اعمال 15:2 - کِتاب مُقدّس سرائیکی ترجمہ

² جِیں ویلے پولُس تے برنباس دی اُنہاں دے نال سخت تکرار تے بحث تھئی تاں کلیسیا ایہ مقرر کیتا جو پولُس تے برنباس تے اُنہاں ءچوں کُجھ بئے بندے اِیں مسئلہ کیتے رسُولاں تے بزُرگاں کولھ یروشلیم ونجنڑ۔

اعمال 15:2 Referans Kwoze

گلتِیوں 2:5

پر اساں ہِک لاحظے کیتے وی اُنہاں دی کہیں گالھ کُوں قبول نئیں کیتا تاں جو خوشخبری دی سچائی تُہاڈے ءچ قائم راہوے۔

2کُرِنتھِیوں 11:5

مَیں نئیں سمجھدا جو مَیں اُنہاں ”افضل رسُولاں“ کنُوں کمتر ہاں۔

اعمال 15:4

جِیں ویلے یروشلیم پُجے تاں کلیسیا، رسُول تے بزُرگ اُنہاں کُوں خوشی نال مِلے تے اُنہاں سبھ کُجھ بیان کیتا جیہڑا خُدا اُنہاں دی معرفت کیتا ہا۔

اعمال 11:30

بس اُنہاں اِینویں ای کیتا تے ساؤل تے برنباس دے ہتھیں آپنڑی مالی مدد بزُرگاں کُوں بھجوا ڈِتی۔

یہُوداہ 1:3

عزیزو! مَیں تُہاکُوں اُوں نجات دے بارے ءچ لِکھنڑ دا بہُوں شوق رکھیندا ہم جیندے ءچ اساں سارے شریک ہیں، پر مَیں ایہ نصیحت کرݨ ضروری سمجھدا ہاں جو تُساں اُوں اِیمان کیتے بہُوں محنت کرو جیہڑا خُدا آپنڑے مُقدّساں کُوں ہِکے پھیری ہمیشاں کیتے سپُرد کر ڈِتا ہا۔

1کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہووݨ کیتے سڈیا گِیا، تے ساڈے بِھرا سوستھِنیس دی طرفوں،

اعمال 21:18

ڈُوجھے ڈینہہ اساں پولُس کُوں نال گِھن تے یعقُوب کُوں مِلنڑ گئے۔ اُتھاں سارے بزُرگ پہلے تُوں جمع ہَن۔

اعمال 16:4

وَل او جیہڑے جیہڑے شہراں ءچوں لنگھدے ہَن، اُتھوں دے اِیمانداراں کُوں اُنہاں فیصلیاں دے بارے ءچ ڈسیندے ہَن جیہڑے یروشلیم دے رسُولاں تے بزُرگاں جاری کیتے ہَن تاں جو اُنہاں اُتے عمل کرݨ۔

اعمال 15:27

اِیں واسطے اساں یہُوداہ تے سِیلاس کُوں بھیجیا ہے، جیہڑے ایہ گالھیں زبانی وی بیان کریسن۔

اعمال 15:25

اِیں واسطے اساں رَل تے مناسب جانڑیا جو کُجھ چُنڑے ہوئے بندیاں کُوں آپنڑے عزیزاں پولُس تے برنباس دے نال تُہاڈے کولھ بھیجُوں۔

اعمال 11:12

رُوح القُدس میکُوں آکھیا جو ’جِھجکے بغیر اُنہاں نال چلیا وَنج۔‘ ایہ چِھی بِھرا وی میڈے نال گئے تے اساں اُوں بندے دے گھر ءچ داخل تھئے۔

اعمال 10:23

بس پطرس اُنہاں کُوں اندر سڈ تے اُنہاں دی مہمان داری کیتی۔ سویل نال او اُٹھی تے اُنہاں نال روانہ تھیّا تے یافا ءچوں کُجھ بِھرا اُوندے نال تھی پئے،