اعمال 2:11 - کِتاب مُقدّس سرائیکی ترجمہ

¹¹ بھانویں پیدائشی یہُودی بھانویں اُنہاں دے مُرید، تے کریتی تے عرب ہِن۔ پر اساں آپنڑی آپنڑی بولی ءچ اُنہاں کنُوں خُدا دے عظیم کماں دا بیان سُنڑدے ہیں۔“

اعمال 2:11 Referans Kwoze

1کُرِنتھِیوں 12:10

کہیں کُوں معجزے ڈِکھاوݨ دی قُدرت، تے کہیں کُوں نبُوّت کرݨ دی، کہیں کُوں رُوحاں دا اِمتیاز کرݨ دی، کہیں کُوں طرحاں طرحاں دیاں زباناں بولنڑ دی، تے کہیں کُوں زباناں دا ترجمہ کرݨ دی توفیق مِلی ہے۔

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔

طِطُس 1:12

اُنہاں دے آپنڑے نبیاں ءچوں ہِک تاں اِتُھوں تئیں آکھ ڈِتے جو ”کریتی لوک ہمیشاں کُوڑے، ظالم جنگلی جانور، سُست پیٹُو ہوندے ہِن۔“

طِطُس 1:5

مَیں تیکُوں کریتے ءچ اِیں واسطے چھوڑ ڈِتا ہا تاں جو جیہڑا کم اُتھاں ادُھورا رہ گِیا ہا، تُوں اُونکُوں پُورا کر سگیں، تے ہر شہر ءچ بزُرگاں کُوں مقرر کریں جِینویں مَیں تیکُوں ہدایت ڈِتی ہئی۔

اعمال 27:12

کیوں جو او بندرگاہ سیالا گُزارݨ کیتے چنگی نہ ہئی اِیں واسطے ڈھیر لوکاں دا فیصلہ ایہ ہا جو اساں اگُوں ودُھوں تے جے تھی سگے تاں فِینِکس ءچ پُج تے سیالے دا موسم لنگھاؤں۔ ایہ کریتے دی ہِک بندرگاہ ہئی جِیندا رُخ شمال مشرق تے جنُوب مشرق دو ہا۔

اعمال 27:7

اساں بہُوں ڈینہاں تئیں ہولے ہولے اگُوں ودھدے ریہے تے مُشکل نال کَنِدُس دے سامنڑے پُجے پر تیز ہوا ساکُوں سِدھے اگُوں نہ ونجنڑ ڈِتا۔ وَل اساں ہوا تُوں بچنڑ کیتے سلمونے دے سامنڑے کنُوں تھی تے کریتے دے جنُوب کنُوں ٹُرے،

گلتِیوں 4:25

ہاجرہ عرب دے کوہ ِ سِینا دو اِشارہ ہے تے موجودہ یروشلیم دو وی، کیوں جو یروشلیم آپنڑے بالاں سمیت غُلامی ءچ ہے۔

گلتِیوں 1:17

تے نہ یروشلیم ءچ اُنہاں دے کولھ گِیا جیہڑے مَیں کنُوں پہلے رسُول مقرر کیتے گئے ہَن، بلکہ سِدھا عرب دو چلیا گِیا تے بعد ءچ دمشق وَل آیا۔

1کُرِنتھِیوں 12:28

تے خُدا کلیسیا ءچ پہلے رسُول، ڈُوجھے نبی، تریجھے اُستاد، وَل معجزے ڈِکھاوݨ آلے، وَل شِفا ڈیوݨ دی نعمت آلے، مددگار، اِنتظام چلاوݨ آلے، تے طرحاں طرحاں دیاں زباناں بولنڑ آلے مقرر کیتے۔

اعمال 2:10

فروگیہ، پمفِیلیہ، مِصر تے لِبیا دے اُوں علاقے دے راہنڑ آلے ہیں جیہڑا کُرینے دے نیڑے ہے۔ تے اِتھاں رومی مسافر

اعمال 2:12

سبھ حیران تھئے تے پریشان تھی تے ہِک بئے کُوں آکھنڑ لگے، ”ایہ کیا تھیندا پئے؟“

اعمال 27:13

جِیں ویلے جنُوب کنُوں ہلکی ہلکی ہوا گُھلنڑ شروع تھی گئی تاں او سمجھے جو ”ہُنڑ ساڈا مقصد پُورا تھی سگدے۔“ اِیں واسطے اُنہاں لنگر چا تے جہاز ٹوریا تے کریتے دے ساحل دے نال نال اگُوں ودھے۔