اعمال 16:1 - کِتاب مُقدّس سرائیکی ترجمہ

¹ پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

اعمال 16:1 Referans Kwoze

2 تِیمُتھِیُس 1:5

میکُوں تیڈا او حقیقی اِیمان وی یاد آندے جیہڑا پہلے تیڈی نانی لُوئِس تے تیڈی ماء یُونِیکے دا ہا، تے میکُوں یقین ہے جو اُوہو اِیمان تیڈا وی ہے۔

2 تِیمُتھِیُس 1:2

ایہ خط پیارے پوتر تِیمُتِھیُس دے ناں ہے۔ ساڈے خُدا باپ تے خُداوند یسُوع مسیح دی طرفوں تیکُوں فضل، رحم تے اِطمینان حاصل تھیندا راہوے۔

1 تِیمُتھِیُس 1:2

تِیمُتِھیُس دے ناں جیہڑا اِیمان دے لحاظ نال میڈے حقیقی پوتر وانگُوں ہے۔ تیکُوں خُدا باپ تے ساڈے خُداوند یسُوع مسیح دی طرفوں فضل، رحم تے اِطمینان حاصل تھیندا راہوے۔

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،

1کُرِنتھِیوں 4:17

اِیں واسطے مَیں تِیمُتِھیُس کُوں جیہڑا خُداوند یسُوع ءچ میڈا عزیز تے وفادار فرزند ہے، تُہاڈے کولھ بھجیندا پِیا ہاں۔ او تُہاکُوں میڈے او طریقے یاد ڈیویسی جِنہاں اُتے مَیں یسُوع مسیح ءچ ہوندے ہوئے عمل کریندا ہاں تے جیہڑے مَیں ہر جاہ تے ہر کلیسیا ءچ سکھیندا ہاں۔

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

اعمال 17:14

وَل بِھرانواں فوراً پولُس کُوں سمندر دے کنڈے دو روانہ کر ڈِتا پر سِیلاس تے تِیمُتِھیُس بیرِیہ ءچ ای ریہے۔

2تھِسّلُنیکیوں 1:1

ایہ خط پولُس، سِیلاس تے تِیمُتِھیُس دی طرفوں تھِسّلُنِیکے دی کلیسیا دے ناں ہے جیہڑی خُدا باپ تے خُداوند یسُوع المسیح ءچ ہے۔

کلُسِّیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں تے بِھرا تِیمُتِھیُس دی طرفوں وی۔

فِلِپّیوں 2:19

میکُوں خُداوند یسُوع ءچ ایہ اُمید ہے جو تِیمُتِھیُس کُوں جلدی تُہاڈے کولھ بھیج ڈیساں تاں جو تُہاڈے بارے ءچ خبر سُنڑ تے میکُوں وی تسلی تھیوے۔

رومیوں 16:21

میڈا ہم خدمت تِیمُتِھیُس تے میڈی قوم آلے لُوکِیُس، یاسون تے سوسِپطرُس تُہاکُوں سلام آدھے ہِن۔

اعمال 14:6

تاں او اِیندے تُوں واقف تھی تے لُکااُنیہ دے شہر لُسترہ تے دِربے تے نال دیاں وستیاں ءچ بھج گئے۔

عبرانیوں 13:23

مَیں تُہاکُوں خبر ڈیندا ہاں جو ساڈا بِھرا تِیمُتِھیُس رِہا کر ڈِتا گئے۔ جے او جلدی آ گِیا تاں مَیں اُونکُوں نال گِھن تے تُہاکُوں مِلنڑ آساں۔

1 تِیمُتھِیُس 1:18

تِیمُتِھیُس میڈے پوتر، مَیں تیکُوں ایہ نصیحت اُنہاں پیشنگوئیاں دے مطابق کریندا ہاں جیہڑیاں تیڈے بارے ءچ کیتیاں گئیاں ہَن تاں جو تُوں اُنہاں دی مدد نال چنگی لڑائی لڑیں،

