اعمال 19:26 - کِتاب مُقدّس سرائیکی ترجمہ

²⁶ پر تُساں ڈیدھے تے سُنڑدے ہیوے جو ایہ بندہ پولُس اِفِسُس تے تقریباً سارے آسِیہ ءچ بہُوں سارے لوکاں کُوں قائل کر تے گُمراہ کریندا پِیا ہے تے آدھے جو ہتھ دے بنڑائے بُت اصلُوں خُدا نئیں۔

اعمال 19:26 Referans Kwoze

1کُرِنتھِیوں 8:4

بُتاں دیاں قُربانیاں دا گوشت کھاوݨ دے بارے ءچ اساں جانڑدے ہیں جو دُنیا ءچ بُتاں دی حقیقت بالکل نئیں۔ خُدا ہِک ہے تے اُوندے علاوہ کوئی معبُود نئیں۔

اعمال 17:29

جے اساں خُدا دی اولاد ہیں تاں ساکُوں ایہ نئیں سوچنڑاں چاہیدا جو خُدا تعالیٰ دی ذات سونے، چاندی یا پتھر دی مُورت ہے جیہڑی کہیں اِنسان دی ماہرانہ کاریگری ہووے۔

مُکاشفہ 9:20

باقی لوکاں جیہڑے اِنہاں آفتاں کنُوں نہ مرے، آپنڑے ہتھاں دے کماں کنُوں توبہ نہ کیتی۔ او اُنہاں بدرُوحاں دی تے سونے، چاندی، پِتّل تے لکڑ دے بنڑے ہوئے بُتاں دی عبادت کرݨ تُوں باز نہ آئے جیہڑے نہ تاں ڈیکھ سگدے ہِن، نہ سُنڑ سگدے ہِن تے نہ ٹُر سگدے ہِن۔

اعمال 19:10

ایہ سلسلہ ڈُو سال تئیں چلدا ریہا، اِتُھوں تئیں جو آسِیہ ءچ راہنڑ آلیاں بھانویں یہُودی بھانویں یُونانی، سبھ خُداوند دا کلام سُنڑیا۔

اعمال 14:15

آکھنڑ لگے جو ”لوکو! تُساں ایہ کیا کریندے ہیوے؟ اساں وی تُہاڈے آلی کار اِنسان ہیں تے تُہاکُوں خوشخبری سُنڑیندے ہیں تاں جو تُساں اِنہاں بے کار چیزاں کُوں چھوڑ تے زندہ خُدا دو رجُوع گِھن آؤ جئیں زمین تے اسمان تے سمندر تے جیہڑا کُجھ اُنہاں ءچ ہے، پیدا کیتے۔

1تھِسّلُنیکیوں 1:9

کیوں جو لوک خود ڈسیندے ہِن جو جِیں ویلے اساں تُہاڈے کولھ آئے تاں تُساں کِینویں خوشی نال ساڈا اِستقبال کیتا، تے کِینویں بُتاں کُوں چھوڑ تے زندہ تے برحق خُدا دی عبادت کرݨ کیتے اُوندے دو آئے،

گلتِیوں 4:8

اِیں تُوں پہلے جِیں ویلے تُساں خُدا تُوں واقف نہ ہَوے تاں تُساں ایجھے معبُوداں دے غُلام ہَوے جیہڑے خُدا ہِن کائنی۔

1کُرِنتھِیوں 12:2

تُساں جانڑدے ہیوے جو جیہڑے ویلے تُساں غیر اِیماندار ہَوے تاں تُساں گُونگے بُتاں دے پِچُھوں ٹُردے ہَوے، جِینویں وی کوئی تُہاکُوں گِھن ویندا ہا۔

اعمال 18:19

جِیں ویلے پولُس اِفِسُس پُجیا تاں اُوں اَکوِلہ تے پرسکِلہ کُوں اُتھائیں چھوڑ ڈِتا۔ او خود ہِک عبادت خانہ ءچ وَنج تے یہُودیاں نال بحث کرݨ لگ پِیا۔

اعمال 19:1

جِیں ویلے اپُلّوس کُرِنتُھس ءچ ہا تاں پولُس پہاڑی علاقہ ءچوں لنگھدے ہوئے اِفِسُس پُجیا۔ اُتھاں اُونکُوں کُجھ شاگرد مِلے۔

اعمال 19:25

اُوں اُنہاں کُوں تے اِیں پیشے نال تعلق رکھنڑ آلے بئے کاریگراں کُوں جمع کیتا تے آکھیا، ”بِھراؤ! تُساں جانڑدے ہیوے جو ساکُوں اِیں کم دی وجہ کنُوں دولت مِلدی ہے۔