اعمال 19:22 - کِتاب مُقدّس سرائیکی ترجمہ

²² بس اُوں آپنڑے خدمت گُزاراں ءچوں تِیمُتِھیُس تے اِراستُس کُوں مَکِدُنیہ روانہ کیتا تے خود کُجھ دیر آسِیہ دے صوبہ ءچ ریہا۔

اعمال 19:22 Referans Kwoze

2 تِیمُتھِیُس 4:20

اِراستُس کُرِنتُھس شہر ءچ رہ گئے تے مَیں ترُفِمُس کُوں مِیلیتُس ءچ چھوڑ ڈِتے کیوں جو او بیمار ہا۔

رومیوں 16:23

گِیُس، جیہڑا میڈی تے اِتھاں دی ساری کلیسیا دی مہمان نوازی کریندے، تُہاکُوں سلام آدھے۔ شہر دا خزانچی اِراستُس تے کوارتُس بِھرا تُہاکُوں سلام آدھے ہِن۔

اعمال 19:29

سارے شہر ءچ افراتفری مچ گئی تے لوکاں گِیُس تے ارِسترخُس مَکِدُنیہ آلیاں کُوں جیہڑے پولُس نال آئے ہَن پکڑ گِھدا تے اُنہاں کُوں گھلیندے ہوئے تماشا گاہ دو بھج پئے۔

اعمال 19:10

ایہ سلسلہ ڈُو سال تئیں چلدا ریہا، اِتُھوں تئیں جو آسِیہ ءچ راہنڑ آلیاں بھانویں یہُودی بھانویں یُونانی، سبھ خُداوند دا کلام سُنڑیا۔

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

اعمال 16:3

پولُس اُونکُوں سفر ءچ آپنڑے نال گِھن ونجنڑ چاہندا ہا اِیں واسطے اُوں اُوندا ختنہ کر ڈِتا کیوں جو اُوں علاقے دے سارے یہُودی جانڑدے ہَن جو اُوندا پِیُو یُونانی ہے۔

اعمال 16:1

پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

اعمال 13:5

سَلَمِیس ءچ پُج تے او یہُودیاں دے عبادت خانیاں ءچ خُدا دا کلام سُنڑاوݨ لگے تے یُوحنّا اُنہاں دی مدد کیتے اُنہاں دے نال ہا۔

1تھِسّلُنیکیوں 1:8

خُداوند دا پیغام تُہاڈے وسیلے نہ صرف مَکِدُنیہ تے اَخیہ ءچ پھیل گِیا، بلکہ تُہاڈا اِیمان جیہڑا خُدا اُتے ہے، اُوندی خبر ہر جاہ ایجھی پھیل گئی ہے جو ہُنڑ ساڈے آکھنڑ دی کوئی ضرورت کائنی۔

2کُرِنتھِیوں 8:1

بِھراؤ! اساں تُہاکُوں خُدا دے اُوں فضل دے بارے ءچ ڈسیندے ہیں جیہڑا مَکِدُنیہ دی کلیسیاواں اُتے تھئے،

2کُرِنتھِیوں 1:16

یعنی تُہاڈے کولُھوں تھیندا ہویا مَکِدُنیہ چلیا وَنجاں تے مَکِدُنیہ کنُوں وَل تُہاڈے کولھ آواں۔ اِیندے بعد تُساں میکُوں یہُودیہ دو روانہ کر ڈیوائے۔

اعمال 20:1

جِیں ویلے افراتفری ختم تھی گئی تاں پولُس شاگرداں کُوں سڈ تے نصیحت کیتی تے اُنہاں کنُوں رُخصت تھی تے مَکِدُنیہ کیتے روانہ تھی گِیا۔

2کُرِنتھِیوں 11:9

تے جِیں ویلے مَیں تُہاڈے کولھ ہم تے میکُوں ضرورت پئی تاں مَیں تُہاڈے ءچوں کہیں کُوں ذرا وی تکلیف نہ ڈِتی کیوں جو مَکِدُنیہ کنُوں مسیحی بِھرانواں آ تے میڈی ضرورت پُوری کیتی۔ مَیں تُہاڈے اُتے کوئی بھار نئیں سٹیا تے نہ ای ولا سٹیساں۔

2کُرِنتھِیوں 2:13

وَل وی میکُوں دِلی سکون نہ تھیّا کیوں جو میکُوں میڈا بِھرا طِطُس اُتھاں نہ مِلیا ہا۔ اِیں واسطے مَیں اُنہاں لوکاں تُوں رُخصت تھی تے مَکِدُنیہ روانہ تھی گِیا۔

اعمال 19:21

اِنہاں گالھیں دے بعد پولُس پکّا اِرادہ کر گِھدا جو ”مَیں مَکِدُنیہ تے اَخیہ دے علاقے ءچوں تھیندا ہویا یروشلیم چلیا ویساں تے وَل اُتھوں روم وَنج تے اُوں شہر کُوں وی ڈیکھ ساں۔“

اعمال 20:34

تُساں خود جانڑدے ہیوے جو مَیں آپنڑے ہتھاں نال آپنڑی تے آپنڑے ساتھیاں دیاں ضرورتاں پُوریاں کیتیاں ہَن۔

2کُرِنتھِیوں 8:19

تے صرف اِیہو نئیں بلکہ کلیسیاواں اُونکُوں چُنڑ گِھدے جو او ساڈے نال سفر کرے جڈاں اساں خیرات کُوں یروشلیم پُچاؤں۔ اساں ایہ کم خُداوند کُوں جلال ڈیوݨ کیتے تے آپنڑی خدمت دے شوق کُوں ظاہر کرݨ کیتے کریندے ہیں۔