1تھِسّلُنیکیوں 1:1

ایہ خط پولُس، سِیلاس تے تِیمُتِھیُس دی طرفوں تھِسّلُنِیکے دی کلیسیا دے ناں ہے جیہڑی خُدا باپ تے خُداوند یسُوع المسیح ءچ ہے۔ فضل تے اِطمینان تُہاکُوں حاصل تھیندا راہوے۔

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔

اعمال 19:22

بس اُوں آپنڑے خدمت گُزاراں ءچوں تِیمُتِھیُس تے اِراستُس کُوں مَکِدُنیہ روانہ کیتا تے خود کُجھ دیر آسِیہ دے صوبہ ءچ ریہا۔

2 تِیمُتھِیُس 3:11

ستائے ونجنڑ تے ڈُکھ چاوݨ ءچ میڈی پیروی کیتی۔ تُوں جانڑدیں جو انطاکِیہ، اکُنیُم تے لُسترہ ءچ میڈے اُتے کِتنے ڈُکھ آئے پر خُداوند میکُوں اُنہاں ساریاں تُوں رہائی بخشی۔

1تھِسّلُنیکیوں 3:6

پر ہُنڑ تِیمُتِھیُس تُہاڈے کولُھوں اِتھاں وَل آیا ہے تے تُہاڈے اِیمان تے محبت دے بارے ءچ چنگی خبر ڈِتی ہے۔ اُوں ڈسائے جو تُساں ہمیشاں ساکُوں پیار نال یاد کریندے ہیوے تے ساکُوں مِلنڑ دی ایجھی سِک رکھیندے ہیوے جِینویں اساں تُہاڈے کیتے رکھیندے ہیں۔

2کُرِنتھِیوں 1:19

کیوں جو خُدا دے پوتر یسُوع مسیح، جیندی تبلیغ سِیلاس، تِیمُتِھیُس تے مَیں تُہاڈے وچال کیتی، اُوندے ءچ ”ہاں“ تے ”نہ“ ڈوہائیں نہ ہَن بلکہ اُوندے ءچ ہمیشاں ”ہاں“ ای ہئی۔

2کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں، تے ساڈے بِھرا تِیمُتِھیُس دی طرفوں، خُدا دی کلیسیا دے ناں جیہڑی کُرِنتُھس شہر ءچ ہے تے پُورے اَخیہ دے سارے مُقدّساں دے ناں۔

1کُرِنتھِیوں 7:14

کیوں جو جیہڑا پایا اِیماندار نئیں او آپنڑی ذال دے سببّوں پاک ہے تے غیر مسیحی ذال آپنڑے اِیماندار پئے دے سببّوں پاک ہے، نہ تاں تُہاڈے بال ناپاک ہوندے پر ہُنڑ پاک ہِن۔

اعمال 14:21

پولُس تے برنباس اُوں شہر ءچ خوشخبری سُنڑا تے بہُوں سارے شاگرد بنڑا تے لُسترہ، اکُنیُم تے انطاکِیہ دو وَل آئے۔

اعمال 14:1

اکُنیُم ءچ وی پولُس تے برنباس یہُودیاں دے عبادت خانہ ءچ گئے تے ایجھی تقریر کیتی جو بہُوں سارے یہُودی تے یُونانی اِیمان گِھن آئے۔

1کُرِنتھِیوں 16:10

جے تِیمُتِھیُس پُج ونجے تاں خیال رکھائے جو او تُہاڈے کولھ بے فِکر ٹِکے کیوں جو او وی میڈے وانگُوں خُداوند دی خدمت کریندا پِیا ہے۔

فِلیمون 1:1

ایہ خط میں پولُس دی طرفوں ہے جیہڑا مسیح یسُوع دی خاطر قید ءچ ہاں تے بِھرا تِیمُتِھیُس دی طرفوں وی۔ ایہ خط فِلیمون دے ناں ہے جیہڑا ساڈا عزیز ہم خدمت ہے،