اعمال 15:36 - کِتاب مُقدّس سرائیکی ترجمہ

³⁶ کُجھ ڈینہہ بعد پولُس، برنباس کُوں آکھیا جو ”جِنہاں شہراں ءچ اساں خُداوند دا کلام سُنڑایا ہا، آؤ وَل اُنہاں ءچ وَنج تے بِھرانواں کُوں ڈیکھوں جو اُنہاں دا کیا حال ہے۔“

اعمال 15:36 Referans Kwoze

اعمال 14:6

تاں او اِیندے تُوں واقف تھی تے لُکااُنیہ دے شہر لُسترہ تے دِربے تے نال دیاں وستیاں ءچ بھج گئے۔

اعمال 13:4

بس او ڈوہائیں رُوح القُدس دے بھیجے ہوئے، سِلُوکیہ گئے تے اُتھوں کنُوں جہاز اُتے کُپرُس چلے گئے۔

اعمال 13:51

او آپنڑے پیراں دی دھُوڑ اُنہاں دے سامنڑے چِھنڈک تے اکُنیُم کُوں چلے گئے۔

2کُرِنتھِیوں 11:28

اِنہاں سارے گالھیں دے علاوہ ساریاں کلیسیاواں دی فِکر دا بھار ہر روز میڈے اُتے راہندے۔

رومیوں 1:11

کیوں جو مَیں تُہاکُوں مِلنڑ دی بہُوں سِک رکھیندا ہاں تاں جو تُہاکُوں کوئی ایجھی رُوحانی نعمت ڈے سگاں جیہڑی تُہاڈے اِیمان دی مضبوطی دا سبب بنڑے،

اعمال 14:1

اکُنیُم ءچ وی پولُس تے برنباس یہُودیاں دے عبادت خانہ ءچ گئے تے ایجھی تقریر کیتی جو بہُوں سارے یہُودی تے یُونانی اِیمان گِھن آئے۔

2 تِیمُتھِیُس 1:4

تیڈے ہنجُواں کُوں یاد کر تے مَیں تیکُوں مِلنڑ دی سِک رکھیندا ہاں تاں جو تیکُوں مِل تے خوش تھی سگاں۔

1تھِسّلُنیکیوں 3:6

پر ہُنڑ تِیمُتِھیُس تُہاڈے کولُھوں اِتھاں وَل آیا ہے تے تُہاڈے اِیمان تے محبت دے بارے ءچ چنگی خبر ڈِتی ہے۔ اُوں ڈسائے جو تُساں ہمیشاں ساکُوں پیار نال یاد کریندے ہیوے تے ساکُوں مِلنڑ دی ایجھی سِک رکھیندے ہیوے جِینویں اساں تُہاڈے کیتے رکھیندے ہیں۔

اعمال 14:21

پولُس تے برنباس اُوں شہر ءچ خوشخبری سُنڑا تے بہُوں سارے شاگرد بنڑا تے لُسترہ، اکُنیُم تے انطاکِیہ دو وَل آئے۔

اعمال 7:23

جِیں ویلے او تقریباً چالیہہ سالہاں دا تھیّا تاں اُوندے دل ءچ آیا جو مَیں آپنڑے بِھرانواں بنی اِسرائیل دا حال پتہ کراں۔

متّی 25:43

پردیسی ہم تے تُساں میکُوں آپنڑے گھر ءچ جاہ نہ ڈِتی، ننگا ہم تے تُساں میکُوں کپڑے نہ پوائے، بیمار تے قید ءچ ہم تے تُساں میکُوں مِلنڑ نہ آئے۔‘

متّی 25:36

ننگا ہم تے تُساں میکُوں کپڑے پوائے۔ بیمار ہم تے تُساں میڈی ڈیکھ بھال کیتی، قید ءچ ہم تے تُساں میکُوں مِلنڑ آئے۔‘

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

اعمال 13:12

وَل گورنر ایہ واقع ڈیکھ تے، تے خُداوند دی تعلیم کنُوں حیران تھی تے اِیمان گِھن آیا۔