اعمال 16:34 - کِتاب مُقدّس سرائیکی ترجمہ

³⁴ داروغہ اُنہاں کُوں آپنڑے گھر گِھن گِیا تے اُنہاں کُوں کھانڑا کھوایا۔ تے آپنڑے سارے گھر آلیاں سمیت خُدا اُتے اِیمان گِھن آ تے بہُوں خوشی منائی۔

اعمال 16:34 Referans Kwoze

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

فِلیمون 1:7

کیوں جو بِھرا، میکُوں تیڈی محبت تُوں بہُوں خوشی تے تسلی مِلی ہے کیوں جو تَیں مُقدّساں دے دِلاں کُوں تازہ کیتے۔

رومیوں 5:11

تے نہ صرف ایہ بلکہ اساں آپنڑے خُداوند یسُوع المسیح دے ذریعے خُدا اُتے فخر کریندے ہیں جیندے وسیلے ساڈی خُدا نال صُلح تھی گئی ہے۔

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

1 یُوحنّا 3:18

بالو! اساں صرف کلام تے زبان نال ای نئیں بلکہ سچائی تے آپنڑے اعمال نال وی محبت کرُوں۔

فِلِپّیوں 4:17

میں ایہ اِیں واسطے نئیں آدھا جو مَیں کوئی امداد چاہندا ہاں بلکہ مَیں ایہ چاہندا ہاں جو تُہاکُوں تُہاڈے نیک کماں دا اجر مِل ونجے۔

فِلِپّیوں 4:4

خُداوند ءچ ہر وقت خوش راہو۔ میں ولا آدھا ہاں جو خوش راہو۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

اعمال 11:14

او تیکُوں ہِک ایجھا پیغام ڈیسی جیندے وسیلے تُوں تے تیڈا سارا خاندان نجات پیسی۔‘

اعمال 8:39

جِیں ویلے او پانڑی ءچوں نِکل تے باہر آئے تاں خُداوند دا رُوح فِلپُس کُوں چا تے گِھن گِیا تے خوجے اُونکُوں ولا نہ ڈِٹھا۔ پر او خوشی کریندا ہویا آپنڑی منزل دو روانہ تھی گِیا۔

لُوقا 19:6

زکّائی فوراً تلے لہہ آیا تے اُونکُوں خوشی نال آپنڑے گھر گِھن گِیا۔

لُوقا 15:32

پر خوشی مناوݨ تے شادمان تھیوݨ لازم ہا کیوں جو تیڈا ایہ بِھرا مر گِیا ہا، ہُنڑ زندہ تھئے، گُم تھی گِیا ہا، ہُنڑ مِل گئے‘۔“

لُوقا 5:29

وَل لاوی آپنڑے گھر ءچ اُوندی وڈی دعوت کیتی تے اُتھاں محصُول گِھننڑ آلے تے ڈُوجھے لوکاں دی، جیہڑے دعوت ءچ شریک ہَن، وڈی بِھیڑ ہئی۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

اعمال 16:15

وَل جِیں ویلے اُوں تے اُوندے خاندان بپتسمہ گِھن گِھدا تاں ساکُوں آکھیا جو ”جے تُساں میکُوں خُداوند دی اِیماندار بندی سمجھدے ہیوے تاں جُلو تے میڈے گھر ٹِکو۔“ بس اُوں ساکُوں مجبور کیتا۔

اعمال 16:35

جِیں ویلے سویل تھئی تاں رومی حاکماں آپنڑے سپاہیاں کُوں قید خانہ دے داروغہ دے کولھ ایہ حُکم ڈے تے بھیجیا جو ”اُنہاں بندیاں کُوں رِہا کر ڈے۔“