اعمال 16:6 - کِتاب مُقدّس سرائیکی ترجمہ

⁶ وَل پولُس تے سِیلاس فروگیہ تے گلِتیہ دے علاقے ءچوں لنگھے کیوں جو رُوح القُدس اُنہاں کُوں آسِیہ ءچ کلام سُنڑاوݨ تُوں روک ڈِتا ہا۔

اعمال 16:6 Referans Kwoze

اعمال 18:23

انطاکِیہ ءچ کُجھ عرصہ گُزارݨ تُوں بعد پولُس اُتھوں روانہ تھیّا تے گلِتیہ تے فروگیہ دے سارے علاقیاں ءچوں لنگھدے ہوئے سبھ شاگرداں دے اِیمان کُوں مضبوط کریندا گِیا۔

گلتِیوں 1:2

تے او سارے مسیحی بِھرا وی جیہڑے میڈے نال ہِن، گلِتیہ دی کلیسیاواں کُوں سلام آدھن۔

اعمال 16:7

اُنہاں مُوسیہ دے نیڑے پُج تے بِتُونیہ ءچ داخل تھیوݨ دی کوشش کیتی پر یسُوع دے رُوح اُنہاں کُوں ونجنڑ نہ ڈِتا۔

اعمال 11:12

رُوح القُدس میکُوں آکھیا جو ’جِھجکے بغیر اُنہاں نال چلیا وَنج۔‘ ایہ چِھی بِھرا وی میڈے نال گئے تے اساں اُوں بندے دے گھر ءچ داخل تھئے۔

1 پطرس 1:1

ایہ خط میں پطرس دی طرفوں ہے جیہڑا یسُوع مسیح دا رسُول ہاں، خُدا دے اُنہاں چُنڑے ہوئے لوکاں دے ناں جیہڑے پردیسیاں آلی کار پُنطُس، گلِتیہ، کپَدُکیہ، آسِیہ تے بتُھنیہ ءچ جاہ جاہ تے راہندے ہِن۔

2 تِیمُتھِیُس 4:10

کیوں جو دیماس دُنیا نال محبت کر تے میکُوں چھوڑ ڈِتے تے تھِسّلُنِیکے چلیا گئے۔ تے کریسکینس گلِتیہ تے طِطُس دلمتیہ کُوں روانہ تھی گئے۔

گلتِیوں 3:1

نادان گلِتیو! تُہاڈے اُتے کئیں جادُو کر ڈِتے؟ تُہاڈے سامنڑے یسُوع مسیح تے اُوندی صلیبی موت کُوں اِتنی صفائی نال پیش کیتا گئے جِینویں ایہ تُہاڈے اکھیں دے سامنڑے تھیّا ہووے۔

اعمال 19:10

ایہ سلسلہ ڈُو سال تئیں چلدا ریہا، اِتُھوں تئیں جو آسِیہ ءچ راہنڑ آلیاں بھانویں یہُودی بھانویں یُونانی، سبھ خُداوند دا کلام سُنڑیا۔

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

مُکاشفہ 1:4

ایہ پیغام یُوحنّا دی طرفوں، اُنہاں سَت کلیسیاواں دے ناں ہے جیہڑیاں آسِیہ صوبے ءچ ہِن۔ تُہاکُوں اُوندی طرفوں فضل تے اِطمینان حاصل تھیندا راہوے، جیہڑا ہے، جیہڑا ہا تے جیہڑا آوݨ آلا ہے، تے اُنہاں سَت رُوحاں دی طرفوں جیہڑیاں اُوندے تخت دے سامنڑے ہِن،

عبرانیوں 11:8

اِیمان دی وجہ کنُوں ای ابرہام جِیں ویلے سڈیا گِیا تاں خُدا دا حُکم مَن تے اُوں جاہ دو چلیا گِیا جیہڑی بعد ءچ اُونکُوں میراث ءچ مِلنڑ آلی ہئی۔ بھانویں جو او جانڑدا وی نہ ہا جو او کِتھاں ویندا پئے، وَل وی روانہ تھی گِیا۔

2 تِیمُتھِیُس 1:15

تُوں جانڑدا ہیں جو آسِیہ صوبے ءچ سارے لوکاں میکُوں چھوڑ ڈِتے۔ اُنہاں ءچ فُوگلُس تے ہرمُگِنیُس وی شامل ہِن۔

