اعمال 18:25 - کِتاب مُقدّس سرائیکی ترجمہ

²⁵ اُوں بندے خُداوند دی راہ دی تعلیم پاتی ہئی تے رُوحانی جوش نال کلام کریندا تے یسُوع دے بارے ءچ صحیح تعلیم ڈیندا ہا، پر فقط یُوحنّا ای دے بپتسمہ تُوں واقف ہا۔

اعمال 18:25 Referans Kwoze

اعمال 19:3

اِیں گالھوں پولُس آکھیا جو ”وَل تُساں کِیندا بپتسمہ گِھدے؟“ اُنہاں جواب ڈِتا ”یُوحنّا دا بپتسمہ۔“

رومیوں 12:11

کوشش ءچ سُستی نہ کرو، بلکہ رُوحانی جوش نال بھرے راہو تے خُداوند دی خدمت کریندے راہو۔

اعمال 19:23

اُوں ویلے مسیح دی راہ دے بارے ءچ وڈا ہنگامہ تھیّا۔

اعمال 19:9

پر اُنہاں ءچوں کُجھ سخت دل تھی تے اِیمان نہ گِھن آئے بلکہ مسیح دی اِیں راہ کُوں لوکاں دے سامنڑے بُرا بھلا آکھنڑ لگے تاں پولُس اُنہاں کُوں چھوڑ ڈِتا۔ او مسیحی شاگرداں کُوں نال گِھن تے تُرنّس دے سکُول ءچ وَنج تے ہر روز بحث کریندا راہندا ہا۔

اعمال 9:2

تے اُوں دمشق دے عبادت خانیاں کیتے خط منگے تاں جو جیہڑا وی مسیح دی راہ اُتے ٹُرݨ آلا مِلے بھانویں او مرد ہووے یا عورت، اُونکُوں گرفتار کر تے یروشلیم گِھن آوے۔

مرقس 12:14

اُنہاں آ تے یسُوع کُوں آکھیا، ”اُستاد، اساں جانڑدے ہیں جو تُساں سچے ہیوے، تے کہیں دی پرواہ نئیں کریندے، کیوں جو تُساں کہیں دے طرفدار نئیں بلکہ سچائی نال خُدا دی راہ ڈسیندے ہیوے۔ بس رومی بادشاہ قیصر کُوں ٹیکس ڈیوݨ جائز ہے یا نئیں؟ اساں ڈیؤں یا نا ڈیؤں؟“

یعقُوب 5:16

اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔

2 تِیمُتھِیُس 2:4

کوئی سپاہی آپنڑے آپ کُوں دُنیا دے معاملیاں ءچ نئیں پھسیندا کیوں جو او بھرتی کرݨ آلے کُوں خوش کرݨ چاہندے۔

اعمال 16:17

او پولُس تے ساڈے پِچُھوں آ تے چیخنڑ لگ پئی جو ”ایہ لوک خُدا تعالیٰ دے خادم ہِن جیہڑے تُہاکُوں نجات دا رستہ ڈسیندے ہِن۔“

اعمال 13:10

تے آکھیا جو ”ابلیس دے پوتر! تُوں جیہڑا ہر قِسم دی مکاری تے شرارت نال بھریا ہویا تے ہر طرحاں دی نیکی دا دُشمنڑ ہیں، کیا تُوں خُداوند دے سِدھے رستیاں کُوں وِگاڑن تُوں باز نہ آسیں؟

لُوقا 7:29

جِیں ویلے سبھ عام لوکاں سُنڑیا تاں اُنہاں بلکہ محصُول گِھننڑ آلیاں وی خُدا کُوں برحق مَن گِھدا کیوں جو اُنہاں یُوحنّا دا بپتسمہ گِھن گِھدا ہا۔

مرقس 1:3

بیابان ءچ ہکل ڈیوݨ آلے دی اواز آندی ہے جو ’رب کیتے راہ تیار کرو۔ اُوندے کیتے رستے سِدھے بنڑاؤ‘۔“

لُوقا 1:4

تاں جو جیہڑے گالھیں تُہاکُوں سِکھائیاں گئیاں ہِن، تُساں اُنہاں دی حقیقت کُوں جاݨ سگو۔

اعمال 18:26

او عبادت خانہ ءچ دلیری نال کلام کرݨ لگا۔ پر پرسکِلہ تے اَکوِلہ اُوندے گالھیں سُنڑ تے اُونکُوں گھر گِھن گئے تے اُونکُوں خُدا دی راہ دی تعلیم مزید چنگی طرحاں سمجھائی۔