اعمال 18:9 - کِتاب مُقدّس سرائیکی ترجمہ

⁹ ہِک رات خُداوند پولُس کُوں رویا ءچ آکھیا، ”خوف نہ کر بلکہ آدھا وَنج تے چُپ نہ رہ،

اعمال 18:9 Referans Kwoze

اعمال 23:11

اُونہی رات خُداوند پولُس دے کولھ آ کھڑا تھیّا تے آکھیا، ”حوصلہ رکھ، جِینویں تَیں یروشلیم ءچ میڈی گواہی ڈِتی ہے، اُونویں ای تیکُوں روم ءچ گواہی ڈیونڑی پوسی۔“

اعمال 16:9

رات کُوں پولُس مَکِدُنیہ دے ہِک بندے کُوں رویا ءچ کھڑا ڈِٹھا جیہڑا پولُس دی مِنت کر تے آدھا ہے جو ”اِیں پار مَکِدُنیہ ءچ آ تے ساڈی مدد کر۔“

1تھِسّلُنیکیوں 2:2

بلکہ جِینویں تُساں جانڑدے ہیوے، اساں فِلپی ءچ ڈُکھ چاتے تے بہُوں بے عزت تھئے۔ وَل وی ساکُوں آپنڑے خُدا ءچ دلیری تھئی جو خُدا دی خوشخبری بہُوں مخالفت دے باوجود تُہاکُوں سُنڑاؤں۔

اعمال 22:18

مَیں خُداوند کُوں ڈِٹھا تے ایہ آدھے سُنڑیا جو ’جلدی کر تے فوراً یروشلیم ءچوں نِکل وَنج کیوں جو او میڈے بارے ءچ تیڈی گواہی قبول نہ کریسن۔‘

اعمال 9:10

دمشق ءچ حننیاہ ناں دا ہِک شاگرد ہا۔ خُداوند اُونکُوں رویا ءچ آکھیا جو ”حننیاہ!“ اُوں آکھیا ”خُداوند! مَیں حاضر ہاں۔“

اعمال 18:10

کیوں جو اِیں شہر ءچ میڈے بہُوں لوک ہِن۔ کوئی تیڈے اُتے حملہ کر تے تیکُوں نُقصان نہ پُچیسی کیوں جو مَیں تیڈے نال ہاں۔“

1کُرِنتھِیوں 9:1

کیا مَیں ازاد نئیں؟ کیا مَیں رسُول نئیں؟ کیا مَیں یسُوع کُوں نئیں ڈِٹھا جیہڑا ساڈا خُداوند ہے؟ کیا تُساں خُداوند کیتے میڈی خدمت دا پھل نئیں؟