئے۔ وَل اُوں آکھیا،

یُوحنّا 5:2

یروشلیم ءچ بھیڈ آلے پھاٹک دے نیڑے ہِک حوض ہے جیہڑا عبرانی ءچ بیت حسدا اکھویندے تے اُوندے پنج برانڈے ہِن۔

اعمال 21:35

جِیں ویلے پوڑیاں اُتے پُجیا تاں عوام دی زبردستی دی وجہ تُوں سپاہیاں کُوں اُونکُوں چا تے گِھن ونجنڑاں پِیا۔

اعمال 19:33

ایہ ڈیکھ تے یہُودیاں اِسکندر کُوں مجمع ءچوں کڈھ تے اگُوں کر ڈِتا۔ اِسکندر لوکاں کُوں چُپ تھی ونجنڑ دا اِشارہ کیتا تاں جو او اُنہاں کُوں آپنڑی صفائی پیش کر سگے۔

مُکاشفہ 16:16

وَل بدرُوحاں اُنہاں سارے بادشاہاں کُوں اُوں جاہ جمع کیتا جِیندا ناں عبرانی ءچ ”ہرمجدون“ ہے۔

مُکاشفہ 9:11

کھڈے دا فرشتہ اُنہاں دا بادشاہ ہا۔ اُوندا ناں عبرانی ءچ ”ابدّون“ تے یُونانی ءچ ”اپُلّیون“ یعنی ہلاک کرݨ آلا ہے۔

اعمال 13:16

بس پولُس کھڑا تھی تے ہتھ نال اِشارہ کر تے آکھیا، ”اِسرائیلیو تے خُدا دا خوف مننڑ آلیو! سُنڑو۔

اعمال 6:1

اُنہاں ڈینہاں ءچ جِیں ویلے شاگرداں دی تعداد ودھدی ویندی ہئی تاں یُونانی بولنڑ آلے یہُودی، عبرانیاں دی شکایت کرݨ لگے جو ہر روز جِیں ویلے کھانڑا تقسیم تھیندا ہے تاں ساڈیاں بیوہ عورتاں کُوں نظر انداز کیتا ویندے۔

یُوحنّا 19:20

بہُوں سارے یہُودیاں ایہ تختی پڑھی کیوں جو جیہڑی جاہ تے یسُوع کُوں صلیب اُتے چڑھایا گِیا ہا او شہر دے نیڑے ای ہئی تے تختی اُتے عبرانی، لاطینی تے یُونانی ءچ لِکھیا ہویا ہا۔

یُوحنّا 19:17

تے او آپنڑی صلیب چا تے شہر تُوں باہر اُوں جاہ دو گِیا جیہڑی کھوپڑی اکھویندی ہے تے جِینکُوں عبرانی زبان ءچ گُلگُتا آدھے ہِن۔

یُوحنّا 19:13

جِیں ویلے پِیلاطُس ایہ سُنڑیا تاں یسُوع کُوں باہر سڈیا تے آپنڑے تختِ عدالت اُتے بہہ گِیا۔ اُوں جاہ کُوں پتھر دا فرش آکھیا ویندا ہا جِینکُوں عبرانی ءچ گبّتا آدھے ہِن۔

لُوقا 23:38

یسُوع دے سر اُتوں ہِک تختی وی لائی گئی جیندے اُتے لِکھیا ہا جو ”ایہ یہُودیاں دا بادشاہ ہے۔“

اعمال 1:19

یروشلیم دے سبھ لوکاں کُوں اِیں گالھ دا پتہ لگ گِیا، اِتُھوں تئیں جو اُنہاں آپنڑی زبان ءچ اُوں کھیت دا ناں ای ہَقَل دما رکھ ڈِتا جِیندا مطلب ہے خون دا کھیت۔)