اعمال 16:30 - کِتاب مُقدّس سرائیکی ترجمہ

³⁰ وَل اُنہاں کُوں باہر گِھن آیا تے آکھنڑ لگا، ”صاحبو! مَیں کیا کراں جو نجات پاواں؟“

اعمال 16:30 Referans Kwoze

اعمال 2:37

جِیں ویلے اُنہاں ایہ سُنڑیا تاں اُنہاں دے دِلاں کُوں ڈُکھ لگیا تے پطرس تے باقی رسُولاں کُوں آکھیا جو ”بِھراؤ! اساں کیا کرُوں؟“

اعمال 22:10

مَیں پُچھیا، ’اے خُداوند! مَیں کیا کراں؟‘ خُداوند میکُوں آکھیا، ’اُٹھی دمشق وَنج، اُتھاں تیکُوں او سارا کُجھ جیہڑا تیڈے کرݨ کیتے مقرر تھیّا ہے ڈسا ڈِتا ویسی۔‘

اعمال 14:15

آکھنڑ لگے جو ”لوکو! تُساں ایہ کیا کریندے ہیوے؟ اساں وی تُہاڈے آلی کار اِنسان ہیں تے تُہاکُوں خوشخبری سُنڑیندے ہیں تاں جو تُساں اِنہاں بے کار چیزاں کُوں چھوڑ تے زندہ خُدا دو رجُوع گِھن آؤ جئیں زمین تے اسمان تے سمندر تے جیہڑا کُجھ اُنہاں ءچ ہے، پیدا کیتے۔

لُوقا 3:10

لوکاں اُوں کنُوں پُچھیا، ”وَل اساں کیا کرُوں؟“

متّی 3:8

بس ایجھے کم کرو جو نظر آوے جو تُساں توبہ کیتی ہے۔

یعقُوب 2:13

کیوں جو جئیں رحم نئیں کیتا، اُوندا اِنصاف بغیر رحم دے کیتی ویسی پر رحم اِنصاف اُتے غالب آندے۔

اعمال 16:24

ایہ حُکم مِلدے ای اُوں اُنہاں کُوں ہِک اندرُونی کوٹھڑی ءچ بند کر ڈِتا تے اُنہاں دے پیراں ءچ بیڑیاں لا ڈِتیاں۔

اعمال 16:17

او پولُس تے ساڈے پِچُھوں آ تے چیخنڑ لگ پئی جو ”ایہ لوک خُدا تعالیٰ دے خادم ہِن جیہڑے تُہاکُوں نجات دا رستہ ڈسیندے ہِن۔“

اعمال 9:6

ہُنڑ اُٹھی تے شہر ءچ وَنج تے جیہڑا تیکُوں کرنڑا چاہیدے، او تیکُوں ڈسا ڈِتا ویسی۔“

متّی 5:7

مُبارک ہِن او جیہڑے رحم دل ہِن، کیوں جو اُنہاں اُتے رحم کیتا ویسی۔