اعمال 20:7 - کِتاب مُقدّس سرائیکی ترجمہ

⁷ ہفتے دے پہلے ڈینہہ جِیں ویلے اساں خُداوند دی یادگاری ءچ روٹی تروڑن کیتے کٹھے تھئے تاں پولُس لوکاں نال گالھ کرݨ لگا۔ اُوں ڈُوجھے ڈینہہ اُتھوں کنُوں روانہ تھیونڑا ہا، اِیں واسطے او رات دیر تئیں کلام کریندا ریہا۔

اعمال 20:7 Referans Kwoze

1کُرِنتھِیوں 16:2

یعنی ہر ہفتے دے پہلے ڈینہہ تُہاڈے ءچوں ہر بندہ آپنڑی آمدنی دے مطابق کُجھ آپنڑے کولھ جمع کر رکھے، تاں جو میڈے آوݨ تے تُہاکُوں چندہ جمع کرݨ دی لوڑ نہ پووے۔

اعمال 2:42

تے ایہ لوک رسُولاں کنُوں تعلیم گِھننڑ، رفاقت رکھنڑ، کٹھے روٹی کھاوݨ تے دُعا کرݨ ءچ لگے ریہے۔

یُوحنّا 20:19

وَل اُوں ڈینہہ جیہڑا ہفتے دا پہلا ڈینہہ ہا، شام دے وقت جِیں ویلے شاگرد ہِک جاہ جمع ہَن تے یہُودیاں دے ڈر کنُوں دروازے بند ہَن، یسُوع آ تے اُنہاں دے وچال آ کھڑا تھیّا تے آکھیا، ”تُہاڈی سلامتی ہووے۔“

یُوحنّا 20:1

ہفتے دے پہلے ڈینہہ سویل نال جِیں ویلے حالی اندھارا ای ہا، مریم مگدلینی قبر اُتے آئی تے ڈِٹھا جو پتھر قبر دے مُنہ کنُوں ہٹیا ہویا ہے۔

مُکاشفہ 1:10

خُداوند دے ڈینہہ میں رُوح القُدس دے اثر ءچ آ گِیا ہم تے مَیں آپنڑے پِچُھوں نرسِنگے جیہی ہِک اواز سُنڑی،

اعمال 20:11

وَل اُوں، اُتے وَنج تے روٹی تروڑی تے ساریاں نال رَل تے کھادی۔ وَل او سوجھلا تھیوݨ تئیں اُنہاں نال گالھیں کرݨ تُوں بعد اُتھوں کنُوں روانہ تھی گِیا۔

اعمال 28:23

وَل اُنہاں پولُس دے گالھیں سُنڑݨ کیتے ہِک ڈینہہ مقرر کیتا۔ جِیں ویلے او ڈینہہ آیا تاں او پہلے کنُوں وی زیادہ تعداد ءچ اُوں گھر ءچ آئے جِتھاں او راہندا ہا۔ سویل تُوں گِھن تے شام تئیں پولُس اُنہاں کُوں سمجھا سمجھا تے خُدا دی بادشاہی دے بارے ءچ گواہی ڈِتی تے مُوسیٰ دی توریت تے نبیاں دے صحیفیاں ءچوں اُنہاں کُوں یسُوع دے بارے ءچ قائل کرݨ دی کوشش کیتی۔

اعمال 20:9

تے یُوتخُس ناں دا ہِک نوجوان کِھڑکی ءچ بیٹھا ہا۔ جڈاں پولُس دیر تئیں گالھیں کریندا ریہا تاں او سُنڑدے سُنڑدے سَم گِیا تے ڈاڈھی نیندر ءچ تریجھی منزل تُوں تلے وَنج ڈھٹھا۔ جِیں ویلے اُونکُوں چاتا گِیا تاں او مویا پِیا ہا۔

لُوقا 24:35

وَل اُنہاں رستے دیاں سارے گالھیں ڈسائیاں تے ایہ وی جو اُنہاں کِینویں اُونکُوں روٹی توڑیندے ویلے پچھانڑیا۔

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

1کُرِنتھِیوں 10:16

جِیں ویلے اساں [مسیح دی یادگاری ءچ] اُوں برکت دے پیالے اُتے برکت منگ تے پِیندے ہیں تاں کیا اساں مسیح دے خون ءچ شریک نئیں تھیندے؟ تے جڈاں او روٹی تروڑ تے کھاندے ہیں تاں کیا اساں مسیح دے بدن ءچ شریک نئیں تھیندے؟

اعمال 20:31

اِیں واسطے خبردار رہوائے تے یاد رکھائے جو مَیں ترے سال تئیں ڈینہہ رات ہنجُو وہا وہا تے ہر ہِک کُوں خطرے تُوں آگاہ کریندا ریہا۔

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

یُوحنّا 20:26

اَٹھ ڈینہہ بعد یسُوع دے شاگرد ہِک پھیری ولا گھر دے اندر ہَن تے توما وی اُنہاں دے نال ہا۔ دروازے بند ہَن، پر یسُوع آ تے اُنہاں دے وچال کھڑا تھی گِیا تے آکھیا، ”تُہاڈی سلامتی ہووے!“

لُوقا 22:19

وَل اُوں روٹی گِھدی تے شُکر کر تے تروڑی تے شاگرداں کُوں ایہ آکھ تے ڈِتی جو ”ایہ میڈا بدن ہے جیہڑا تُہاڈے کیتے ڈِتا ویندے۔ میڈی یادگاری کیتے اِیہو کیتا کرو۔“

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

مرقس 16:9

ہفتے دے پہلے ڈینہہ جِیں ویلے یسُوع صُبح سویلے زندہ تھی گِیا تاں سبھ کنُوں پہلے مریم مگدلینی اُتے ظاہر تھیّا، جیندے ءچوں اُوں سَت بدرُوحاں کڈھیاں ہَن۔

اعمال 16:10

اُوندی رویا دے بعد اساں فوراً مَکِدُنیہ ونجنڑ دا اِرادہ کیتا کیوں جو اساں ایہ سمجھیا جو خُدا ساکُوں اُتھوں دے لوکاں ءچ خوشخبری سُنڑاوݨ کیتے سڈیا ہے۔

اعمال 20:5

ایہ اگُوں روانہ تھئے تے تروآس ءچ ساڈا اِنتظار کریندے ریہے۔