اعمال 21:26 - کِتاب مُقدّس سرائیکی ترجمہ

²⁶ اِیں واسطے ڈُوجھے ڈینہہ پولُس اُنہاں بندیاں کُوں نال گِھن گِیا تے اُنہاں نال خود وی پاک تھیوݨ دیاں رسماں پُوریاں کر تے ہیکل ءچ داخل تھیّا تے اُوں تاریخ دے بارے ءچ ڈسایا جڈاں اُنہاں دے پاک تھیوݨ دے ڈینہہ پُورے تھیسن تے اُنہاں دیاں قُربانیاں پیش کیتیاں ویسن۔

اعمال 21:26 Referans Kwoze

اعمال 24:18

جِیں ویلے اُنہاں میکُوں ہیکل ءچ ایہ کم کریندے ڈِٹھا تاں مَیں طہارت دی حالت ءچ ہم۔ نہ کوئی ہنگامہ ہا تے نہ کوئی فساد۔ ہا، آسِیہ دے کُجھ یہُودی ہَن۔

1کُرِنتھِیوں 9:20

یہُودیاں دے وچال مَیں آپنڑے آپ کُوں یہُودیاں آلی کار بنڑایا تاں جو یہُودیاں کُوں گِھن آواں۔ شریعت دے مننڑ آلیاں دے وچال شریعت دا مننڑ آلا بنڑیا تاں جو شریعت آلیاں کُوں گِھن آواں، بےشک مَیں آپ شریعت دا پابند نہ ہم۔

اعمال 21:24

اُنہاں کُوں آپنڑے نال گِھن وَنج تے اُنہاں نال رَل تے پاک تھیوݨ دیاں ساریاں رسماں کُوں پُورا کر، تے اُنہاں دا خرچا وی چا تاں جو او آپنڑے سر مُنوا سگنڑ۔ وَل ہر کہیں کُوں پتہ چل ویسی جو جیہڑے گالھیں تیڈے خلاف کیتیاں گئیاں ہِن او کُوڑیاں ہِن بلکہ تُوں خود وی شریعت اُتے عمل کر تے زندگی گُزریندا ہیں۔

یُوحنّا 11:55

جِیں ویلے یہُودیاں دی عید ِ فسح نیڑے ہئی تاں بہُوں سارے لوک دیہات دے علاقیاں کنُوں یروشلیم گئے تاں جو عید ِ فسح کنُوں پہلے آپنڑے آپ کُوں پاک کرݨ۔