اعمال 15:25 - کِتاب مُقدّس سرائیکی ترجمہ

²⁵ اِیں واسطے اساں رَل تے مناسب جانڑیا جو کُجھ چُنڑے ہوئے بندیاں کُوں آپنڑے عزیزاں پولُس تے برنباس دے نال تُہاڈے کولھ بھیجُوں۔

اعمال 15:25 Referans Kwoze

2 پطرس 3:15

ساڈے خُداوند دے صبر کُوں نجات حاصل کرݨ دا موقع سمجھو، جِینویں ساڈے عزیز بِھرا پولُس وی اُوں حِکمت دے مطابق جیہڑی خُدا اُونکُوں ڈِتی ہے، تُہاکُوں لِکھیا ہے۔

اعمال 15:22

وَل رسُولاں تے بزُرگاں ساری کلیسیا سمیت مناسب سمجھیا جو آپنڑے ءچوں کُجھ بندیاں کُوں چُنڑ تے پولُس تے برنباس دے نال انطاکِیہ بھیجنڑ یعنی یہُوداہ کُوں جیہڑا برسبّا اکھویندے تے سِیلاس کُوں۔ ایہ بِھرانواں ءچ قابل ِ احترام ہَن۔

اعمال 15:2

جِیں ویلے پولُس تے برنباس دی اُنہاں دے نال سخت تکرار تے بحث تھئی تاں کلیسیا ایہ مقرر کیتا جو پولُس تے برنباس تے اُنہاں ءچوں کُجھ بئے بندے اِیں مسئلہ کیتے رسُولاں تے بزُرگاں کولھ یروشلیم ونجنڑ۔

اعمال 1:14

ایہ سارے اُنہاں عورتاں تے یسُوع دی ماء مریم تے اُوندے بِھرانواں نال کٹھے تھی تے دُعا کریندے ریہے۔

لُوقا 1:3

مَیں وی ہر گالھ دا شروع کنُوں ٹھیک ٹھیک پتہ کیتا ہے، اِیں واسطے مَیں مناسب سمجھیا جو اِنہاں کُوں تُہاڈے کیتے ترتیب نال لِکھاں،

فِلیمون 1:16

پر ہُنڑ ہِک غُلام وانگُوں نئیں بلکہ غُلام کنُوں ودھ تے یعنی ہِک بِھرا وانگُوں۔ او میکُوں عزیز ہے پر مَیں کنُوں ودھ تے تیکُوں عزیز ہے نہ صرف اِنسانی طور تے بلکہ خُداوند دے بندہ دی حیثیت نال وی۔

کلُسِّیوں 4:9

اُوندے نال اُنیسمُس کُوں وی بھجیندا پِیا ہاں۔ او وفادار تے عزیز بِھرا ہے بلکہ تُہاڈے ءچوں ای ہے۔ ایہ ڈوہائیں تُہاکُوں اِتُھوں دے سارے گالھیں ڈسا ڈیسن۔

کلُسِّیوں 4:7

عزیز بِھرا تخِکُس جیہڑا وفادار خادم تے خُداوند دی خدمت ءچ میڈا ساتھی ہے میڈا سارا حال تُہاکُوں ڈسا ڈیسی۔

اِفِسیوں 6:21

تخِکُس جیہڑا عزیز بِھرا تے خُداوند ءچ وفادار خادم ہے، تُہاکُوں سبھ کُجھ ڈسا ڈیسی، تاں جو تُساں وی میڈی حالت کنُوں واقف تھی ونجو۔

گلتِیوں 2:9

تے جِیں ویلے یعقُوب، پطرس تے یُوحنّا جیہڑے کلیسیا دے سربراہ سمجھے ویندے ہَن، ایہ ڈِٹھا جو خُدا میکُوں وی خاص توفیق ڈِتی ہے تاں اُنہاں میکُوں تے برنباس کُوں سجا ہتھ ڈے تے آپنڑی شراکت ءچ قبول کر گِھدا۔ تے اِیں گالھ اُتے اِتفاق کیتا جو اساں غیر قوماں ءچ خدمت کرُوں تے او یہُودیاں ءچ۔

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

رومیوں 16:12

ترُوفَینہ تے ترُوفوسہ کُوں سلام آکھو جیہڑیاں خُداوند کیتے محنت کریندیاں ہِن۔ میڈی عزیز پرسِس کُوں سلام آکھو جئیں خُداوند کیتے بہُوں محنت کیتی ہے۔

اعمال 15:35

پر پولُس تے برنباس انطاکِیہ ءچ ای کھڑ گئے تے بہُوں سارے بئے لوکاں نال خُداوند دا کلام سکھیندے تے اُوندی تبلیغ کریندے ریہے۔

اعمال 15:6

بس رسُول تے بزُرگ اِیں گالھ اُتے غور کرݨ کیتے کٹھے تھئے۔

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

اعمال 2:1

جِیں ویلے عید ِ پِنتیکُست دا ڈینہہ آیا تاں او سارے ہِک جاہ تے جمع ہَن،

متّی 11:26

ہاں باپ، کیوں جو تیڈی نظر ءچ اِیہو چنگا ہا۔