اعمال 20:28 - کِتاب مُقدّس سرائیکی ترجمہ

²⁸ بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

اعمال 20:28 Referans Kwoze

1 تِیمُتھِیُس 4:16

آپنڑے چال چلنڑ تے آپنڑی تعلیم دا خاص خیال رکھ۔ اِنہاں گالھیں اُتے عمل کریندا رہ کیوں جو اِینویں کرݨ نال تُوں آپنڑی تے آپنڑے سُنڑݨ آلیاں دی نجات دا سبب ہوسیں۔

1 تِیمُتھِیُس 3:2

اِیں واسطے نگہبان کُوں چاہیدے جو او بے اِلزام، ہِک ذال دا پایا، پرہیزگار، مُتّقی، شریف، مہمان نواز تے تعلیم ڈیوݨ دے قابل ہووے۔

اعمال 13:2

جِیں ویلے او خُداوند دی عبادت کریندے تے روزے رکھیندے پئے ہَن تاں رُوح القُدس آکھیا، ”میڈے کیتے برنباس تے ساؤل کُوں اُوں کم کیتے مخصوص کر ڈیؤ جیندے کیتے مَیں اُنہاں کُوں سڈیا ہے۔“

عبرانیوں 13:17

آپنڑے راہنماواں دے تابع دار تے فرمانبردار راہو کیوں جو او تُہاڈی رُوحانی نِگرانی کریندے ہِن، ایہ جانڑدے ہوئے جو اِیں خدمت دا حساب ڈیونڑا پوسی۔ اُنہاں دے فرمانبردار راہو تاں جو آپنڑا کم خوشی نال کرݨ نہ جو شکایت نال، کیوں جو اِیں صورت ءچ تُہاکُوں کوئی فائدہ نہ تھیسی۔

1 تِیمُتھِیُس 5:17

جیہڑے بزُرگ چنگی راہنمائی کریندے ہِن، خاص کر او جیہڑے کلام سُنڑیندے تے تعلیم ڈیندے ہِن، ڈُونڑی عزت دے حقدار ہِن۔

1کُرِنتھِیوں 10:32

تُساں نہ یہُودیاں کیتے نہ یُونانیاں کیتے تے نہ ای خُدا دی کلیسیا کیتے تُھڈا کھاوݨ دا سبب بنڑو۔

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔

اِفِسیوں 1:7

ساکُوں مسیح دے خون دے وسیلے نال مخلصی یعنی گُناہاں دی معافی مِلی ہے۔ ایہ خُدا دے اُوں بے حد فضل دے سببّوں تھیّا،

لُوقا 12:32

چھوٹے اِجڑ! نہ ڈر، کیوں جو تُہاڈے باپ کُوں پسند آیا جو تُہاکُوں بادشاہی ڈیوے۔

1 تِیمُتھِیُس 3:5

کیوں جو جے کوئی آپنڑے ای گھر کُوں نئیں سنبھال سگدا تاں او خُدا دی کلیسیا دی ڈیکھ بھال کِینویں کریسی؟

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔

1 تِیمُتھِیُس 4:14

اُوں نعمت تُوں غافل نہ رہ جیہڑی تیکُوں پیشن گوئی دے ذریعے مِلی جڈاں جماعت دے بزُرگاں تیڈے اُتے آپنڑے ہتھ رکھے۔

اِفِسیوں 1:14

رُوح القُدس ساڈی میراث دا بیعانہ ہے جئیں تئیں ساکُوں مخلصی نہ مِل ونجے، تاں جو خُدا دے جلال دی تعریف کیتی ونجے۔

گلتِیوں 1:13

تُساں تاں سُنڑیا ہے جو جِیں ویلے مَیں یہُودی طور طریقے دا پابند ہم تاں میڈا چال چلنڑ کیجھا ہا۔ مَیں خُدا دی کلیسیا کُوں کِینویں حد تُوں زیادہ ستیندا تے اُنہاں کُوں تباہ کرݨ دی کوشش کریندا ہم۔

اعمال 20:29

مَیں ایہ جانڑدا ہاں جو میڈے ونجنڑ دے بعد پھاڑ ڈیوݨ آلے نہر تُہاڈے وچال آ ویسن تے اِجڑ کُوں نہ چُھڑیسن۔

اعمال 20:17

مِیلیتُس پُج تے پولُس اِفِسُس ءچ پیغام بھیج تے کلیسیا دے بزُرگاں کُوں سڈوایا۔

اعمال 14:23

اُنہاں ہر کلیسیا ءچ بزُرگاں کُوں مقرر کیتا تے روزہ رکھ تے، تے دُعاواں کر تے اُنہاں کُوں خُداوند دے سپُرد کیتا جئیں اُتے او اِیمان گِھن آئے ہَن۔

