اعمال 20:4 - کِتاب مُقدّس سرائیکی ترجمہ

⁴ کُجھ لوک یعنی پُرس دا پوتر سوپَترُس جیہڑا بیرِیہ دا ہا تے ارِسترخُس تے سِکُندُس جیہڑے تھِسّلُنِیکے دے ہَن تے گِیُس جیہڑا دِربے دا ہا تے تِیمُتِھیُس، تے آسِیہ صوبے دے تخِکُس تے ترُفِمُس، اُوندے نال ہَن۔

اعمال 20:4 Referans Kwoze

اعمال 19:29

سارے شہر ءچ افراتفری مچ گئی تے لوکاں گِیُس تے ارِسترخُس مَکِدُنیہ آلیاں کُوں جیہڑے پولُس نال آئے ہَن پکڑ گِھدا تے اُنہاں کُوں گھلیندے ہوئے تماشا گاہ دو بھج پئے۔

2 تِیمُتھِیُس 4:20

اِراستُس کُرِنتُھس شہر ءچ رہ گئے تے مَیں ترُفِمُس کُوں مِیلیتُس ءچ چھوڑ ڈِتے کیوں جو او بیمار ہا۔

اِفِسیوں 6:21

تخِکُس جیہڑا عزیز بِھرا تے خُداوند ءچ وفادار خادم ہے، تُہاکُوں سبھ کُجھ ڈسا ڈیسی، تاں جو تُساں وی میڈی حالت کنُوں واقف تھی ونجو۔

طِطُس 3:12

جِیں ویلے مَیں اَرتِماس یا تخِکُس کُوں تیڈے کولھ بھجیساں تاں نِیکُپُلس ءچ میڈے کولھ آوݨ دی کوشش کریں کیوں جو مَیں ٹَھڈ دا موسم اُتھائیں گُزارݨ دا فیصلہ کیتے۔

2 تِیمُتھِیُس 4:12

تخِکُس کُوں مَیں اِفِسُس بھیج ڈِتے۔

کلُسِّیوں 4:7

عزیز بِھرا تخِکُس جیہڑا وفادار خادم تے خُداوند دی خدمت ءچ میڈا ساتھی ہے میڈا سارا حال تُہاکُوں ڈسا ڈیسی۔

اعمال 21:29

کیوں جو اُنہاں پہلے ای ترُفِمُس اِفِسی کُوں شہر ءچ پولُس نال ڈیکھ گِھدا ہا تے سوچیندے پئے ہَن جو پولُس اُونکُوں ہیکل ءچ گِھن آیا ہے۔

اعمال 16:1

پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

اعمال 14:6

تاں او اِیندے تُوں واقف تھی تے لُکااُنیہ دے شہر لُسترہ تے دِربے تے نال دیاں وستیاں ءچ بھج گئے۔

کلُسِّیوں 4:10

ارِسترخُس جیہڑا میڈے نال قید ءچ ہے تے مرقس جیہڑا برنباس دا رشتے دار ہے، تُہاکُوں سلام آدھے۔ تُہاکُوں مرقس کیتے ہدایت ڈِتی گئی ہے جو جے او تُہاڈے کولھ آوے تاں اُونکُوں خوشی نال قبول کرائے۔

3 یُوحنّا 1:1

ایہ خط مَیں بزُرگ دی طرفوں، پیارے گِیُس دے ناں ہے جیندے نال مَیں سچی محبت کریندا ہاں۔

فِلیمون 1:24

تے مرقس، ارِسترخُس، دیماس تے لُوقا وی جیہڑے میڈے نال خدمت کریندے ہِن، تیکُوں سلام آدھے ہِن۔

2 تِیمُتھِیُس 1:2

ایہ خط پیارے پوتر تِیمُتِھیُس دے ناں ہے۔ ساڈے خُدا باپ تے خُداوند یسُوع مسیح دی طرفوں تیکُوں فضل، رحم تے اِطمینان حاصل تھیندا راہوے۔

1 تِیمُتھِیُس 1:1

ایہ خط میں پولُس دی طرفوں ہے جیہڑا ساڈے نجات ڈیوݨ آلے خُدا تے ساڈی اُمید یعنی یسُوع مسیح دے حُکم نال اُوندا رسُول مقرر کیتا گِیا ہاں،

