اعمال 2:5 - کِتاب مُقدّس سرائیکی ترجمہ

⁵ اُوں ویلے دُنیا دی ہر قوم ءچوں خُدا ترس یہُودی، یروشلیم ءچ راہندے ہَن۔

اعمال 2:5 Referans Kwoze

اعمال 8:2

کُجھ اِیماندار لوکاں ستِفُنس کُوں دفنایا تے اُوندے اُتے وڈا ماتم کیتا۔

لُوقا 2:25

یروشلیم ءچ ہِک بندہ ہا جِیندا ناں شمعون ہا۔ او نیک تے خُدا ترس تے اِسرائیل دی نجات دا اِنتظار کریندا پِیا ہا تے رُوح القُدس اُوندے اُتے ہا۔

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

اعمال 22:12

اُتھاں حننیاہ ناں دا ہِک بندہ جیہڑا شریعت دا سخت پابند تے اُتھوں دے یہُودیاں ءچ بہُوں نیک ناں ہا،

اعمال 13:50

پر یہُودیاں خُدا پرست تے معزز عورتاں تے شہر دے راہنماواں کُوں بھڑکایا تے پولُس تے برنباس کُوں ستاوݨ کیتے اُبھار تے اُنہاں کُوں آپنڑے علاقے ءچوں کڈھ ڈِتا۔

اعمال 10:7

جِیں ویلے او فرشتہ چلیا گِیا جئیں اُوندے نال گالھیں کیتیاں ہَن تاں کُرنیلیُس آپنڑے نوکراں ءچوں ڈُو کُوں تے آپنڑے خاص سپاہیاں ءچوں ہِک دیندار کُوں سڈیا،

اعمال 10:2

او بہُوں دیندار ہا تے آپنڑے گھرانڑے سمیت خُدا کنُوں ڈردا ہا، تے یہُودیاں کُوں بہُوں خیرات ڈیندا تے ہر ویلے خُدا کنُوں دُعا کریندا ہا۔

اعمال 8:27

او اُٹھی تے روانہ تھیّا تاں ڈیکھو ایتھوپِیا دا ہِک خوجہ آندا پِیا ہا۔ او ایتھوپِیا دی ملکہ کنداکے دا ہِک وزیر تے اُوندے سارے خزانے دا مُختار ہا تے یروشلیم ءچ عبادت کیتے آیا ہا۔

اعمال 2:1

جِیں ویلے عید ِ پِنتیکُست دا ڈینہہ آیا تاں او سارے ہِک جاہ تے جمع ہَن،

یُوحنّا 12:20

جیہڑے لوک عید تے عبادت کیتے آئے ہَن، اُنہاں ءچوں کُجھ یُونانی ہَن۔

لُوقا 24:18

وَل او جِیندا ناں کلِیُپاس ہا، اُونکُوں آکھنڑ لگا، ”کیا تُوں یروشلیم شہر ءچ کلھا پردیسی ہیں جیہڑا نئیں جانڑدا جو اِنہاں ڈینہاں ءچ کیا تھئے؟“

لُوقا 17:24

کیوں جو جِینویں بجلی دِرک تے اسمان کُوں ہِک پاسے کنُوں گِھن تے ڈُوجھے پاسے تئیں روشن کر ڈیندی ہے، اِینویں ای اِبنِ آدم آپنڑے آوݨ دے ڈینہہ ءچ ظاہر تھیسی۔

متّی 24:14

تے بادشاہی دی اِیں خوشخبری دی تبلیغ ساری دُنیا ءچ کیتی ویسی تاں جو سبھ قوماں کیتے گواہی ہووے، وَل خاتمہ تھیسی۔