اعمال 19:17 - کِتاب مُقدّس سرائیکی ترجمہ

¹⁷ جِیں ویلے اِفِسُس دے یہُودیاں تے یُونانیاں کُوں اِیں گالھ دا پتہ چلیا تاں اُنہاں اُتے خوف چھا گِیا تے خُداوند یسُوع دے ناں دی تعریف تھئی۔

اعمال 19:17 Referans Kwoze

2تھِسّلُنیکیوں 1:12

تاں جو ساڈے خُداوند یسُوع مسیح دا ناں تُہاڈی وجہ کنُوں عزت پاوے تے تُساں وی اُوندے وسیلے عزت پاؤ۔ ایہ ساڈے خُدا تے خُداوند یسُوع مسیح دے فضل نال تھیسی۔

2تھِسّلُنیکیوں 3:1

آخری گالھ ایہ ہے بِھراؤ! ساڈے کیتے دُعا کرو جو ساڈے ذریعے خُداوند دا کلام جلدی پھیل ونجے تے عزت پاوے جِینویں تُہاڈے ءچ تھئے،

فِلِپّیوں 1:20

میڈا یقین تے اُمید ایہ ہے جو میکُوں کہیں گالھ ءچ شرمندہ نہ تھیونڑا پوسی بلکہ جیہڑی کمال دلیری نال مسیح دا جلال میڈے سببّوں ماضی ءچ ہمیشاں ظاہر تھیندا ریہا ہے، اُونویں ای ہُنڑ وی ظاہر تھیسی، بھانویں مَیں زندہ راہواں یا مر وَنجاں۔

اعمال 13:12

وَل گورنر ایہ واقع ڈیکھ تے، تے خُداوند دی تعلیم کنُوں حیران تھی تے اِیمان گِھن آیا۔

اعمال 5:11

تے ساری کلیسیا بلکہ اِنہاں گالھیں کُوں سبھ سُنڑݨ آلیاں اُتے خوف چھا گِیا۔

اعمال 5:5

حننیاہ ایہ سُنڑدے ای ڈھٹھا تے مر گِیا، تے سبھ سُنڑݨ آلیاں اُتے بہُوں خوف چھا گِیا۔

اعمال 18:19

جِیں ویلے پولُس اِفِسُس پُجیا تاں اُوں اَکوِلہ تے پرسکِلہ کُوں اُتھائیں چھوڑ ڈِتا۔ او خود ہِک عبادت خانہ ءچ وَنج تے یہُودیاں نال بحث کرݨ لگ پِیا۔

اعمال 5:13

پر ڈُوجھیاں ءچوں کہیں کُوں جُرأت نہ تھیندی ہئی جو اُنہاں ءچ شامل تھی ونجنڑ، بےشک لوک اُنہاں دی بہُوں عزت کریندے ہَن۔

اعمال 2:43

ہر بندے اُتے خوف چھا گِیا تے رسُولاں دے ذریعے بہُوں سارے معجزے تے عجیب کم، ظاہر تھیندے ہَن۔

لُوقا 7:16

وَل سبھ لوکاں اُتے دہشت چھا گئی تے او خُدا دی حمد کر تے آکھنڑ لگے جو ”ساڈے وچال ہِک وڈے نبی دا ظہور تھئے تے خُدا آپنڑے لوکاں اُتے نِگاہ کیتی ہے۔“

لُوقا 1:65

اُنہاں دے آسے پاسے دے ساریاں لوکاں اُتے خوف چھا گِیا تے یہُودیہ دے سارے پہاڑی علاقے ءچ اِنہاں سبھ گالھیں دا چرچا تھیوݨ لگا۔

اعمال 18:21

بلکہ ایہ آکھ تے اُنہاں تُوں رُخصت تھیّا جو ”جے خُدا دی مرضی ہوئی تاں مَیں تُہاڈے کولھ ولا آساں۔“ وَل جہاز اُتے سوار تھی تے اِفِسُس تُوں روانہ تھی گِیا۔

اعمال 19:1

جِیں ویلے اپُلّوس کُرِنتُھس ءچ ہا تاں پولُس پہاڑی علاقہ ءچوں لنگھدے ہوئے اِفِسُس پُجیا۔ اُتھاں اُونکُوں کُجھ شاگرد مِلے۔

اعمال 19:16

وَل جئیں بندے ءچ بدرُوح ہئی، اُوں اُنہاں اُتے ٹپّا ماریا تے اُنہاں کُوں قابو کر تے ایجھا کُٹیا جو او اُتھوں زخمی تے ننگے ای بھج گئے۔

اعمال 19:18

تے بہُوں سارے لوکاں جیہڑے اِیمان گِھن آئے ہَن، آ تے آپنڑے بُرے کماں دا اِظہار تے اِقرار کیتا۔