اعمال 20:35 - کِتاب مُقدّس سرائیکی ترجمہ

³⁵ مَیں تُہاکُوں ایہ سبھ کر تے ڈِکھایا جو اساں کِینویں محنت کر تے کمزوراں کُوں سنبھال سگدے ہیں۔ خُداوند یسُوع دے لفظاں کُوں یاد رکھو جو اُوں آکھیا، ’ڈیونڑا گِھننڑ کنُوں زیادہ مُبارک ہے‘۔“

اعمال 20:35 Referans Kwoze

عبرانیوں 13:16

تے بھلائی تے سخاوت کرݨ نہ بُھلائے کیوں جو خُدا ایجھیاں قُربانیاں کُوں پسند کریندے۔

متّی 10:8

بیماراں کُوں شِفا ڈیوائے۔ مُردیاں کُوں زندہ کرائے۔ کوڑھیاں کُوں پاک صاف کرائے۔ بدرُوحاں کُوں کڈھائے۔ تُہاکُوں مُفت مِلے، مُفت ڈیوائے۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔

رومیوں 15:1

اساں جیہڑے اِیمان ءچ پکّے ہیں ساڈا فرض ہے جو کمزور اِیمان آلیاں دیاں کمزوریاں دا لحاظ کرُوں، نہ صرف آپنڑی خوشی کرُوں۔

اعمال 20:27

کیوں جو مَیں بغیر کہیں جِھجک دے خُدا دا پُورا مقصد تُہاڈے اُتے ظاہر کریندا ہاں۔

عبرانیوں 13:3

تُساں قیدیاں کُوں اِینویں یاد رکھو جِینویں جو تُساں خود اُنہاں دے نال قید ءچ ہیوے، تے جِنہاں دے نال بدسلُوکی کیتی ویندی ہے اُنہاں کُوں اِینویں یاد رکھو جِینویں جو تُساں خود آپنڑے بدن ءچ برداشت کریندے پئے ہیوے۔

اِفِسیوں 4:28

چوری کرݨ آلا اگُوں تے چوری نہ کرے بلکہ آپنڑے ہتھاں نال محنت کر تے کوئی چنگا کم کرے تاں جو مُتھاجاں دی مدد کرݨ کیتے اُوندے کولھ کُجھ ہووے۔

اعمال 20:20

جیہڑے گالھیں تُہاڈے فائدے کیتے ہَن اُنہاں کُوں مَیں بغیر کہیں جِھجک دے بیان کیتا بلکہ اعلانیہ طور تے گھر گھر وَنج تے سِکھایا۔

2کُرِنتھِیوں 12:13

مَیں تُہاکُوں کیہڑی گالھ ءچ ڈُوجھیاں کلیسیاواں کنُوں گھٹ کھڑایا، سِوا اِیندے جو مَیں تُہاڈے اُتے مالی بوجھ نہ سٹیا؟ میڈی ایہ بے اِنصافی معاف کرو۔

2کُرِنتھِیوں 11:9

تے جِیں ویلے مَیں تُہاڈے کولھ ہم تے میکُوں ضرورت پئی تاں مَیں تُہاڈے ءچوں کہیں کُوں ذرا وی تکلیف نہ ڈِتی کیوں جو مَکِدُنیہ کنُوں مسیحی بِھرانواں آ تے میڈی ضرورت پُوری کیتی۔ مَیں تُہاڈے اُتے کوئی بھار نئیں سٹیا تے نہ ای ولا سٹیساں۔

1تھِسّلُنیکیوں 4:11

تے جِینویں اساں تُہاکُوں ہدایت کیتی ہے، ہر بندہ چُپ چاپ رہ تے آپنڑے کم ءچ لگا راہوے تے آپنڑے ہتھ نال محنت کر تے روٹی کماوݨ دی کوشش کرے۔

2کُرِنتھِیوں 11:12

جیہڑا کُجھ مَیں کریندا ہاں اُوہو کریندا راہساں تاں جو اُنہاں کُوں موقع نہ ڈیواں جیہڑے فخر کر تے دعویٰ کرݨ چاہندے ہِن جو اُنہاں دے کم ساڈے وانگُوں ہِن۔

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

اعمال 20:34

تُساں خود جانڑدے ہیوے جو مَیں آپنڑے ہتھاں نال آپنڑی تے آپنڑے ساتھیاں دیاں ضرورتاں پُوریاں کیتیاں ہَن۔

اعمال 20:36

اِنہاں گالھیں دے بعد پولُس اُنہاں ساریاں نال گوڈے ٹیک تے دُعا کیتی۔

3 یُوحنّا 1:7

کیوں جو او مسیح دے ناں دی خاطر خدمت کیتے نِکلے ہِن، تے غیر اِیمانداراں تُوں کُجھ نئیں گِھندے۔