فِلِپّیوں 2:19

میکُوں خُداوند یسُوع ءچ ایہ اُمید ہے جو تِیمُتِھیُس کُوں جلدی تُہاڈے کولھ بھیج ڈیساں تاں جو تُہاڈے بارے ءچ خبر سُنڑ تے میکُوں وی تسلی تھیوے۔

2کُرِنتھِیوں 1:19

کیوں جو خُدا دے پوتر یسُوع مسیح، جیندی تبلیغ سِیلاس، تِیمُتِھیُس تے مَیں تُہاڈے وچال کیتی، اُوندے ءچ ”ہاں“ تے ”نہ“ ڈوہائیں نہ ہَن بلکہ اُوندے ءچ ہمیشاں ”ہاں“ ای ہئی۔

2کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں، تے ساڈے بِھرا تِیمُتِھیُس دی طرفوں، خُدا دی کلیسیا دے ناں جیہڑی کُرِنتُھس شہر ءچ ہے تے پُورے اَخیہ دے سارے مُقدّساں دے ناں۔

رومیوں 16:23

گِیُس، جیہڑا میڈی تے اِتھاں دی ساری کلیسیا دی مہمان نوازی کریندے، تُہاکُوں سلام آدھے۔ شہر دا خزانچی اِراستُس تے کوارتُس بِھرا تُہاکُوں سلام آدھے ہِن۔

رومیوں 16:21

میڈا ہم خدمت تِیمُتِھیُس تے میڈی قوم آلے لُوکِیُس، یاسون تے سوسِپطرُس تُہاکُوں سلام آدھے ہِن۔

اعمال 27:2

اساں ادرمُتیُّم تُوں ہِک جہاز اُتے سوار تھی تے روانہ تھئے جیہڑا آسِیہ دی ساحلی بندرگاہاں کنُوں تھیندا ہویا اگُوں ونجنڑ آلا ہا تے تھِسّلُنِیکے دا ارِسترخُس مَکِدُنی ساڈے نال ہا۔

اعمال 17:1

اِیندے بعد پولُس تے سِیلاس، امفِپُلِس تے اَپُلّونیہ ءچوں تھیندے ہوئے تھِسّلُنِیکے آئے جِتھاں یہُودیاں دا ہِک عبادت خانہ ہا۔

اعمال 14:20

پر جِیں ویلے شاگرد اُوندے چودھارُوں آ کھڑے تھئے تاں او اُٹھی تے شہر ءچ آیا تے ڈُوجھے ڈینہہ برنباس نال دِربے چلیا گِیا۔

اعمال 2:9

اساں تاں پارتھی، مادی، عِیلامی، مسوپتامیہ، یہُودیہ، کپَدُکیہ، پُنطُس، آسِیہ،

اعمال 16:6

وَل پولُس تے سِیلاس فروگیہ تے گلِتیہ دے علاقے ءچوں لنگھے کیوں جو رُوح القُدس اُنہاں کُوں آسِیہ ءچ کلام سُنڑاوݨ تُوں روک ڈِتا ہا۔

اعمال 17:13

جِیں ویلے تھِسّلُنِیکے دے یہُودیاں کُوں پتہ لگیا جو پولُس بیرِیہ ءچ خُدا دے کلام دی تبلیغ کریندا پِیا ہے تاں او اُتھاں وی آ پُجے تے لوکاں کُوں ہنگامہ کرݨ اُتے اُکساوݨ لگے۔

اعمال 20:16

پولُس ایہ فیصلہ کر گِھدا ہا جو او اِفِسُس کولُھوں لنگھے تاں جو اُونکُوں آسِیہ ءچ مزید دیر نہ لگے۔ کیوں جو او جلدی نال یروشلیم وَنج تے پِنتیکُست دا ڈینہہ اُتھاں گُزارنڑاں چاہندا ہا۔

اعمال 20:18

جِیں ویلے او آئے تاں اُنہاں کُوں آکھیا، ”تُساں جانڑدے ہیوے جو جئیں ڈینہہ تُوں مَیں آسِیہ ءچ پیر رکھیا ہے میڈی زندگی تُہاڈے سامنڑے کیجھی لنگھدی پئی ہے۔