اعمال 21:13 - کِتاب مُقدّس سرائیکی ترجمہ

¹³ پر پولُس جواب ڈِتا، ”تُساں ایہ کیا کریندے ہیوے؟ کیوں رو رو تے میڈا دل تُڑیندے ہیوے؟ مَیں یروشلیم ءچ خُداوند یسُوع دے ناں دی خاطر صرف بدھیجنڑ کیتے ای نئیں بلکہ مرݨ کیتے وی تیار ہاں۔“

اعمال 21:13 Referans Kwoze

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

فِلِپّیوں 2:17

جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

2 تِیمُتھِیُس 4:6

کیوں جو میں تاں انگُور دے رَس وانگُوں قُربان گاہ اُتے نذر دے طور تے وِیٹیا ویندا پِیا ہاں تے میڈے اِیں دُنیا تُوں کُوچ دا وقت آ گئے۔

مُکاشفہ 12:11

او لوک لیلے دے خون تے آپنڑی گواہی ڈیوݨ دے سببّوں اُوندے اُتے غالب آئے، اُنہاں آپنڑیاں زندگیاں کُوں عزیز نہ سمجھیا، اِتُھوں تئیں جو موت کُوں گَل لا گِھدا۔

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

2 پطرس 1:14

کیوں جو ساڈے خُداوند یسُوع مسیح میڈے اُتے ظاہر کیتے جو میڈے فانی بدن دے ختم تھیوݨ دا ویلا جلدی آوݨ آلا ہے۔

اعمال 20:37

او سارے بہُوں رُنّے تے پولُس دے گَل لگ تے اُوندے بوسے گِھدے۔

اعمال 5:41

بس رسُول عدالت ءچوں اِیں گالھ تُوں خوش تھی تے چلے گئے جو اساں یسُوع دے ناں دی خاطر بے عزت تھیوݨ دے لائق تاں تھئے۔

مُکاشفہ 3:10

تَیں میڈے صبر کرݨ دے بارے ءچ کلام اُتے عمل کیتے، اِیں واسطے مَیں وی ازمائش دے اُوں ویلے جیہڑا ساری دُنیا اُتے آوݨ آلا ہے، تیڈی حفاظت کریساں۔

2 تِیمُتھِیُس 1:4

تیڈے ہنجُواں کُوں یاد کر تے مَیں تیکُوں مِلنڑ دی سِک رکھیندا ہاں تاں جو تیکُوں مِل تے خوش تھی سگاں۔

1کُرِنتھِیوں 15:31

بِھراؤ! ساڈے خُداوند یسُوع مسیح ءچ ہوندے ہوئے، مَیں تُہاڈے اُتے فخر کریندا ہاں تے اِیں فخر دی قَسم کھا تے آدھا ہاں جو مَیں تاں ہر روز مردا ہاں۔

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

فِلِپّیوں 2:26

او تُہاڈے ساریاں نال مِلنڑ دی سِک رکھیندا تے پریشان وی ہا کیوں جو تُساں اُوندی بیماری دا حال سُنڑیا ہا۔