1 پطرس 2:25

پہلے تُساں بھیڈاں وانگُوں آوارہ پِھردے ہَوے پر ہُنڑ آپنڑیاں جاناں دے آجڑی تے نگہبان دے کولھ واپس آ گئے ہیوے۔

1 پطرس 2:9

پر تُساں ہِک چُنڑی ہوئی نسل، شاہی کاہِن، مُقدّس قوم تے ایجھی اُمت ہیوے جیہڑی خُدا دی خاص ملکیت ہے، تاں جو تُساں اُوندے خُوبیاں دا اعلان کرو جئیں تُہاکُوں اندھارے ءچوں آپنڑی حیران کرݨ آلی روشنی ءچ سڈیا ہے۔

کلُسِّیوں 4:17

اَرخِپُس کُوں اکھائے جو جیہڑی خدمت خُداوند ءچ اُوندے سپُرد تھئی ہے اُونکُوں ہوشیاری نال پُورا کرے۔

اِفِسیوں 4:11

اُوں کُجھ لوکاں کُوں رسُول، کُجھ کُوں نبی، کُجھ کُوں تبلیغ کرݨ آلے تے کُجھ کُوں نگہبان تے کُجھ کُوں اُستاد بنڑایا،

1کُرِنتھِیوں 15:9

کیوں جو مَیں رسُولاں ءچوں ساریاں کنُوں کمتر ہاں بلکہ رسُول اکھواوݨ دے لائق وی نئیں، اِیں واسطے جو مَیں خُدا دی کلیسیا کُوں سَتیندا ہم۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

1 یُوحنّا 1:7

پر جے اساں نُور ءچ ٹُردے ہیں جِینویں جو او خود نُور ءچ ہے تاں اساں ہِک ڈُوجھے نال رفاقت رکھیندے ہیں تے اُوندے پوتر یسُوع دا خون ساکُوں سبھ گُناہاں تُوں پاک کریندے۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

طِطُس 1:7

نگہبان کُوں خُدا دے لوکاں دا مُختار ہووݨ دے سببّوں بے اِلزام ہوونڑا چاہیدے۔ او ضِدی تے کوڑیل نہ ہووے، شرابی تے مار کُٹ کرݨ آلا نہ ہووے تے نہ ای پیسے دا لالچی ہووے۔

کلُسِّیوں 1:14

جیندے وسیلے نال ساکُوں مخلصی یعنی گُناہاں تُوں معافی مِلی ہے۔

1کُرِنتھِیوں 11:22

کیا کھاوݨ تے پِیوݨ کیتے تُہاڈے گھر نئیں؟ یا کیا تُساں خُدا دی کلیسیا کُوں ناچیز سمجھ تے جِنہاں کولھ کُجھ نئیں اُنہاں کُوں شرمندہ کریندے ہیوے؟ مَیں تُہاکُوں کیا آکھاں؟ کیا اِیں کیتے تُہاڈی تعریف کراں؟ مَیں تُہاڈی تعریف نئیں کر سگدا۔

مرقس 13:9

پر تُساں خبردار رہوائے کیوں جو لوک تُہاکُوں عدالتاں ءچ پیش کریسن تے تُساں عبادت خانیاں ءچ ماراں کھاسو، تے میڈی وجہ کنُوں حاکماں تے بادشاہاں دے سامنڑے حاضر کیتے ویسو تے ایہ تُہاڈے کیتے گواہی ڈیوݨ دا موقع ہوسی۔

متّی 16:18

تے مَیں وی تیکُوں آدھا ہاں جو تُوں پطرس ہیں، تے مَیں اِیں چٹان اُتے آپنڑی کلیسیا قائم کریساں تے موت وی اُوندے اُتے غالب نہ آ سگسی۔

متّی 2:6

’بیت لحم! یہُوداہ دے علاقے، تُوں یہُوداہ دے حاکماں ءچوں ہرگز چھوٹا نئیں کیوں جو تیڈے ءچوں ہِک حاکم اُٹھسی جیہڑا آجڑی آلی کار میڈی اُمت اِسرائیل دی نگہبانی کریسی‘۔“

رومیوں 16:16

آپس ءچ پاک بوسہ گِھن تے ہِک ڈُوجھے کُوں سلام کرو۔ مسیح دیاں ساریاں کلیسیاواں تُہاکُوں سلام آدھیاں ہِن۔

1کُرِنتھِیوں 6:20

کیوں جو قیمت نال مُل گِھدے گئے ہیوے۔ بس آپنڑے بدن تُوں خُدا دا جلال ظاہر کرو۔

1 تِیمُتھِیُس 3:1

ایہ گالھ سچ ہے جو ”جیہڑا بندہ کلیسیا ءچ نگہبان بنڑݨ چاہندے، او چنگے کم دی خواہش کریندے۔“

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