اعمال 16:23 - کِتاب مُقدّس سرائیکی ترجمہ

²³ وَل سپاہیاں اُنہاں کُوں بینت مروا تے قید خانہ ءچ سَٹ ڈِتا تے قید خانہ دے داروغہ کُوں حُکم ڈِتا جو اُنہاں دی چنگی طرحاں چوکیداری کرے۔

اعمال 16:23 Referans Kwoze

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

2 تِیمُتھِیُس 2:9

اِیں خوشخبری کیتے مَیں ڈُکھ چیندا ہاں بلکہ مُجرم وانگُوں قید ءچ ہاں، پر خُدا دا کلام کہیں قید ءچ نئیں۔

فِلیمون 1:9

وَل وی میکُوں ایہ زیادہ پسند ہے جو مَیں تیکُوں محبت دی وجہ تُوں درخاست کراں۔ مَیں پولُس، جیہڑا بُڈھا تے اِیں ویلے مسیح یسُوع دی خاطر قیدی ہاں،

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

اِفِسیوں 3:1

اِیں واسطے مَیں پولُس جیہڑا تُساں غیر قوماں دی خاطر مسیح یسُوع کیتے قیدی ہاں تُہاڈے کیتے دُعا کریندا ہاں۔

اعمال 16:36

وَل داروغے پولُس کُوں آکھیا جو ”حاکماں تُہاکُوں رِہا کرݨ دا حُکم بھیجیا ہے۔ بس ہُنڑ تُساں نِکل تے سلامت چلے ونجو۔“

اعمال 16:27

داروغہ جاگ پِیا تے جِیں ویلے اُوں قید خانہ دے دروازے کُھلے ڈِٹھے تاں سمجھیا جو سارے قیدی قید خانہ ءچوں نِکل تے بھج گئے ہِن۔ بس اُوں آپنڑی تلوار چاتی تے آپنڑے آپ کُوں مارݨ آلا ہا۔

اعمال 12:18

جِیں ویلے سویل تھئی تاں سپاہی بہُوں گھبرا گئے جو پطرس نال کیا تھئے۔

اعمال 12:4

تے اُونکُوں پکڑ تے قید کر ڈِتا تے پہرے کیتے چار چار سپاہیاں دے چار پہریاں ءچ رکھیا، اِیں اِرادے نال جو عید ِ فسح دے بعد اُونکُوں لوکاں دے سامنڑے پیش کرے۔

اعمال 9:2

تے اُوں دمشق دے عبادت خانیاں کیتے خط منگے تاں جو جیہڑا وی مسیح دی راہ اُتے ٹُرݨ آلا مِلے بھانویں او مرد ہووے یا عورت، اُونکُوں گرفتار کر تے یروشلیم گِھن آوے۔

اعمال 8:3

پر ساؤل کلیسیا کُوں تباہ کریندا ریہا۔ او گھر گھر وَنج تے مرداں تے عورتاں کُوں گِھیل تے قید کرویندا ہا۔

اعمال 5:23

”اساں قید خانہ کُوں تاں بہُوں حفاظت نال بند کیتا ہویا تے پہرے داراں کُوں دروازیاں اُتے کھڑے ڈِٹھا، پر جِیں ویلے کھولیا تاں اندر کوئی نہ مِلیا۔“

اعمال 5:18

تے رسُولاں کُوں گرفتار کروا تے جیل ءچ سَٹ ڈِتا۔

لُوقا 21:12

پر ایہ سبھ کُچھ تھیوݨ کنُوں پہلے او تُہاکُوں میڈے ناں دی وجہ کنُوں گرفتار کریسن تے ڈُکھ ڈیسن، تے عبادت خانیاں دیاں عدالتاں ءچ پیش کریسن، تے قید خانیاں ءچ سَٹویسن، تے بادشاہاں تے حاکماں دے سامنڑے پیش کریسن۔

متّی 26:48

اُوندے پکڑواوݨ آلے اُنہاں کُوں ایہ نشانی ڈِتی ہئی جو جِیندا مَیں بوسہ گِھناں، اُوہو یسُوع ہے۔ اُونکُوں پکڑ گِھنائے۔

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

2کُرِنتھِیوں 6:5

کوڑے کھا تے، قید ءچ رہ تے، فساد دا سامنڑا کر تے، سخت محنت کر تے، آپنڑیاں نیندراں حرام کر تے، بُکھے رہ تے،

2کُرِنتھِیوں 11:23

کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