اعمال 19:38 - کِتاب مُقدّس سرائیکی ترجمہ

³⁸ اِیں واسطے جے دیمیترِیُس تے اُوندے ہم پیشہ کاریگر کہیں دے خلاف دعویٰ کریندے ہووݨ تاں عدالت دے دروازے کُھلے ہِن تے مُنصف موجود ہِن۔ اُتھاں او ہِک ڈُوجھے اُتے مقدمہ کر سگدے ہِن۔

اعمال 19:38 Referans Kwoze

اعمال 13:7

او جزیرے دے گورنر سرگیُس پولُس دے نال ہا جیہڑا دانشمند بندہ ہا۔ اُوں ساؤل تے برنباس کُوں سڈ تے خُدا دا کلام سُنڑنڑاں چاہیا

1کُرِنتھِیوں 6:1

تُہاڈے ءچ ایہ جُرأت کِینویں تھئی جو تُساں ہِک ڈُوجھے دے جھیڑے دے فیصلے کیتے مُقدّساں دی بجائے غیر اِیمانداراں دی عدالت ءچ ونجو؟

اعمال 18:14

پولُس کُجھ بولنڑ ای آلا ہا جو گلیّو یہُودیاں کُوں آکھیا، ”یہُودیو! جے ایہ کہیں جُرم یا کہیں وڈی شرارت دی گالھ ہوندی تاں مَیں لازمی تُہاڈی سُنڑدا۔

اعمال 13:8

پر الِیماس جادُوگر (اِیہو اُوندے ناں دا مطلب ہے) اُنہاں دی مخالفت کیتی تے گورنر کُوں اِیمان گِھن آوݨ کنُوں روکنڑا چاہیا۔

اعمال 13:12

وَل گورنر ایہ واقع ڈیکھ تے، تے خُداوند دی تعلیم کنُوں حیران تھی تے اِیمان گِھن آیا۔

اعمال 19:24

کیوں جو دیمیترِیُس ناں دا ہِک سُنیارا ہا جیہڑا اَرتمِس دے مندر دے چاندی دے چھوٹے چھوٹے نمونے بنڑویندا ہا، تے کاریگراں کُوں بہُوں کم ڈویندا ہا۔

اعمال 19:39

تے جے کوئی ڈُوجھا مسئلہ وی ہے تاں اُوندا فیصلہ قانُونی مجلس ءچ تھی سگدے۔