اعمال 2:17 - کِتاب مُقدّس سرائیکی ترجمہ

¹⁷ ’خُدا فرمیندے جو آخری ڈینہاں ءچ اِینویں تھیسی جو مَیں ہر بندے اُتے آپنڑا رُوح نازل کریساں تُہاڈے پوتر تے تُہاڈیاں دِھیاں نبُوّت کریسن تُہاڈے جوان رویا ڈیکھسن تے تُہاڈے بُڈھے خواب۔

اعمال 2:17 Referans Kwoze

اعمال 10:45

پطرس دے نال آوݨ آلے یہُودی جیہڑے اِیماندار تھی گئے ہَن، او سارے حیران تھیوݨ لگے جو غیریہُودیاں کُوں وی رُوح القُدس دی نعمت بخشی گئی۔

یُوحنّا 7:39

اُوں ایہ گالھ اُوں رُوح دے بارے ءچ آکھی جیہڑا یسُوع اُتے اِیمان رکھنڑ آلیاں اُتے نازل تھیوݨ آلا ہا، کیوں جو رُوح القُدس اجنڑ تئیں نازل نہ تھیّا ہا، اِیں واسطے جو یسُوع اجنڑ آپنڑے جلال کُوں نہ پُجیا ہا۔

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

1کُرِنتھِیوں 12:28

تے خُدا کلیسیا ءچ پہلے رسُول، ڈُوجھے نبی، تریجھے اُستاد، وَل معجزے ڈِکھاوݨ آلے، وَل شِفا ڈیوݨ دی نعمت آلے، مددگار، اِنتظام چلاوݨ آلے، تے طرحاں طرحاں دیاں زباناں بولنڑ آلے مقرر کیتے۔

لُوقا 3:6

تے سارے لوک خُدا دی نجات ڈیکھسن۔“

اعمال 21:9

اُوندیاں چار کُنواریاں دِھیاں ہَن جیہڑیاں نبُوّت کریندیاں ہَن۔

2 پطرس 3:3

سبھ تُوں پہلے تُہاکُوں ایہ سمجھنڑا چاہیدے جو آخری ڈینہاں ءچ ایجھے ٹھٹّھا باز لوک آسن جیہڑے آپنڑیاں نفسانی خواہشاں دے مطابق زندگی گُزریسن،

1کُرِنتھِیوں 12:10

کہیں کُوں معجزے ڈِکھاوݨ دی قُدرت، تے کہیں کُوں نبُوّت کرݨ دی، کہیں کُوں رُوحاں دا اِمتیاز کرݨ دی، کہیں کُوں طرحاں طرحاں دیاں زباناں بولنڑ دی، تے کہیں کُوں زباناں دا ترجمہ کرݨ دی توفیق مِلی ہے۔

رومیوں 5:5

ایجھی اُمید ساکُوں مایوس نئیں کریندی کیوں جو رُوح القُدس جیہڑا ساکُوں بخشیا گِیا ہے اُوں ساڈے دِلاں کُوں خُدا دی محبت نال بھر ڈِتے۔

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

یعقُوب 5:3

تُہاڈے سونے تے چاندی کُوں زنگ لگ گئے۔ تے او زنگ تُہاڈے خلاف گواہی ڈیسی تے بھاہ وانگُوں تُہاڈا گوشت کھا ویسی۔ کیوں جو تُساں آخری ڈینہاں کیتے دولت دے ڈھیر لا گِھدے ہِن۔

اعمال 11:28

اُنہاں ءچوں ہِک بندے جِیندا ناں اگبُس ہا، کھڑا تھی تے رُوح القُدس دی ہدایت نال ایہ نبُوّت کیتی جو ساری دُنیا ءچ وڈا کال پوسی۔ (ایہ کلَودِیُس دے عہد ءچ پِیا۔)

اعمال 2:16

بلکہ ایہ او تھیندا پئے جیہڑا یُوایل نبی دی معرفت آکھیا گئے

اعمال 2:18

مَیں اُنہاں ڈینہاں ءچ آپنڑے خادماں، مرداں تے عورتاں اُتے آپنڑا رُوح نازل کریساں تے او نبُوّت کریسن۔

اعمال 2:33

ہُنڑ اُونکُوں سرفراز کر تے خُدا دے سجے ہتھ بِلھایا گِیا ہے، تے اُوں باپ کنُوں وعدہ کیتا ہویا رُوح القُدس حاصل کر تے نازل کیتا جِیندا اثر تُساں ڈیدھے تے سُنڑدے ہیوے۔

اعمال 11:27

اُونہی ڈینہاں ءچ کُجھ نبی یروشلیم کنُوں انطاکِیہ ءچ آئے۔