اعمال 2:21 - کِتاب مُقدّس سرائیکی ترجمہ

²¹ تے اِینویں تھیسی جو جیہڑا وی خُداوند دا ناں گِھنسی، نجات پیسی۔‘

اعمال 2:21 Referans Kwoze

اعمال 22:16

ہُنڑ کیجھی دیر؟ اُٹھی بپتسمہ گِھن، تے اُوندا ناں گِھن تے آپنڑے گُناہ دھو گِھن۔‘

عبرانیوں 4:16

اِیں واسطے اساں خُدا دے فضل دے تخت دے کولھ دلیری نال جُلوں تاں جو او ساڈے اُتے رحم کرے تے اساں اُوں فضل کُوں حاصل کرُوں جیہڑا ضرورت ویلے ساڈی مدد کرے۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

اعمال 9:15

پر خُداوند حننیاہ کُوں آکھیا جو ”تُوں وَنج کیوں جو ایہ بندہ غیر قوماں، بادشاہاں تے بنی اِسرائیل ءچ میڈا ناں ظاہر کرݨ کیتے میڈا چُنڑیا ہویا وسیلہ ہے۔

اعمال 9:11

خُداوند اُونکُوں آکھیا ”اُٹھ، اُوں گلی ءچ وَنج جیہڑی سِدھی اکھویندی ہے تے یہُوداہ دے گھر ءچ ساؤل ناں دے ہِک بندے کیتے پُچھیں جیہڑا تَرسُس شہر دا ہے۔ ڈیکھ او دُعا کریندا پئے،

اعمال 2:20

سِجھ تاریک تھی ویسی چَن خون وانگُوں تھی ویسی اِیں کنُوں پہلے جو رب دا عظیم تے جلال آلا ڈینہہ آوے۔