اعمال 2:46 - کِتاب مُقدّس سرائیکی ترجمہ

⁴⁶ او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

اعمال 2:46 Referans Kwoze

اعمال 5:42

تے او ہیکل تے گھراں ءچ ہر روز تعلیم ڈیوݨ تے اِیں گالھ دی خوشخبری سُنڑاوݨ تُوں باز نہ آئے جو یسُوع ای المسیح ہے۔

اعمال 2:42

تے ایہ لوک رسُولاں کنُوں تعلیم گِھننڑ، رفاقت رکھنڑ، کٹھے روٹی کھاوݨ تے دُعا کرݨ ءچ لگے ریہے۔

اعمال 20:7

ہفتے دے پہلے ڈینہہ جِیں ویلے اساں خُداوند دی یادگاری ءچ روٹی تروڑن کیتے کٹھے تھئے تاں پولُس لوکاں نال گالھ کرݨ لگا۔ اُوں ڈُوجھے ڈینہہ اُتھوں کنُوں روانہ تھیونڑا ہا، اِیں واسطے او رات دیر تئیں کلام کریندا ریہا۔

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

اعمال 16:34

داروغہ اُنہاں کُوں آپنڑے گھر گِھن گِیا تے اُنہاں کُوں کھانڑا کھوایا۔ تے آپنڑے سارے گھر آلیاں سمیت خُدا اُتے اِیمان گِھن آ تے بہُوں خوشی منائی۔

کلُسِّیوں 3:22

نوکرو، آپنڑے دُنیاوی مالکاں دے ہر گالھ ءچ فرمانبردار راہو، لوکاں کُوں خوش کرݨ آلیاں آلی کار صرف ڈِکھاوے کیتے نئیں بلکہ خلوص دِلی تے خُدا دے خوف نال۔

رومیوں 12:8

یا جِینکُوں نصیحت ڈیوݨ دی نعمت مِلی ہووے، او نصیحت کریندا راہوے۔ یا جِینکُوں خیرات ڈیوݨ دی نعمت مِلی ہووے، او فیاضی نال ڈیوے۔ جِینکُوں راہنمائی کرݨ دی نعمت مِلی ہووے، او جوش نال راہنمائی کریندا راہوے، جِینکُوں رحم کرݨ دی نعمت مِلی ہووے، او خوشی نال رحم کرے۔

لُوقا 24:53

تے او ہر ویلے ہیکل ءچ حاضر تھی تے خُدا دی حمد کریندے راہندے ہَن۔

2کُرِنتھِیوں 11:3

پر میکُوں ڈر ہے، کِتھائیں اِینویں نہ تھیوے جو جِینویں نانگ آپنڑی مکاری نال حوّا کُوں ورغلا گِھدا، اُونویں ای تُہاڈے خیال وی خراب تھی ونجنڑ تے تُساں مسیح کیتے اُوں خلوص دِلی تے پاک دامنی کُوں چھوڑ ڈیؤ۔

اعمال 5:21

او ایہ سُنڑ تے سویل نال ای ہیکل ءچ گئے تے تعلیم ڈیوݨ لگے۔ پر کاہِن ِ اعظم تے اُوندے ساتھیاں آ تے صدر ِ عدالت آلیاں یعنی بنی اِسرائیل دے سارے بزُرگاں کُوں جمع کیتا تے قید خانہ ءچ اکھوا بھیجیا جو رسُولاں کُوں گِھن آوݨ۔

اعمال 3:1

پطرس تے یُوحنّا، دُعا ویلے یعنی ڈوپہر ترے وجے ہیکل دو ویندے پئے ہَن۔

لُوقا 24:30

جِیں ویلے او کھانڑا کھاوݨ کیتے اُنہاں دے نال بیٹھا تاں اُوں روٹی گِھن تے برکت ڈِتی تے تروڑ تے اُنہاں کُوں ڈیوݨ لگا۔

متّی 6:22

بدن دا چراغ اکھ ہے۔ بس جے تیڈی اکھ ٹھیک ہے تاں تیڈا سارا بدن روشن ہوسی۔

اِفِسیوں 6:5

نوکرو! ڈردے تے کمبدے ہوئے صاف دِلی نال آپنڑے دُنیاوی مالکاں دی فرمانبرداری کرو جِینویں مسیح دی کریندے ہیوے۔

لُوقا 11:41

ہاں، اندر دیاں چیزاں خیرات کر ڈیؤ تاں ڈیکھو تُہاڈے کیتے سبھ کُجھ پاک ہوسی۔

1کُرِنتھِیوں 10:16

جِیں ویلے اساں [مسیح دی یادگاری ءچ] اُوں برکت دے پیالے اُتے برکت منگ تے پِیندے ہیں تاں کیا اساں مسیح دے خون ءچ شریک نئیں تھیندے؟ تے جڈاں او روٹی تروڑ تے کھاندے ہیں تاں کیا اساں مسیح دے بدن ءچ شریک نئیں تھیندے؟