میکُوں خُداوند یسُوع ءچ تُہاڈے اُتے بھروسہ ہے جو تُساں کوئی بئی سوچ نہ رکھیسو پر جیہڑا بندہ تُہاڈے ءچ پریشانی پیدا کریندے بھانویں جیہڑا وی ہووے، اُونکُوں سزا مِلسی۔
وَل کُجھ لوک یہُودیہ تُوں آ تے مسیحی بِھرانواں کُوں ایہ تعلیم ڈیوݨ لگے جو ”جے مُوسیٰ دی رسم دے مطابق تُہاڈا ختنہ نہ تھیّا ہووے تاں تُساں نجات نئیں پا سگدے۔“
ایہ لوک ساڈے ءچوں نِکلے تاں ہِن پر اصل ءچ ساڈے ءچوں نہ ہَن۔ جے ساڈے ءچوں ہوندے تاں ساڈے نال راہندے۔ پر اُنہاں دے نِکل ونجنڑ تُوں ثابت تھی گئے جو او ساڈے ءچوں نہ ہَن۔
ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