اعمال 2:18 - کِتاب مُقدّس سرائیکی ترجمہ

¹⁸ مَیں اُنہاں ڈینہاں ءچ آپنڑے خادماں، مرداں تے عورتاں اُتے آپنڑا رُوح نازل کریساں تے او نبُوّت کریسن۔

اعمال 2:18 Referans Kwoze

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

اعمال 21:10

جِیں ویلے ساکُوں اُتھاں راہندے بہُوں ڈینہہ تھی گئے تاں ہِک نبی جِیندا ناں اگبُس ہا یہُودیہ تُوں آیا۔

لُوقا 12:45

پر جے او نوکر آپنڑے دل ءچ آکھے جو ’میڈے مالک دے آوݨ ءچ اجنڑ دیر ہے،‘ تے نوکراں تے نوکرانڑیاں کُوں مارݨ تے کھا پی تے شراب دے نشے ءچ دُھت تھیوݨ شروع کرے،

اعمال 2:17

’خُدا فرمیندے جو آخری ڈینہاں ءچ اِینویں تھیسی جو مَیں ہر بندے اُتے آپنڑا رُوح نازل کریساں تُہاڈے پوتر تے تُہاڈیاں دِھیاں نبُوّت کریسن تُہاڈے جوان رویا ڈیکھسن تے تُہاڈے بُڈھے خواب۔

اعمال 2:19

مَیں اسمان اُتے عجیب کم تے تلے زمین اُتے نشانیاں ڈِکھیساں یعنی خون تے بھاہ تے گھاٹا دُھواں۔