اعمال 20:32 - کِتاب مُقدّس سرائیکی ترجمہ

³² ہُنڑ مَیں تُہاکُوں خُدا تے اُوندے فضل دے کلام دے سپُرد کریندا ہاں جیہڑا تُہاڈے اِیمان دی ترقی دا سبب بنڑ سگدے تے تُہاکُوں سارے مُقدّساں ءچ شامل کر تے میراث دا حقدار بنڑا سگدے۔

اعمال 20:32 Referans Kwoze

کلُسِّیوں 1:12

تے باپ دا شُکر کریندے راہو جئیں تُہاکُوں اِیں لائق بنڑائے جو نُور ءچ مُقدّساں دی میراث ءچ شریک تھیؤ۔

کلُسِّیوں 3:24

کیوں جو تُساں جانڑدے ہیوے جو تُہاکُوں اِیندے بدلہ ءچ خُداوند دی طرفوں میراث مِلسی۔ تُساں آپنڑے خُداوند مسیح دی خدمت کریندے پئے ہیوے۔

اِفِسیوں 1:14

رُوح القُدس ساڈی میراث دا بیعانہ ہے جئیں تئیں ساکُوں مخلصی نہ مِل ونجے، تاں جو خُدا دے جلال دی تعریف کیتی ونجے۔

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

عبرانیوں 9:15

اِیہو وجہ ہے جو مسیح نویں عہد دا درمیانی ہے تاں جو خُدا دی طرفوں سڈے گئے لوک وعدہ کیتی ہوئی ابدی میراث کُوں حاصل کر سگنڑ۔ ایہ صرف اِیں واسطے ممکن تھئے جو مسیح آپنڑی جان فِدیہ دے طور تے ڈے ڈِتی تاں جو اُنہاں کُوں اُنہاں گُناہاں دی سزا تُوں چُھڑاوے جیہڑے اُنہاں پہلے عہد دے دوران کیتے ہَن۔

اِفِسیوں 1:18

تے تُہاڈے دل دے اکھیں روشن تھی ونجنڑ تاں جو تُساں جاݨ گِھنو جو خُدا تُہاکُوں کیجھی اُمید کیتے سڈے تے مُقدّساں کیتے اُوندے جلال آلی میراث دی دولت کیجھی ہے،

کلُسِّیوں 2:7

اُوندے ءچ جڑھ پکڑیندے تے تعمیر تھیندے ونجو تے جِینویں تُساں تعلیم گِھدی ہے اُونویں ای اِیمان ءچ مضبوط راہو تے خُدا دی بہُوں شُکرگزاری کیتا کرو۔

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

اِفِسیوں 5:5

کیوں جو تُساں ایہ جانڑدے ہیوے جو کہیں حرامکار، ناپاک یا لالچی بندے دی مسیح تے خُدا دی بادشاہی ءچ کوئی میراث نئیں بلکہ لالچی بندہ بُت پرست دے برابر ہے۔

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

یہُوداہ 1:20

پر عزیزو! تُساں آپنڑے پاک اِیمان ءچ ترقی کر تے رُوح القُدس دی مدد نال دُعا کریندے راہو۔

1کُرِنتھِیوں 6:11

تُہاڈے ءچوں کُجھ ایجھے ای ہَن، پر تُساں خُداوند یسُوع المسیح دے ناں ءچ، تے خُدا دے رُوح القُدس دے ذریعے دھویج گئے، پاک تھی گئے تے راستباز وی کھڑائے گئے۔

اعمال 14:23

اُنہاں ہر کلیسیا ءچ بزُرگاں کُوں مقرر کیتا تے روزہ رکھ تے، تے دُعاواں کر تے اُنہاں کُوں خُداوند دے سپُرد کیتا جئیں اُتے او اِیمان گِھن آئے ہَن۔

عبرانیوں 10:14

کیوں جو اُوں پاک تھیوݨ آلیاں کُوں ہِکے قُربانی نال ہمیشاں تئیں کامِل کر ڈِتے۔

عبرانیوں 2:11

پاک کرݨ آلا یسُوع تے پاک تھیوݨ آلے لوک ہِکو خاندان دے ہِن۔ اِیں واسطے او اُنہاں کُوں بِھرا آکھنڑ تُوں نئیں شرمیندا۔

