اعمال 18:12 - کِتاب مُقدّس سرائیکی ترجمہ

¹² جِیں ویلے گلیّو اَخیہ دا گورنر ہا تاں یہُودیاں رَل تے پولُس اُتے ہَلہ بول ڈِتا تے اُونکُوں پکڑ تے عدالت ءچ گِھن گئے،

اعمال 18:12 Referans Kwoze

اعمال 18:27

جِیں ویلے اپُلّوس سمندر پار اَخیہ ونجنڑ دا اِرادہ کیتا تاں بِھرانواں اُوندی ہِمت ودھائی تے اُتھوں دے شاگرداں کُوں لِکھیا جو اُونکُوں گرم جوشی نال مِلنڑ۔ اُتھاں پُج تے اُوں لوکاں دی بہُوں مدد کیتی جیہڑے خُدا دے فضل نال اِیمان گِھن آئے ہَن۔

اعمال 13:50

پر یہُودیاں خُدا پرست تے معزز عورتاں تے شہر دے راہنماواں کُوں بھڑکایا تے پولُس تے برنباس کُوں ستاوݨ کیتے اُبھار تے اُنہاں کُوں آپنڑے علاقے ءچوں کڈھ ڈِتا۔

اعمال 13:7

او جزیرے دے گورنر سرگیُس پولُس دے نال ہا جیہڑا دانشمند بندہ ہا۔ اُوں ساؤل تے برنباس کُوں سڈ تے خُدا دا کلام سُنڑنڑاں چاہیا

2کُرِنتھِیوں 11:10

مسیح دی سچائی دی قَسم جیہڑی میڈے اندر ہے، اَخیہ دے سبھ علاقیاں ءچ کوئی بندہ میکُوں اِیں فخر کرݨ کنُوں روک نہ سگسی۔

2کُرِنتھِیوں 9:2

کیوں جو مَیں جانڑدا ہاں جو تُساں دِلی شوق نال مدد کرݨ چاہندے ہیوے تے اِیں پارُوں میں مَکِدُنیہ دے لوکاں دے سامنڑے تُہاڈے اُتے فخر کریندا ہاں۔ مَیں اُنہاں کُوں ڈسایا جو اَخیہ دے لوک پِچھلے سال کنُوں مدد کرݨ کیتے تیار ہَن۔ تُہاڈے جوش بہُوں ساریاں کُوں اِیں کم کیتے اُبھارے۔

2کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں، تے ساڈے بِھرا تِیمُتِھیُس دی طرفوں، خُدا دی کلیسیا دے ناں جیہڑی کُرِنتُھس شہر ءچ ہے تے پُورے اَخیہ دے سارے مُقدّساں دے ناں۔

1کُرِنتھِیوں 16:15

بِھراؤ! تُساں ستِفناس دے خاندان دے بارے ءچ تاں جانڑدے ہیوے جو او اَخیہ دے ساریاں کنُوں پہلے پھل ہِن تے مُقدّساں دی خدمت کرݨ ءچ لگے ہوئے ہِن۔ مَیں تُہاڈی مِنت کریندا ہاں

رومیوں 15:26

کیوں جو مَکِدُنیہ تے اَخیہ دے ایماندار یروشلیم دے غریب مُقدّساں کیتے چندہ بھیجنڑ چاہندے ہِن۔

اعمال 25:10

پولُس جواب ڈِتا، ”مَیں اِتھاں قیصر دی عدالت ءچ کھڑا ہاں۔ میڈے مقدمہ دا فیصلہ اِتھائیں تھیونڑا چاہیدے۔ تُساں خود وی چنگی طرحاں جانڑدے ہیوے جو مَیں یہُودیاں دا کوئی قصُور نئیں کیتا۔

اعمال 17:13

جِیں ویلے تھِسّلُنِیکے دے یہُودیاں کُوں پتہ لگیا جو پولُس بیرِیہ ءچ خُدا دے کلام دی تبلیغ کریندا پِیا ہے تاں او اُتھاں وی آ پُجے تے لوکاں کُوں ہنگامہ کرݨ اُتے اُکساوݨ لگے۔

اعمال 14:19

وَل کُجھ یہُودی انطاکِیہ تے اکُنیُم تُوں آئے تے لوکاں کُوں آپنڑے نال مِلا تے پولُس کُوں سنگسار کر ڈِتا تے اُونکُوں مُردہ سمجھ تے شہر تُوں باہر گِھیل تے گِھن گئے۔

