اعمال 15:10 - کِتاب مُقدّس سرائیکی ترجمہ

¹⁰ بس ہُنڑ تُساں شاگرداں دی گردن اُتے ایجھی پنجالی رکھ تے جِینکُوں نہ ساڈے پِیُو ڈاڈا چا سگدے ہَن، نہ ای اساں، خُدا کُوں کیوں ازمیندے ہیوے؟

اعمال 15:10 Referans Kwoze

گلتِیوں 5:1

مسیح ساکُوں ازاد راہنڑ کیتے ازاد کیتے۔ بس اِیں ازادی ءچ ثابت قدم راہو تے ولا غُلامی دی پنجالی ءچ نہ جُتو۔

متّی 23:4

او ایجھے بھاری وزن جِنہاں کُوں چاوݨ اوکھا ہے، بَدھ تے لوکاں دے مونڈھیاں اُتے رکھیندے ہِن، پر آپ اُنہاں کُوں انگل وی نئیں لیندے۔

گلتِیوں 4:9

پر ہُنڑ جڈاں تُساں خُدا کُوں پچھاݨ گِھدے بلکہ خُدا تُہاکُوں پچھاݨ گِھدے تاں تُساں کیوں اُنہاں کمزور تے بے کار اصُولاں دو واپس ویندے پئے ہیوے؟ کیا ولا کنُوں اُنہاں دی غُلامی ءچ آوݨ چاہندے ہیوے؟

عبرانیوں 9:9

او موجودہ زمانے کیتے ہِک مثال ہے، تے ایہ ظاہر کریندے جو جیہڑیاں نذراں تے قُربانیاں اُتھاں پیش کیتیاں ویندیاں ہِن، او عبادت کرݨ آلے دے دل کُوں کامل تے مُطمئن نئیں کر سگدیاں۔

عبرانیوں 3:9

اُتھاں تُہاڈے پِیُو ڈاڈے میکُوں ازما تے میڈا اِمتحان گِھدا بھانویں چالیہہ سال تئیں میڈے کم ڈِٹھے۔

متّی 4:7

یسُوع اُونکُوں آکھیا، ”ایہ وی لِکھیا ہے جو تُوں رب آپنڑے خُدا دی ازمائش نہ کر۔“

اعمال 5:9

پطرس اُونکُوں آکھیا، ”تُساں کیوں خُداوند دے رُوح القُدس کُوں ازماوݨ کیتے ایکا کیتے؟ ڈیکھ، جیہڑے لوکاں تیڈے پئے کُوں دفن کیتے، او دروازے تئیں پُج گئے ہِن تے تیکُوں وی باہر گِھن ویسن۔“