اعمال 15:11 - کِتاب مُقدّس سرائیکی ترجمہ

¹¹ جڈاں جو ساڈا اِیمان ہے جو ساکُوں خُداوند یسُوع دے فضل دے وسیلے نال نجات مِلسی، جِینویں اُنہاں کُوں مِلسی۔“

اعمال 15:11 Referans Kwoze

رومیوں 3:24

پر خُدا دے فضل دے سببّوں مُفت راستباز کھڑائے ویندے ہِن، اُوں مخلصی دے ذریعے جیہڑی یسُوع مسیح دے وسیلہ مِلدی ہے۔

طِطُس 2:11

کیوں جو خُدا دا او فضل ظاہر تھی گِیا ہے جیہڑا یکے اِنساناں دی نجات دا سبب ہے۔

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

2کُرِنتھِیوں 13:14

خُداوند یسُوع مسیح دا فضل، خُدا دی محبت تے رُوح القُدس دی شراکت تُساں ساریاں نال تھیندی راہوے۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

1کُرِنتھِیوں 16:23

خُداوند یسُوع مسیح دا فضل تُہاڈے نال راہوے۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

رومیوں 5:15

پر گُناہ دے اثر تے فضل دی نعمت دے اثر ءچ بہُوں فرق ہے۔ کیوں جو ہِک بندے دے گُناہ دے سببّوں بہُوں سارے اِنسان مر گئے پر ہِک بندے یعنی یسُوع مسیح دے فضل دے سببّوں بہُوں سارے اِنساناں کُوں خُدا دا فضل تے اُوندی نعمت مِلی ہے۔

گلتِیوں 1:6

میں حیران ہاں جو تُساں اِتنی جلدی خُدا کنُوں مُنہ پِھریندے پئے ہیوے جئیں تُہاکُوں مسیح دے فضل نال سڈیا تے تُساں کہیں بئی خوشخبری دے پِچُھوں لگ گئے ہیوے۔

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