اعمال 17:4 - کِتاب مُقدّس سرائیکی ترجمہ

⁴ کُجھ یہُودی اِیں گالھ کُوں مَن تے پولُس تے سِیلاس نال رَل گئے تے اِینویں ای بہُوں سارے خُدا پرست یُونانی تے معزز عورتاں وی۔

اعمال 17:4 Referans Kwoze

اعمال 17:12

بس بہُوں سارے یہُودی تے معزز یُونانی مرد تے عورتاں وی اِیمان گِھن آئے۔

اعمال 14:4

پر شہر دے لوک آپس ءچ ونڈیج گئے۔ کُجھ یہُودیاں نال تھی گئے تے کُجھ رسُولاں نال۔

اعمال 13:43

جِیں ویلے عبادت ختم تھی گئی تاں بہُوں سارے یہُودی تے خُدا پرست نومُرید یہُودی پولُس تے برنباس دے پِچُھوں تھی پئے۔ اُنہاں ڈوہائیں، اُنہاں نال مزید گالھیں کیتیاں تے زور ڈے تے آکھیا جو خُدا دے فضل اُتے قائم راہو۔

2کُرِنتھِیوں 8:5

تے صرف ساڈی اُمید دے مطابق ای نئیں ڈِتا بلکہ پہلے آپنڑے آپ کُوں خُداوند کیتے وقف کیتا تے وَل خُدا دی مرضی نال ساڈے کیتے وی۔

اعمال 28:24

کُجھ اُوندے گالھیں سُنڑ تے قائل تھی گئے پر کُجھ نہ منے۔

اعمال 15:22

وَل رسُولاں تے بزُرگاں ساری کلیسیا سمیت مناسب سمجھیا جو آپنڑے ءچوں کُجھ بندیاں کُوں چُنڑ تے پولُس تے برنباس دے نال انطاکِیہ بھیجنڑ یعنی یہُوداہ کُوں جیہڑا برسبّا اکھویندے تے سِیلاس کُوں۔ ایہ بِھرانواں ءچ قابل ِ احترام ہَن۔

اعمال 13:50

پر یہُودیاں خُدا پرست تے معزز عورتاں تے شہر دے راہنماواں کُوں بھڑکایا تے پولُس تے برنباس کُوں ستاوݨ کیتے اُبھار تے اُنہاں کُوں آپنڑے علاقے ءچوں کڈھ ڈِتا۔

اعمال 21:28

چیخنڑ لگے جو ”اِسرائیلیو! ساڈی مدد کرو۔ اِیہو بندہ ہے جیہڑا ہر جاہ لوکاں کُوں ساڈے خلاف، ساڈی شریعت دے خلاف تے اِیں ہیکل دے خلاف تعلیم ڈیندا ہے۔ اِیندے علاوہ اُوں یُونانیاں کُوں وی ہیکل ءچ گِھن آ تے اِیں پاک جاہ کُوں ناپاک کر ڈِتے۔“

اعمال 19:10

ایہ سلسلہ ڈُو سال تئیں چلدا ریہا، اِتُھوں تئیں جو آسِیہ ءچ راہنڑ آلیاں بھانویں یہُودی بھانویں یُونانی، سبھ خُداوند دا کلام سُنڑیا۔

اعمال 18:4

پر او ہر سبت، عبادت خانہ ویندا تے یہُودیاں تے یُونانیاں نال بحث کر تے اُنہاں کُوں قائل کریندا ہا۔

اعمال 17:34

پر کُجھ لوک پولُس نال آ مِلے تے اِیمان گِھن آئے۔ اُنہاں ءچوں ہِک دِیونُسییُس اریوپگُس دی مجلس دا رُکن ہا تے دَمَرِس ناں دی ہِک عورت ہئی تے اُنہاں دے علاوہ بئے وی ہَن۔

اعمال 17:17

اِیں واسطے او عبادت خانہ ءچ یہُودیاں تے خُدا پرست یُونانیاں نال بحث کریندا راہندا ہا تے اُنہاں کُوں وی جیہڑے اُونکُوں ہر روز بازار ءچ مِلدے ہَن۔

اعمال 16:3

پولُس اُونکُوں سفر ءچ آپنڑے نال گِھن ونجنڑ چاہندا ہا اِیں واسطے اُوں اُوندا ختنہ کر ڈِتا کیوں جو اُوں علاقے دے سارے یہُودی جانڑدے ہَن جو اُوندا پِیُو یُونانی ہے۔

اعمال 15:40

پر پولُس سِیلاس کُوں نال گِھن گِھدا تے بِھرانواں کنُوں خُداوند دے فضل دے سپُرد تھی تے اُتھوں روانہ تھیّا۔

اعمال 15:32

تے یہُوداہ تے سِیلاس جیہڑے خود وی نبی ہَن، بِھرانواں کُوں نصیحت کر تے مضبوط کر ڈِتا۔

اعمال 15:27

اِیں واسطے اساں یہُوداہ تے سِیلاس کُوں بھیجیا ہے، جیہڑے ایہ گالھیں زبانی وی بیان کریسن۔

اعمال 14:1

اکُنیُم ءچ وی پولُس تے برنباس یہُودیاں دے عبادت خانہ ءچ گئے تے ایجھی تقریر کیتی جو بہُوں سارے یہُودی تے یُونانی اِیمان گِھن آئے۔

اعمال 4:23

جِینویں ای پطرس تے یُوحنّا رِہا تھئے، او آپنڑے لوکاں کولھ چلے گئے تے جیہڑا کُجھ سردار کاہِناں تے بزُرگاں اُنہاں کُوں آکھیا ہا، بیان کیتا۔

اعمال 2:44

جیہڑے اِیمان گِھن آئے ہَن او سارے کٹھے راہندے تے اُنہاں دیاں سبھ چیزاں سانجھیاں ہَن۔

یُوحنّا 7:35

یہُودی آپس ءچ آکھنڑ لگے، ”ایہ کِتھاں ویسی جو اساں اُونکُوں گولھ نہ سگسوں؟ کیا او اُنہاں دے کولھ جیہڑے یُونانیاں ءچ اِڈے اُڈے وسدے ہِن چلیا ویسی تے یُونانیاں کُوں تعلیم ڈیسی؟

اعمال 17:10

رات تھیندے ای مسیحی بِھرانواں پولُس تے سِیلاس کُوں اُتھوں کنُوں بیرِیہ دو روانہ کر ڈِتا۔ جِیں ویلے او اُتھاں پُجے تاں یہُودی عبادت خانہ ءچ گئے۔

اعمال 17:14

وَل بِھرانواں فوراً پولُس کُوں سمندر دے کنڈے دو روانہ کر ڈِتا پر سِیلاس تے تِیمُتِھیُس بیرِیہ ءچ ای ریہے۔