اعمال 21:34 - کِتاب مُقدّس سرائیکی ترجمہ

³⁴ بِھیڑ ءچوں کہیں کُجھ آکھیا تے کہیں کُجھ۔ اِتنا شور مچ گِیا جو سپہ سالار کُوں حقیقت معلوم نہ تھی سگی، اِیں واسطے اُوں حُکم ڈِتا جو پولُس کُوں قلعہ ءچ پُچا ڈِتا ونجے۔

اعمال 21:34 Referans Kwoze

اعمال 23:10

تے جِیں ویلے جھیڑا ودھ گِیا تاں پلٹن دے سپہ سالار کُوں اِیں گالھ دا ڈر لگیا جو پولُس دے ٹوٹے ٹوٹے نہ کر ڈِتے ونجنڑ، اِیں واسطے اُوں فوجیاں کُوں حُکم ڈِتا جو ”تلے ونجنڑ تے اُونکُوں اُتھوں زبردستی کڈھ تے قلعہ ءچ گِھن آوݨ۔“

اعمال 19:32

مجمع ءچ کھلبلی مچی ہوئی ہئی کیوں جو سارے لوک اُچی اواز ءچ آپنڑی آپنڑی آدھے پئے ہَن۔ تے بہُوں سارے لوکاں کُوں تاں ایہ وی پتہ نہ ہا جو او اُتھاں کیوں کٹھے تھئے ہِن۔

اعمال 23:16

پر جِیں ویلے پولُس دے بھڑینجے کُوں اِیں سازش دا پتہ چلیا تاں اُوں قلعہ ءچ وَنج تے پولُس کُوں خبر ڈِتی۔

اعمال 22:24

تاں پلٹن دے سپہ سالار پولُس کُوں قلعہ دے اندر گِھن ونجنڑ دا حُکم ڈِتا تے آکھیا جو ”اُونکُوں کوڑے مارو تے اُوندا بیان گِھنو تاں جو میکُوں پتہ لگے جو ایہ لوک اُوندے اُتے کیوں اِینویں چیخدے پئے ہِن۔“

اعمال 21:37

سپاہی پولُس کُوں قلعہ دے اندر گِھن ونجنڑ آلے ای ہَن جو اُوں پلٹن دے سپہ سالار کُوں آکھیا، ”کیا مَیں تیکُوں کُجھ آکھ سگدا ہاں؟“ اُوں پُچھیا، ”کیا تُوں یُونانی جانڑدا ہیں؟

اعمال 22:30

ڈُوجھے ڈینہہ پلٹن دے سپہ سالار پولُس کُوں کھول ڈِتا تے ایہ حقیقت جانڑن کیتے جو یہُودی اُوندے اُتے کیوں اِلزام لیندے ہِن، سردار کاہِناں تے یہُودیاں دی صدر ِ عدالت کُوں جمع تھیوݨ دا حُکم ڈِتا۔ وَل پولُس کُوں تلے گِھن وَنج تے سامنڑے کھڑا کر ڈِتا۔

اعمال 25:26

پر قیصر کُوں لِکھنڑ کیتے میڈے کولھ کوئی خاص گالھ نئیں، اِیں واسطے مَیں اُونکُوں تُہاڈے سامنڑے تے خاص کر اگرِپّا بادشاہ تُہاڈے سامنڑے حاضر کیتے تاں جو تفتیش دے بعد کوئی ایجھی گالھ معلوم تھیوے جِینکُوں مَیں قیصر کُوں لِکھ تے بھیج سگاں۔

اعمال 23:32

ڈُوجھے ڈینہہ او گُھڑ سواراں کُوں اُنہاں نال اگُوں ونجنڑ کیتے چھوڑ تے خود قلعہ دو وَل گئے۔