اعمال 20:30 - کِتاب مُقدّس سرائیکی ترجمہ

³⁰ بلکہ تُہاڈے ءچوں ای ایجھے لوک اُٹھسن جیہڑے حق کُوں تروڑ مروڑ تے پیش کریسن تاں جو شاگرداں کُوں آپنڑے پاسے چھیک گِھننڑ۔

اعمال 20:30 Referans Kwoze

1 یُوحنّا 2:19

ایہ لوک ساڈے ءچوں نِکلے تاں ہِن پر اصل ءچ ساڈے ءچوں نہ ہَن۔ جے ساڈے ءچوں ہوندے تاں ساڈے نال راہندے۔ پر اُنہاں دے نِکل ونجنڑ تُوں ثابت تھی گئے جو او ساڈے ءچوں نہ ہَن۔

اعمال 11:26

تے جِیں ویلے او مِلیا تاں اُونکُوں انطاکِیہ ءچ گِھن آیا۔ تے ساؤل تے برنباس ہِک سال تئیں اُتھاں دی کلیسیا ءچ شامل تھیندے تے بہُوں سارے لوکاں کُوں تعلیم ڈیندے ریہے۔ شاگرد پہلی پھیری انطاکِیہ ءچ ای مسیحی اکھوائے۔

مُکاشفہ 2:6

پر ایہ گالھ تیڈے حق ءچ ہے جو تُوں نِیکُلیاں دے کماں تُوں نفرت کریندیں جِنہاں تُوں مَیں وی نفرت کریندا ہاں۔

2 یُوحنّا 1:7

کیوں جو گُمراہ کرݨ آلے بہُوں سارے لوک دُنیا ءچ نِکل آئے ہِن جیہڑے یسُوع مسیح دے اِنسانی جِسم ءچ آوݨ دا اِنکار کریندے ہِن۔ ایجھا ہر بندہ گُمراہ کرݨ آلا تے مسیح دا مخالف ہے۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

1 تِیمُتھِیُس 6:5

تے اُنہاں لوکاں ءچ جِنہاں دی عقل وِگڑ گئی ہے، جھیڑے پیدا تھیندے ہِن۔ سچائی اُنہاں کنُوں چِھک گِھدی گئی ہے تے او دینداری کُوں نفع دا ذریعہ سمجھدے ہِن۔

1 تِیمُتھِیُس 5:13

اِیندے علاوہ او گھر گھر بیکار پِھردیاں ہِن تے نہ صرف بیکار راہندیاں ہِن بلکہ فضول گالھیں کر تے ڈُوجھیاں دے معاملیاں ءچ دخل اندازی وی کریندیاں ہِن تے غیرمناسب گالھیں آدھیاں ہِن۔

اعمال 21:38

کیا تُوں او مِصری نئیں جئیں کُجھ عرصہ پہلے بغاوت کیتی ہئی تے چار ہزار قاتلاں کُوں بیابان ءچ گِھن گِیا ہَویں؟“

متّی 23:15

منافق شریعت دے عالمو تے فریسیو، تُہاڈے اُتے افسوس۔ تُساں ہِک مُرید بنڑاوݨ کیتے تَری تے خشکی دا سفر کریندے ہیوے تے جِیں ویلے بنڑا گِھندے ہیوے تاں اُونکُوں آپنڑے کنُوں ڈُونڑا جہنم دا حقدار بنڑا ڈیندے ہیوے۔

2کُرِنتھِیوں 11:13

کیوں جو ایجھے لوک کُوڑے رسُول تے دوکھے بازی نال کم کرݨ آلے ہِن تے آپنڑے آپ کُوں مسیح دے رسُولاں دے ہم شکل بنڑا گِھندے ہِن۔