اعمال 17:18 - کِتاب مُقدّس سرائیکی ترجمہ

¹⁸ کُجھ اِپکُوری تے ستوئیکی فیلسُوف اُوندے نال بحث ءچ پے گئے۔ اُنہاں ءچوں کُجھ آکھیا جو ”ایہ بکواسی کیا آکھنڑ چاہندا ہے؟“ کُجھ ایہ آکھنڑ لگے جو ”ایہ تاں اجنبی دیوتیاں دی خبر ڈیوݨ آلا لگدے۔“ کیوں جو پولُس یسُوع تے قیامت دی خوشخبری ڈیندا ہا۔

اعمال 17:18 Referans Kwoze

کلُسِّیوں 2:8

خبردار! کوئی بندہ تُہاکُوں اُنہاں فلسفیانہ تے بے فائدہ دوکھے آلے گالھیں دا شکار نہ کر گِھنے، جیہڑیاں اِنسانی روایتاں تے دُنیاوی اصُولاں دے مطابق ہِن نہ جو مسیح دے مطابق۔

اعمال 4:2

او بہُوں کاوڑ ءچ ہَن کیوں جو او لوکاں کُوں یسُوع دی مثال ڈے تے مُردیاں ءچوں زندہ تھیوݨ دی تعلیم ڈیندے ہَن۔

لُوقا 11:53

جِیں ویلے او اُتھوں نِکلیا تاں شریعت دے عالم تے فریسی اُوندی مخالفت کرݨ تے اُونکُوں چھیڑن لگے تاں جو او بہُوں سارے گالھیں دا ذِکر کرے،

1کُرِنتھِیوں 4:10

اساں مسیح دی خاطر بیوقُوف بنڑ گئے ہیں، پر تُساں مسیح ءچ عقل مند ہیوے۔ اساں کمزور ہیں پر تُساں زور آور ہیوے۔ لوک تُہاڈی عزت کریندن پر ساڈی بے عزتی۔

1کُرِنتھِیوں 3:18

آپنڑے آپ کُوں فریب نہ ڈیؤ۔ جے تُہاڈے ءچوں کوئی آپنڑے آپ کُوں اِیں دُنیا دے معیار دے مطابق حِکمت آلا سمجھدا ہے تاں او نادان بنڑے تاں جو سچ مُچ دانا بنڑ سگے۔

رومیوں 1:22

او عقلمند ہووݨ دا دعویٰ کریندے ہَن، پر بیوقُوف نِکلے۔

اعمال 26:23

جو المسیح ضرور ڈُکھ چیسی تے ساریاں کنُوں پہلے مُردیاں ءچوں زندہ تھی تے اِیں اُمت تے غیر قوماں کُوں نُور دا پیغام ڈیسی۔“

مرقس 9:14

جِیں ویلے او باقی شاگرداں دے کولھ آئے تاں ڈِٹھا جو اُنہاں دے آسُوں پاسُوں وڈی بِھیڑ ہے تے شریعت دے عالم اُنہاں نال بحث کریندے پئے ہِن۔

اعمال 6:9

کُرینی، اِسکندرِیہ، کلکیہ تے آسِیہ دے کُجھ لوک اُوں عبادت خانہ دے ہَن جیہڑا آزاد کیتے گئے غُلاماں دا اکھویندے۔ او ستِفُنس نال بحث کرݨ لگے۔

اعمال 5:42

تے او ہیکل تے گھراں ءچ ہر روز تعلیم ڈیوݨ تے اِیں گالھ دی خوشخبری سُنڑاوݨ تُوں باز نہ آئے جو یسُوع ای المسیح ہے۔