اعمال 14:26

اُتھوں او جہاز اُتے سوار تھی تے ولا انطاکِیہ گئے جِتھاں اُنہاں کُوں اُوں خدمت کیتے جیہڑی اُنہاں ہُنڑ پُوری کر گِھدی ہئی خُدا دے فضل دے سپُرد کیتا گِیا ہا۔

یُوحنّا 17:17

سچائی دے وسیلہ اُنہاں کُوں آپنڑے کیتے وقف کر ڈے۔ تیڈا کلام سچائی ہے۔

اِفِسیوں 4:16

اُوندے وسیلے پُورا بدن آپنڑے ہر جوڑ دی مدد نال آپس ءچ جُڑ تے قائم راہندے تے ہر اَنگ دے آپنڑا آپنڑا کم کرݨ نال پُورا بدن محبت ءچ ودھدے تے ترقی کریندے۔

اِفِسیوں 4:12

تاں جو مُقدّس لوک خدمت دے کم کرݨ دے قابل بنڑݨ تے اِینویں مسیح دے بدن دی ترقی تھیوے،

اعمال 14:3

بس پولُس تے برنباس اُتھاں بہُوں عرصے تئیں ریہے تے خُداوند دے بھروسے تے دلیری نال کلام کریندے ہَن۔ خُداوند اُنہاں معجزیاں تے عجیب کماں دے ذریعے جیہڑے اُنہاں دے ہتُھوں تھیندے ہَن، آپنڑے فضل دے کلام کُوں برحق ثابت کریندا ریہا۔

یُوحنّا 15:3

تُساں اُوں کلام دے سببّوں جیہڑا مَیں تُہاڈے نال کیتے پاک تھی گئے ہیوے۔

یہُوداہ 1:1

ایہ خط میں یہُوداہ دی طرفوں ہے جیہڑا یسُوع مسیح دا خادم تے یعقُوب دا بِھرا ہاں، اُنہاں لوکاں دے ناں جیہڑے سڈے گئے ہِن تے خُدا باپ دے عزیز ہِن تے یسُوع مسیح دے وسیلے نال محفوظ رکھے گئے ہِن۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

اعمال 15:40

پر پولُس سِیلاس کُوں نال گِھن گِھدا تے بِھرانواں کنُوں خُداوند دے فضل دے سپُرد تھی تے اُتھوں روانہ تھیّا۔

اعمال 9:31

بس پُورے یہُودیہ، گلیل تے سامریہ ءچ کلیسیا کُوں سکون تھی گِیا تے اُوندی ترقی تھیندی گئی۔ او خُداوند دے خوف ءچ زندگی گُزار تے، تے رُوح القُدس دی مدد نال گِنتری ءچ ودھدی ویندی ہئی۔

مرقس 10:17

جِیں ویلے یسُوع نِکل تے آپنڑے رستے ویندا پِیا ہا تاں ہِک بندہ بھجدا ہویا آیا تے اُوندے سامنڑے گوڈے ٹیک تے پُچھنڑ لگا جو ”نیک اُستاد! مَیں کیا کراں جو ہمیشاں دی زندگی دا وارث بنڑاں؟“

اعمال 11:23

جِیں ویلے او اُتھاں پُجیا تاں لوکاں اُتے خُدا دا فضل ڈیکھ تے بہُوں خوش تھیّا تے اُنہاں سبھ کُوں نصیحت کیتی جو پُورے دل نال خُداوند دے وفادار بنڑے راہو۔

رومیوں 8:17

تے جے فرزند ہیں تاں وارث وی ہیں یعنی خُدا دے وارث تے مسیح دے ہم میراث، شرط ایہ ہے جو اساں اُوندے نال ڈُکھ چاؤں تاں جو اُوندے نال جلال وی پاؤں۔

1کُرِنتھِیوں 6:9

کیا تُساں نئیں جانڑدے جو بدکار خُدا دی بادشاہی دے وارث نہ ہوسن؟ دوکھے ءچ نہ رہوائے۔ نہ حرام کار، نہ بُتاں دی پُوجا کرݨ آلے، نہ زِنا کار، نہ لونڈے باز،

1کُرِنتھِیوں 6:10

نہ چور، نہ لالچی، نہ شرابی، نہ مندھے کڈھنڑ آلے، نہ ظالم خُدا دی بادشاہی دے وارث ہوسن۔