اعمال 17:20 - کِتاب مُقدّس سرائیکی ترجمہ

²⁰ اساں تیڈے مُنہ کنُوں بہُوں حیران کرݨ آلے گالھیں سُنڑدے پئے ہیں۔ اساں ایہ جاننڑاں چاہندے ہیں جو اِنہاں دا کیا مطلب ہے؟“

اعمال 17:20 Referans Kwoze

1 پطرس 4:4

تے ہُنڑ او لوک حیران تھیندن جو تُساں ایجھیاں سبھ بدکاریاں ءچ اُنہاں دا ساتھ نئیں ڈیندے، تے او تُہاکُوں بُرا بھلا آدھے ہِن۔

1کُرِنتھِیوں 2:14

پر جیہڑا بندہ رُوحانی نئیں او خُدا دے رُوح دے گالھیں قبول نئیں کریندا، کیوں جو او اُوندی نظر ءچ بیوقُوفی ہِن تے نہ ای اُنہاں کُوں سمجھ سگدے کیوں جو او صرف رُوح القُدس دے ذریعے سمجھیاں ویندیاں ہِن۔

1کُرِنتھِیوں 1:23

پر اساں صلیب اُتے چڑھائے گئے مسیح دی تبلیغ کریندے ہیں تے ایہ گالھ یہُودیاں کیتے تُھڈا کھاوݨ دا سبب ہے تے غیریہُودیاں کیتے بیوقُوفی۔

1کُرِنتھِیوں 1:18

کیوں جو ہلاک تھیوݨ آلیاں کیتے تاں صلیب دا پیغام بیوقُوفی ہے پر نجات پاوݨ آلیاں کیتے خُدا دی قُدرت ہے۔

عبرانیوں 5:11

اِیندے بارے ءچ ساکُوں مزید بہُوں کُجھ آکھنڑا ہے پر تُہاکُوں سمجھاونڑا مُشکل ہے، کیوں جو تُساں ڈورے ہیوے۔

اعمال 10:17

جِیں ویلے پطرس آپنڑے دل ءچ سوچیندا پِیا ہا جو اِیں رویا دا کیا مطلب ہے، تاں کُرنیلیُس دے بھیجے ہوئے بندے شمعون دے گھر دا پتہ معلوم کر تے دروازے اُتے آ کھڑے تھئے۔

اعمال 2:12

سبھ حیران تھئے تے پریشان تھی تے ہِک بئے کُوں آکھنڑ لگے، ”ایہ کیا تھیندا پئے؟“

یُوحنّا 6:60

ایہ گالھیں سُنڑ تے اُوندے شاگرداں ءچوں بہُوں ساریاں آکھیا جو ”ایہ تعلیم بہُوں سخت ہے، اِینکُوں کوݨ سُنڑ سگدے؟“

مرقس 9:10

اُنہاں اِیں کلام کُوں یاد رکھیا پر آپس ءچ تکرار کریندے ہَن جو ”مُردیاں ءچوں جی اُٹھنڑ“ دا کیا مطلب ہے؟

اعمال 17:19

وَل او اُونکُوں آپنڑے نال اریوپگُس اُتے گِھن گئے تے آکھنڑ لگے ”کیا اساں جاݨ سگدے ہیں جو ایہ نوِیں تعلیم جیہڑی تُوں ڈیندیں کیا ہے؟

اعمال 17:21

(کیوں جو اتھینے دے لوک کیا مقامی کیا پردیسی، آپنڑا سارا فارغ وقت فقط نوِیں نوِیں گالھیں سُنڑݨ یا سُنڑاوݨ ءچ لنگھیندے ہَن۔)