اعمال 21:33 - کِتاب مُقدّس سرائیکی ترجمہ

³³ پلٹن دے سپہ سالار نیڑے آ تے اُونکُوں گرفتار کر تے ڈُو زنجیراں نال بدھنڑ دا حُکم ڈِتا۔ وَل پُچھیا ایہ بندہ کوݨ ہے تے اِینیں کیا کیتے؟

اعمال 21:33 Referans Kwoze

اِفِسیوں 6:20

جیندی خاطر مَیں زنجیراں نال بدھیا ہویا مسیح دا ایلچی ہاں۔ تے دُعا کرو جو مَیں اُونکُوں ایجھی دلیری نال بیان کراں جِینویں میڈے اُتے فرض ہے۔

اعمال 21:11

اُوں ساڈے کولھ آ تے پولُس دا کمر بند گِھدا تے اُوندے نال آپنڑے ہتھ پیر بَدھ تے آکھنڑ لگا، ”رُوح القُدس فرمیندے جو یروشلیم دے یہُودی اِیں کمر بند دے مالک کُوں اِینویں بَدھ تے غیر قوماں دے حوالے کر ڈیسن۔“

اعمال 20:23

فقط اِیہو جانڑدا ہاں جو رُوح القُدس دی طرفوں ہر شہر ءچ اِیہو آگاہی مِلدی ریہی جو قید تے مُصیبتاں میڈے اِنتظار ءچ ہِن۔

اعمال 12:6

جِیں ویلے ہیرودیس اُونکُوں پیشی کیتے گِھن آوݨ آلا ہا تاں اُونہی رات پطرس ڈُو زنجیراں نال بدھیا ہویا، ڈُو سپاہیاں دے اَدھ ءچ سُتا پِیا ہا تے پہرے دار دروازہ اُتے قید خانہ دی نگہبانی کریندے پئے ہَن۔

اعمال 28:20

بس مَیں تُہاکُوں اِیں واسطے سڈوایا جو تُہاڈے نال مُلاقات کراں تے گالھ کراں کیوں جو مَیں بنی اِسرائیل دی اُمید دی وجہ کنُوں زنجیراں نال بدھیا پِیا ہاں۔“

اعمال 22:29

جیہڑے سپاہی اُوندا بیان گِھننڑ آلے ہَن، او فوراً پِچھاں ہٹ گئے تے پلٹن دا سپہ سالار وی ایہ جاݨ تے گھبرا گِیا جو جِینکُوں مَیں بدھیا ہویا ہے او رومی ہے۔

2 تِیمُتھِیُس 2:9

اِیں خوشخبری کیتے مَیں ڈُکھ چیندا ہاں بلکہ مُجرم وانگُوں قید ءچ ہاں، پر خُدا دا کلام کہیں قید ءچ نئیں۔

2 تِیمُتھِیُس 1:16

اُنیسِفرُس دے خاندان اُتے خُداوند دی رحمت تھیوے کیوں جو اُوں بہُوں دفعہ میکُوں تازہ دم کیتے تے میڈیاں قید دیاں زنجیراں کنُوں کڈھائیں نئیں شرمایا۔

اعمال 26:29

پولُس جواب ڈِتا، ”مَیں تاں خُدا تُوں دُعا کریندا ہاں جو بھانویں تھوڑی جیہی یا زیادہ، نہ فقط تُساں بلکہ جتنے وی اَج میڈی سُنڑدے پئے ہِن، میڈے وانگُوں تھی ونجنڑ، سِوا اِنہاں زنجیراں دے۔“

اعمال 25:16

مَیں اُنہاں کُوں ڈسایا جو رومی دستور دے مطابق کوئی بندہ سزا پاوݨ کیتے حوالہ نئیں کیتا وَنج سگدا جئیں تئیں جو اُونکُوں آپنڑے اِلزام لاوݨ آلیاں دے آمنڑے سامنڑے اُنہاں دے اِلزام دے بارے آپنڑی سچائی پیش کرݨ دا موقع نہ ڈِتا ونجے۔

اعمال 22:30

ڈُوجھے ڈینہہ پلٹن دے سپہ سالار پولُس کُوں کھول ڈِتا تے ایہ حقیقت جانڑن کیتے جو یہُودی اُوندے اُتے کیوں اِلزام لیندے ہِن، سردار کاہِناں تے یہُودیاں دی صدر ِ عدالت کُوں جمع تھیوݨ دا حُکم ڈِتا۔ وَل پولُس کُوں تلے گِھن وَنج تے سامنڑے کھڑا کر ڈِتا۔

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