اعمال 14:2

پر جیہڑے یہُودی اِیمان نہ گِھن آئے ہَن، اُنہاں یہُودیاں، غیریہُودیاں کُوں بھڑکایا تے اُنہاں دی سوچ مسیحی بِھرانواں دے خلاف کر ڈِتی۔

متّی 27:19

جِیں ویلے پِیلاطُس عدالت دے تخت اُتے بیٹھا ہا تاں اُوندی ذال اُونکُوں ایہ پیغام بھیجیا جو ”اِیں نیک بندے دے خلاف کُجھ نہ کرو کیوں جو مَیں اَج خواب ءچ اِیندی وجہ کنُوں بہُوں ڈُکھ چاتے۔“

یعقُوب 2:6

پر تُساں غریب دی بے عزتی کیتی۔ کیا دولت مند ای تُہاڈے اُتے ظلم نئیں کریندے تے تُہاکُوں عدالتاں ءچ گِھیل تے نئیں گِھن ویندے؟

رومیوں 16:5

اُوں کلیسیا کُوں وی سلام آکھو جیہڑی اُنہاں دے گھر ءچ ہے۔ میڈے عزیز اِپینِتُس کُوں سلام آکھو جیہڑا آسِیہ ءچ مسیح اُتے سبھ تُوں پہلے اِیمان گِھن آوݨ آلا ہا۔

اعمال 17:5

پر یہُودیاں حسد دے سببّوں بازاری لوکاں ءچوں کُجھ بدمعاشاں کُوں آپنڑے نال گِھدا تے شہر ءچ ہنگامہ شروع کر ڈِتا تے یاسون دے گھر اُتے حملہ کر ڈِتا کیوں جو پولُس تے سِیلاس کُوں لوکاں دے سامنڑے گِھن آوݨ چاہندے ہَن۔

اعمال 13:12

وَل گورنر ایہ واقع ڈیکھ تے، تے خُداوند دی تعلیم کنُوں حیران تھی تے اِیمان گِھن آیا۔

یُوحنّا 19:13

جِیں ویلے پِیلاطُس ایہ سُنڑیا تاں یسُوع کُوں باہر سڈیا تے آپنڑے تختِ عدالت اُتے بہہ گِیا۔ اُوں جاہ کُوں پتھر دا فرش آکھیا ویندا ہا جِینکُوں عبرانی ءچ گبّتا آدھے ہِن۔

اعمال 13:8

پر الِیماس جادُوگر (اِیہو اُوندے ناں دا مطلب ہے) اُنہاں دی مخالفت کیتی تے گورنر کُوں اِیمان گِھن آوݨ کنُوں روکنڑا چاہیا۔

اعمال 18:11

بس پولُس اُتھاں ڈیڈھ سال تئیں ریہا تے اُنہاں کُوں خُدا دا کلام سکھیندا ریہا۔

اعمال 19:21

اِنہاں گالھیں دے بعد پولُس پکّا اِرادہ کر گِھدا جو ”مَیں مَکِدُنیہ تے اَخیہ دے علاقے ءچوں تھیندا ہویا یروشلیم چلیا ویساں تے وَل اُتھوں روم وَنج تے اُوں شہر کُوں وی ڈیکھ ساں۔“

2کُرِنتھِیوں 11:26

مَیں لگاتار سفر ءچ ریہا، دریا دے خطریاں ءچ، ڈاکواں دے خطریاں ءچ، آپنڑی قوم آلیاں دے خطریاں ءچ، غیر قوماں دے خطریاں ءچ، شہر دے خطریاں ءچ، بیابان دے خطریاں ءچ، سمندر دے خطریاں ءچ، تے کُوڑے اِیمانداراں دے خطریاں ءچ ریہا۔

1تھِسّلُنیکیوں 2:14

کیوں جو بِھراؤ، تُساں وی خُدا دیاں اُنہاں کلیسیاواں وانگُوں بنڑ گئے جیہڑیاں یہُودیہ صوبے ءچ مسیح یسُوع ءچ ہِن۔ کیوں جو تُساں آپنڑے ہم وطناں دے ہتُھوں اُوہو تکلیفاں چاتیاں جیہڑیاں اُنہاں یہُودیاں کنُوں چاتیاں ہَن۔

1تھِسّلُنیکیوں 2:16

کیوں جو او ساکُوں غیر قوماں کُوں خُدا دا کلام سُنڑاوݨ کنُوں روکیندے ہِن تاں جو او نجات نہ پاوݨ۔ اِینویں اُنہاں دے گُناہاں دا پیالہ بھریندا راہندے۔ پر آخر خُدا دا غضب اُنہاں اُتے نازل تھی گِیا۔