اعمال 15:29 - کِتاب مُقدّس سرائیکی ترجمہ

²⁹ جو تُساں بُتاں دیاں قُربانیاں دے گوشت، خون تے گلا گُھٹ تے مارے ہوئے جانوراں دے گوشت تے حرام کاری کنُوں پرہیز کرو۔ جے تُساں آپنڑے آپ کُوں اِنہاں چیزاں کنُوں بچائی رکھیسو تاں چنگا کریسو۔ والسّلام۔

اعمال 15:29 Referans Kwoze

اعمال 15:20

پر اُنہاں کُوں خط لِکھ تے ایہ ڈساؤں جو او بُتاں کُوں نذر کیتیاں ہوئیاں چیزاں تے حرام کاری تے گَل گُھٹ تے مارے ہوئے جانوراں تے خون کنُوں پرہیز کرݨ۔

اعمال 21:25

تے جِتھوں تئیں اُنہاں غیریہُودیاں دا سوال ہے جیہڑے اِیمان گِھن آئے ہِن، اُنہاں کیتے اساں فیصلہ کر تے پہلے ای خط لِکھ ڈِتے جو او بُتاں دیاں قُربانیاں دے گوشت تے خون تُوں، گَل گُھٹ تے مارے ہوئے جانوراں دا گوشت کھاوݨ تُوں تے حرام کاری تُوں پرہیز کرݨ۔“

مُکاشفہ 2:20

پر میکُوں تیڈے تُوں ایہ شکایت ہے جو تَیں اُوں عورت اِیزبل کُوں جیہڑی آپنڑے آپ کُوں نبِیّہ آدھی ہے، نئیں روکیا۔ او میڈے خادماں کُوں تعلیم ڈے تے گُمراہ کریندی ہے جو او بُتاں کُوں پیش کیتیاں گئیاں قُربانیاں دا گوشت کھاوݨ تے حرامکاری کرݨ۔

مُکاشفہ 2:14

پر میکُوں تیڈے تُوں کُجھ گالھیں دی شکایت ہے جو تیڈے ءچوں کُجھ لوک بلعام دی تعلیم دی پیروی کریندے ہِن، جئیں بلق کُوں سِکھایا جو بنی اِسرائیل کُوں کِینویں گُمراہ کرے تے نتیجے ءچ اُنہاں بُتاں کُوں نذر کیتیاں گئیاں قُربانیاں دا گوشت کھادا تے حرام کاری کیتی۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

1 یُوحنّا 5:21

بالو! آپنڑے آپ کُوں بُتاں کنُوں بچائی رکھو۔

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔

1 تِیمُتھِیُس 5:22

کہیں بندے اُتے ہتھ رکھ تے اُونکُوں خدمت کیتے مقرر کرݨ ءچ جلدی نہ کر، تے نہ ڈُوجھیاں دے گُناہاں ءچ شریک تھی۔ آپنڑے آپ کُوں پاک رکھ۔

2کُرِنتھِیوں 13:11

غرض بِھراؤ! خوش راہو، کامِل بنڑدے ونجو، حوصلہ رکھو، ہِک سوچ رکھو، میل مِلاپ رکھو، وَل خُدا جیہڑا محبت تے سلامتی دا سرچشمہ ہے تُہاڈے نال راہسی۔

2کُرِنتھِیوں 11:9

تے جِیں ویلے مَیں تُہاڈے کولھ ہم تے میکُوں ضرورت پئی تاں مَیں تُہاڈے ءچوں کہیں کُوں ذرا وی تکلیف نہ ڈِتی کیوں جو مَکِدُنیہ کنُوں مسیحی بِھرانواں آ تے میڈی ضرورت پُوری کیتی۔ مَیں تُہاڈے اُتے کوئی بھار نئیں سٹیا تے نہ ای ولا سٹیساں۔

اعمال 18:21

بلکہ ایہ آکھ تے اُنہاں تُوں رُخصت تھیّا جو ”جے خُدا دی مرضی ہوئی تاں مَیں تُہاڈے کولھ ولا آساں۔“ وَل جہاز اُتے سوار تھی تے اِفِسُس تُوں روانہ تھی گِیا۔

لُوقا 9:61

ہِک بئے وی آکھیا، ”مالک! مَیں تُہاڈے پِچُھوں آساں پر پہلے میکُوں اِجازت ڈیؤ جو آپنڑے گھر دے لوکاں کنُوں رُخصت تھی آواں۔“

اعمال 23:30

جِیں ویلے میکُوں خبر تھئی جو اُوندے خلاف کوئی سازش تھیندی پئی ہے تاں مَیں اِینکُوں فوراً تُہاڈے کولھ بھیج ڈِتا تے اُوندے اُتے اِلزام لاوݨ آلیاں کُوں حُکم ڈِتا جو او تُہاڈے حضُور ءچ آ تے آپنڑا مقدمہ پیش کرݨ۔