اعمال 19:23 - کِتاب مُقدّس سرائیکی ترجمہ

²³ اُوں ویلے مسیح دی راہ دے بارے ءچ وڈا ہنگامہ تھیّا۔

اعمال 19:23 Referans Kwoze

اعمال 24:22

وَل فیلِکس جیہڑا مسیح دی راہ دے بارے ءچ چنگی طرحاں جانڑدا ہا، ایہ آکھ تے مقدمہ ملتوی کر ڈِتا جو ”جِیں ویلے پلٹن دا سپہ سالار لُوسِیاس اِتھاں آسی تاں مَیں تُہاڈے مقدمہ دا فیصلہ کریساں۔“

اعمال 19:9

پر اُنہاں ءچوں کُجھ سخت دل تھی تے اِیمان نہ گِھن آئے بلکہ مسیح دی اِیں راہ کُوں لوکاں دے سامنڑے بُرا بھلا آکھنڑ لگے تاں پولُس اُنہاں کُوں چھوڑ ڈِتا۔ او مسیحی شاگرداں کُوں نال گِھن تے تُرنّس دے سکُول ءچ وَنج تے ہر روز بحث کریندا راہندا ہا۔

اعمال 9:2

تے اُوں دمشق دے عبادت خانیاں کیتے خط منگے تاں جو جیہڑا وی مسیح دی راہ اُتے ٹُرݨ آلا مِلے بھانویں او مرد ہووے یا عورت، اُونکُوں گرفتار کر تے یروشلیم گِھن آوے۔

2کُرِنتھِیوں 6:9

اساں مشہور ہیں، وَل وی لوک ساکُوں نئیں جانڑدے۔ اساں موت دے مُنہ ءچ راہندے ہیں، پر ڈیکھو وَل وی زندہ ہیں۔ مار کھاندے راہندے ہیں پر جان کنُوں نئیں مردے۔

اعمال 24:14

پر مَیں تُہاڈے سامنڑے اِقرار کریندا ہاں جو مسیح دی راہ جِینکُوں او بِدعت قرار ڈیندے ہِن اُوندے مطابق مَیں آپنڑے پِیُو ڈاڈا دے خُدا دی عبادت کریندا ہاں تے جیہڑا کُجھ توریت تے نبیاں دے صحائف ءچ لِکھیا ہے اُنہاں ساریاں اُتے میڈا اِیمان ہے۔

اعمال 22:4

مَیں مسیح دی راہ اُتے چلنڑ آلیاں کُوں ستایا، ایہ تئیں جو قتل وی کیتا۔ مَیں مرداں تے عورتاں ڈوہائیں کُوں بَدھ بَدھ تے قید خانہ ءچ سٹوا ڈِتا۔

اعمال 18:26

او عبادت خانہ ءچ دلیری نال کلام کرݨ لگا۔ پر پرسکِلہ تے اَکوِلہ اُوندے گالھیں سُنڑ تے اُونکُوں گھر گِھن گئے تے اُونکُوں خُدا دی راہ دی تعلیم مزید چنگی طرحاں سمجھائی۔

2کُرِنتھِیوں 6:5

کوڑے کھا تے، قید ءچ رہ تے، فساد دا سامنڑا کر تے، سخت محنت کر تے، آپنڑیاں نیندراں حرام کر تے، بُکھے رہ تے،

2کُرِنتھِیوں 11:26

مَیں لگاتار سفر ءچ ریہا، دریا دے خطریاں ءچ، ڈاکواں دے خطریاں ءچ، آپنڑی قوم آلیاں دے خطریاں ءچ، غیر قوماں دے خطریاں ءچ، شہر دے خطریاں ءچ، بیابان دے خطریاں ءچ، سمندر دے خطریاں ءچ، تے کُوڑے اِیمانداراں دے خطریاں ءچ ریہا۔