اعمال 19:13 - کِتاب مُقدّس سرائیکی ترجمہ

¹³ پر اِڈے اُڈے پِھرݨ آلے کُجھ یہُودی عامل وی خُداوند یسُوع دے ناں نال بدرُوحاں کُوں کڈھنڑ لگے۔ او بدرُوحاں کُوں کڈھنڑ کیتے ایہ آدھے ہَن جو ”جئیں یسُوع دی پولُس تبلیغ کریندے، مَیں اُونہی دے ناں دی قَسم ڈے تے تیکُوں نِکل ونجنڑ دا حُکم ڈیندا ہاں۔“

اعمال 19:13 Referans Kwoze

متّی 12:27

تے جے مَیں بعل زبُول دی مدد نال بدرُوحاں کُوں کڈھیندا ہاں تاں تُہاڈے شاگرد کیندی مدد نال کڈھیندے ہِن؟ اِیں واسطے اُوہو تُہاڈے مُنصف ہوسن۔

مرقس 9:38

یُوحنّا اُونکُوں آکھیا، ”اُستاد! اساں ہِک بندے کُوں تُہاڈے ناں ءچ بدرُوحاں کڈھیندے ڈِٹھا تے اساں اُونکُوں منع کرݨ لگے کیوں جو او ساڈی پیروی نئیں کریندا۔“

لُوقا 11:19

تے جے مَیں بعل زبُول دی مدد نال بدرُوحاں کُوں کڈھیندا ہاں تاں تُہاڈے شاگرد کیندی مدد نال کڈھیندے ہِن؟ اِیں واسطے اُوہو تُہاڈے مُنصف ہوسن۔

لُوقا 9:49

یُوحنّا جواب ڈِتا، ”اُستاد! اساں ہِک بندے کُوں تُہاڈے ناں ءچ بدرُوحاں کڈھیندے ڈِٹھا تے اُونکُوں منع کرݨ لگے کیوں جو او ساڈے نال تُہاڈی پیروی نئیں کریندا۔“

مرقس 5:7

تے زور نال چیخدے ہوئے آکھیا، ”یسُوع، خُدا تعالیٰ دے پوتر! میکُوں تیڈے نال کیا کم؟ تیکُوں خُدا دا واسطہ، میکُوں عذاب ءچ نہ سَٹ۔“

متّی 26:63

پر یسُوع چُپ ای ریہا۔ کاہِن ِ اعظم اُونکُوں آکھیا، ”مَیں تیکُوں زندہ خُدا دی قَسم ڈیندا ہاں جو جے تُوں خُدا دا پوتر المسیح ہیں تاں ساکُوں ڈسا ڈے۔“

اعمال 19:14

تے سِکِوا ناں دے یہُودی سردار کاہِن دے سَت پوتر وی اِیہو کم کریندے ہَن۔

2کُرِنتھِیوں 11:4

کیوں جو جے کوئی آ تے کہیں بئے یسُوع دی تبلیغ کریندے، جیندی اساں نئیں کیتی، یا جے تُساں کہیں بئی طرحاں دی رُوح قبول کریندے ہیوے جیہڑی اُوں رُوح تُوں فرق ہے جیہڑی تُہاکُوں مِلی ہئی، یا جے تُساں بئی خوشخبری قبول کریندے ہیوے جیہڑی اُوں خوشخبری کنُوں فرق ہے جیہڑی تُساں قبول کیتی ہئی، تاں تُساں اُونکُوں صحیح برداشت کریندے ہیوے۔