اعمال 17:10 - کِتاب مُقدّس سرائیکی ترجمہ

¹⁰ رات تھیندے ای مسیحی بِھرانواں پولُس تے سِیلاس کُوں اُتھوں کنُوں بیرِیہ دو روانہ کر ڈِتا۔ جِیں ویلے او اُتھاں پُجے تاں یہُودی عبادت خانہ ءچ گئے۔

اعمال 17:10 Referans Kwoze

1تھِسّلُنیکیوں 2:2

بلکہ جِینویں تُساں جانڑدے ہیوے، اساں فِلپی ءچ ڈُکھ چاتے تے بہُوں بے عزت تھئے۔ وَل وی ساکُوں آپنڑے خُدا ءچ دلیری تھئی جو خُدا دی خوشخبری بہُوں مخالفت دے باوجود تُہاکُوں سُنڑاؤں۔

اعمال 17:2

پولُس آپنڑے دستور دے مطابق عبادت خانے ءچ گِیا تے ترے سبتاں تئیں خُدا دے کلام ءچوں اُنہاں نال بحث کریندا ریہا۔

اعمال 20:4

کُجھ لوک یعنی پُرس دا پوتر سوپَترُس جیہڑا بیرِیہ دا ہا تے ارِسترخُس تے سِکُندُس جیہڑے تھِسّلُنِیکے دے ہَن تے گِیُس جیہڑا دِربے دا ہا تے تِیمُتِھیُس، تے آسِیہ صوبے دے تخِکُس تے ترُفِمُس، اُوندے نال ہَن۔

اعمال 9:25

پر اُوندے شاگرداں اُونکُوں ہِک ٹوکرے ءچ بِلھا یا تے رات کُوں کندھ دے گلے تُوں لٹکا تے باہر لہا ڈِتا۔

اعمال 1:15

اُنہاں ڈینہاں ءچ پطرس بِھرانواں دی جماعت ءچ جیہڑے تقریباً ہِک سو وِیہہ دے نیڑے ہَن، کھڑا تھی تے آکھنڑ لگا،

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

اعمال 15:22

وَل رسُولاں تے بزُرگاں ساری کلیسیا سمیت مناسب سمجھیا جو آپنڑے ءچوں کُجھ بندیاں کُوں چُنڑ تے پولُس تے برنباس دے نال انطاکِیہ بھیجنڑ یعنی یہُوداہ کُوں جیہڑا برسبّا اکھویندے تے سِیلاس کُوں۔ ایہ بِھرانواں ءچ قابل ِ احترام ہَن۔

اعمال 17:1

اِیندے بعد پولُس تے سِیلاس، امفِپُلِس تے اَپُلّونیہ ءچوں تھیندے ہوئے تھِسّلُنِیکے آئے جِتھاں یہُودیاں دا ہِک عبادت خانہ ہا۔

اعمال 17:4

کُجھ یہُودی اِیں گالھ کُوں مَن تے پولُس تے سِیلاس نال رَل گئے تے اِینویں ای بہُوں سارے خُدا پرست یُونانی تے معزز عورتاں وی۔

اعمال 17:6

پر جِیں ویلے اُنہاں کُوں او نہ مِلے تاں یاسون تے بہُوں سارے ڈُوجھے مسیحی بِھرانواں کُوں گِھیل تے شہر دے حاکماں دے کولھ گِھن گئے تے چیخ تے آکھیا ”او بندے جِنہاں ساری دُنیا کُوں اُلٹ پُلٹ کر ڈِتے، ہُنڑ اِتھاں وی آ گئے ہِن،