اعمال 15:9 - کِتاب مُقدّس سرائیکی ترجمہ

⁹ تے اِیمان دے وسیلہ نال اُنہاں دے دل پاک کر تے ساڈے ءچ تے اُنہاں ءچ کوئی فرق نئیں کیتا۔

اعمال 15:9 Referans Kwoze

اِفِسیوں 3:6

او بھید ایہ ہے جو مسیح یسُوع ءچ غیر قوماں وی بنی اِسرائیل نال خوشخبری دے وسیلے میراث ءچ شریک ہِن تے ہِکو بدن دے اَنگ ہِن تے خُدا دے وعدہ ءچ شامل ہِن۔

اعمال 10:28

اُنہاں کُوں آکھیا، ”تُساں جانڑدے ہیوے جو کہیں یہُودی دا غیریہُودی نال اُٹھنڑ باہنڑ یا اُوندے کولھ ونجنڑ شرع دے خلاف ہے پر خُدا میڈے اُتے ظاہر کیتے جو مَیں کہیں بندے کُوں پلیت یا ناپاک نہ آکھاں۔

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

رومیوں 3:22

یعنی خُدا دی او راستبازی جیہڑی یسُوع مسیح اُتے اِیمان گِھن آوݨ نال سبھ اِیمانداراں کُوں مِلدی ہے۔ یہُودیاں تے غیر یہُودیاں ءچ کوئی فرق نئیں،

اعمال 11:12

رُوح القُدس میکُوں آکھیا جو ’جِھجکے بغیر اُنہاں نال چلیا وَنج۔‘ ایہ چِھی بِھرا وی میڈے نال گئے تے اساں اُوں بندے دے گھر ءچ داخل تھئے۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

اعمال 10:34

وَل پطرس آکھنڑ لگا، ”مَیں چنگی طرحاں جاݨ گِیا ہاں جو خُدا کہیں دا طرفدار نئیں

1کُرِنتھِیوں 7:18

جیہڑا ختنے دی حالت ءچ سڈیا گئے، او ختنے دی حالت ءچ راہوے تے جیہڑا ختنے دے بغیر سڈیا گئے او ختنہ نہ کراوے۔

رومیوں 9:24

یعنی ساڈے ذریعے جِنہاں کُوں اُوں نہ صرف یہُودیاں ءچوں بلکہ غیریہُودیاں ءچوں وی سڈیا۔

رومیوں 3:9

بس اِیندا نتیجہ کیا ہے؟ کیا اساں یہُودی اُنہاں کنُوں چنگے ہیں؟ اصلُوں نئیں۔ اساں تاں پہلے ای آکھ ڈِتے جو یہُودی تے غیریہُودی سارے دے سارے گُناہ دے قبضے ءچ ہِن۔

اعمال 14:27

اُتھاں پُج تے اُنہاں کلیسیا کُوں کٹھا کر تے او سبھ ڈسایا جیہڑا کُجھ خُدا اُنہاں دے ذریعے کیتا ہا تے ایہ جو اُوں غیر قوماں کیتے اِیمان دا دروازہ کھول ڈِتے۔

اعمال 14:1

اکُنیُم ءچ وی پولُس تے برنباس یہُودیاں دے عبادت خانہ ءچ گئے تے ایجھی تقریر کیتی جو بہُوں سارے یہُودی تے یُونانی اِیمان گِھن آئے۔

اعمال 10:15

او اواز اُونکُوں ولا سُنڑائی ڈِتی جو ”جیہڑی شے کُوں خُدا پاک مقرر کیتے، تُوں اُونکُوں حرام نہ آکھ۔“