2کُرِنتھِیوں 1:8

بِھراؤ! اساں نئیں چاہندے جو تُساں اُوں مُصیبت کنُوں بے خبر راہو جیہڑی آسِیہ ءچ ساڈے اُتے آئی۔ ایہ مُصیبت اِتنی شدید تے ساڈی برداشت کنُوں باہر ہئی جو اساں تاں زندگی کنُوں وی ہتھ دھو بیٹھے ہسے۔

1کُرِنتھِیوں 16:1

جیہڑا چندہ مُقدّساں کیتے جمع کیتا ویندے اُوندے بارے ءچ تُساں اِیں ہدایت اُتے عمل کرو جیہڑی مَیں گلِتیہ دیاں کلیسیاواں کُوں کیتی ہے،

1کُرِنتھِیوں 12:11

ایہ ساریاں نعمتاں اُوہو ہِک ای رُوح القُدس ڈیندے تے ہر ہِک کُوں آپنڑی مرضی دے مطابق ونڈیندے۔

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

اعمال 20:16

پولُس ایہ فیصلہ کر گِھدا ہا جو او اِفِسُس کولُھوں لنگھے تاں جو اُونکُوں آسِیہ ءچ مزید دیر نہ لگے۔ کیوں جو او جلدی نال یروشلیم وَنج تے پِنتیکُست دا ڈینہہ اُتھاں گُزارنڑاں چاہندا ہا۔

اعمال 20:4

کُجھ لوک یعنی پُرس دا پوتر سوپَترُس جیہڑا بیرِیہ دا ہا تے ارِسترخُس تے سِکُندُس جیہڑے تھِسّلُنِیکے دے ہَن تے گِیُس جیہڑا دِربے دا ہا تے تِیمُتِھیُس، تے آسِیہ صوبے دے تخِکُس تے ترُفِمُس، اُوندے نال ہَن۔

اعمال 10:19

جِیں ویلے پطرس اُوں رویا دے بارے ءچ سوچیندا پِیا ہا، تاں رُوح القُدس اُونکُوں آکھیا جو ”ڈیکھ ترے بندے تیڈے بارے ءچ پُچھدے پئے ہِن۔

لُوقا 1:2

اُنہاں او گالھیں بیان کیتیاں جیہڑیاں ساکُوں اُنہاں لوکاں دی طرفوں پُجیاں، جِنہاں شروع کنُوں آپنڑے اکھیں نال ڈِٹھا تے کلام دے خادم ہِن۔

اعمال 6:9

کُرینی، اِسکندرِیہ، کلکیہ تے آسِیہ دے کُجھ لوک اُوں عبادت خانہ دے ہَن جیہڑا آزاد کیتے گئے غُلاماں دا اکھویندے۔ او ستِفُنس نال بحث کرݨ لگے۔

اعمال 8:29

رُوح القُدس فِلپُس کُوں آکھیا جو ”نزدیک وَنج تے اُوں بگھی دے نال تھی پو۔“

اعمال 21:27

جِیں ویلے پاک تھیوݨ دے سَت ڈینہہ پُورے تھئے تاں آسِیہ دے کُجھ یہُودیاں پولُس کُوں ہیکل ءچ ڈیکھ تے لوکاں ءچ ہلچل مچا ڈِتی تے اُونکُوں پکڑ تے

رومیوں 16:5

اُوں کلیسیا کُوں وی سلام آکھو جیہڑی اُنہاں دے گھر ءچ ہے۔ میڈے عزیز اِپینِتُس کُوں سلام آکھو جیہڑا آسِیہ ءچ مسیح اُتے سبھ تُوں پہلے اِیمان گِھن آوݨ آلا ہا۔

1کُرِنتھِیوں 16:19

آسِیہ دیاں کلیسیاواں تُہاکُوں سلام آدھیاں ہِن۔ اَکوِلہ تے پرسِکہ، اُوں کلیسیا سمیت جیہڑی اُنہاں دے گھر ءچ جمع تھیندی ہے، تُہاکُوں خُداوند دے ناں ءچ بہُوں بہُوں سلام آدھے ہِن۔