اعمال 15:30 - کِتاب مُقدّس سرائیکی ترجمہ

³⁰ بس او روانہ تھی تے انطاکِیہ پُجے تے جماعت کُوں کٹھا کر تے خط ڈے ڈِتا۔

اعمال 15:30 Referans Kwoze

اعمال 16:4

وَل او جیہڑے جیہڑے شہراں ءچوں لنگھدے ہَن، اُتھوں دے اِیمانداراں کُوں اُنہاں فیصلیاں دے بارے ءچ ڈسیندے ہَن جیہڑے یروشلیم دے رسُولاں تے بزُرگاں جاری کیتے ہَن تاں جو اُنہاں اُتے عمل کرݨ۔

اعمال 6:2

وَل بارہاں رسُولاں، شاگرداں دی جماعت کُوں سڈ تے آکھیا، ”مناسب نئیں جو اساں خُدا دے کلام دی تبلیغ کُوں چھوڑ تے کھاوݨ پِیوݨ دا اِنتظام کرُوں۔

اعمال 23:33

جِیں ویلے گُھڑ سوار قیصریہ پُجے تاں اُنہاں گورنر کُوں خط ڈے تے پولُس کُوں اُوندے حضُور ءچ پیش کر ڈِتا۔

اعمال 21:22

بس ہُنڑ کیا کیتا ونجے؟ کیوں جو او ضرور سُنڑسن جو تُوں اِتھاں آ گِیا ہیں۔

اعمال 11:19

بس جیہڑے لوک اُوں مُصیبت پارُوں جِیندا آغاز ستِفُنس دی موت تُوں تھیّا ہا، کِھنڈ گئے ہَن، او پِھردے پِھردے فینیکے تے کُپرُس تے انطاکِیہ ءچ پُجے پر یہُودیاں دے علاوہ کہیں بئے کُوں کلام نہ سُنڑیندے ہَن۔

اعمال 11:20

پر اُنہاں ءچوں کُجھ کُپرُس تے کُرین دے ہَن۔ او انطاکِیہ ءچ آ تے یُونانیاں کُوں وی خُداوند یسُوع دی خوشخبری دے گالھیں سُنڑاوݨ لگے۔

اعمال 11:27

اُونہی ڈینہاں ءچ کُجھ نبی یروشلیم کنُوں انطاکِیہ ءچ آئے۔

اعمال 15:22

وَل رسُولاں تے بزُرگاں ساری کلیسیا سمیت مناسب سمجھیا جو آپنڑے ءچوں کُجھ بندیاں کُوں چُنڑ تے پولُس تے برنباس دے نال انطاکِیہ بھیجنڑ یعنی یہُوداہ کُوں جیہڑا برسبّا اکھویندے تے سِیلاس کُوں۔ ایہ بِھرانواں ءچ قابل ِ احترام ہَن۔

اعمال 15:31

او خط دے تسلی بخش کلام کُوں پڑھ تے خوش تھئے۔