اعمال 2:45 - کِتاب مُقدّس سرائیکی ترجمہ

⁴⁵ تے آپنڑا مال اسباب ویچ تے ہر ہِک کُوں اُوندی ضرورت دے مطابق پیسے وَنڈ ڈیندے ہَن۔

اعمال 2:45 Referans Kwoze

1 یُوحنّا 3:17

جے کہیں دے کولھ دُنیا دا مال موجود ہووے پر او آپنڑے بِھرانواں کُوں مُتھاج ڈیکھ تے اُنہاں اُتے رحم نہ کرے تاں خُدا دی محبت اُوندے ءچ کِینویں قائم رہ سگدی ہے؟

اعمال 4:34

کیوں جو اُنہاں ءچوں کوئی مُتھاج نہ ہا، اِیں واسطے جو جیہڑے لوک زمیناں یا گھراں دے مالک ہَن، اُنہاں کُوں ویچ ویچ تے وِکیاں ہوئیاں چیزاں دے پیسے گِھن آندے ہَن۔

لُوقا 18:22

جیہڑے ویلے یسُوع ایہ سُنڑیا تاں اُونکُوں آکھیا، ”ہِک گالھ دی تیڈے ءچ ہُنڑ تئیں کمی ہے۔ آپنڑا سبھ کُجھ ویچ تے غریباں ءچ وَنڈ ڈے۔ تیکُوں اسمان اُتے خزانہ مِلسی تے وَل آ تے میڈے پِچُھوں تھی پو۔“

2کُرِنتھِیوں 9:9

جِینویں جو لِکھیا ہے ”اُوں غریباں کُوں فیاضی نال ڈِتے۔ اُوندی راستبازی ہمیشاں تئیں قائم راہسی۔“

اعمال 11:29

بس شاگرداں فیصلہ کیتا جو آپنڑی آپنڑی مالی حیثیت دے مطابق، یہُودیہ ءچ راہنڑ آلے بِھرانواں دی مدد کیتے کُجھ نہ کُجھ بھیجُوں۔

متّی 19:21

یسُوع اُونکُوں آکھیا، ”جے تُوں کامِل تھیوݨ چاہندیں تاں وَنج تے آپنڑاں سبھ کُجھ ویچ تے غریباں کُوں ڈے۔ تیکُوں اسمان اُتے خزانہ مِلسی تے آ تے میڈے پِچُھوں تھی پو۔“

لُوقا 19:8

پر زکّائی کھڑا تھی تے خُداوند کُوں آکھیا، ”مالک! مَیں آپنڑا ادھا مال غریباں کُوں ڈیندا ہاں تے جے مَیں کہیں دا کُجھ ناحق گِھدے تاں اُونکُوں چار گُنا واپس کریندا ہاں۔“

لُوقا 16:9

مَیں تُہاکُوں آدھا ہاں جو دُنیا دی کمائی نال آپنڑے کیتے دوست بنڑاؤ، تاں جو جِیں ویلے او ویندی راہوے تاں او تُہاکُوں ابدی گھراں ءچ جاہ ڈیوݨ۔

2کُرِنتھِیوں 9:1

میکُوں اُوں خدمت دے بارے ءچ جیہڑی مُقدّساں دی خاطر کیتی ویندی ہے، تُہاکُوں لِکھنڑ دی ضرورت نئیں۔

اعمال 4:35

تے رسُولاں دے پیراں ءچ رکھ ڈیندے ہَن تے او ہر ہِک کُوں اُنہاں دی ضرورت دے مطابق وَنڈ ڈیندے ہَن۔