اعمال 17:25 - کِتاب مُقدّس سرائیکی ترجمہ

²⁵ او اِنسان دے ہتُھوں خدمت نئیں گِھندا کیوں جو او کہیں چیز دا مُتھاج نئیں، او تاں سارے اِنساناں کُوں زندگی، ساہ تے سارا کُجھ ڈیندے۔

اعمال 17:25 Referans Kwoze

رومیوں 11:35

یا کئیں اُونکُوں پہلے کُجھ ڈِتا، جِیندا صِلہ اُونکُوں ڈِتا ونجے ؟“

اعمال 17:28

کیوں جو اساں اُوندے ءچ زندہ، ٹُردے پِھردے تے موجود ہیں جِینویں جو تُہاڈے کُجھ شاعراں وی آکھیا ہے جو ’اساں تاں اُوندی اولاد وی ہیں۔‘

1 تِیمُتھِیُس 6:17

اِیں موجودہ جہان دے دولت منداں کُوں حُکم ڈے جو او مغرُور نہ تھیوݨ تے دولت جیہی غیر یقینی چیز اُتے اُمید نہ رکھنڑ بلکہ خُدا اُتے، جیہڑا ساڈی خوشی کیتے ساریاں چیزاں ساکُوں کثرت نال ڈیندے۔

اعمال 14:17

وَل وی اُوں آپنڑے آپ کُوں بے گواہ نئیں چھوڑیا۔ بلکہ اُوں مہربانیاں کیتیاں تے اسمان تُوں مینہ وسایا تے فصلاں کیتے موسم عطا کیتے تے تُہاکُوں خوراک تے دِلی خوشی نال بھر ڈِتا۔“

متّی 9:13

پر تُساں وَنج تے اِیندا مطلب پتہ کرو جو ’مَیں قُربانی نئیں بلکہ رحم پسند کریندا ہاں۔‘ کیوں جو مَیں راستبازاں کُوں نئیں بلکہ گُنہگاراں کُوں سڈݨ آیا ہاں۔“

متّی 5:45

تاں تُساں آپنڑے اسمانی باپ دے فرزند بنڑ سو۔ کیوں جو او آپنڑے سِجھ کُوں نیکاں تے بداں ڈوہائیں اُتے چمکیندے تے نیکاں تے گُنہگاراں ڈوہائیں اُتے مینہ وسیندے۔