اعمال 14:15 - کِتاب مُقدّس سرائیکی ترجمہ

¹⁵ آکھنڑ لگے جو ”لوکو! تُساں ایہ کیا کریندے ہیوے؟ اساں وی تُہاڈے آلی کار اِنسان ہیں تے تُہاکُوں خوشخبری سُنڑیندے ہیں تاں جو تُساں اِنہاں بے کار چیزاں کُوں چھوڑ تے زندہ خُدا دو رجُوع گِھن آؤ جئیں زمین تے اسمان تے سمندر تے جیہڑا کُجھ اُنہاں ءچ ہے، پیدا کیتے۔

اعمال 14:15 Referans Kwoze

یعقُوب 5:17

ایلیّاہ ساڈے وانگُوں اِنسان ہا۔ اُوں اِیمان نال دُعا کیتی جو مینہ نہ وسے تے ساڈھے ترے سال تئیں زمین اُتے مینہ نہ وسیا۔

1کُرِنتھِیوں 8:4

بُتاں دیاں قُربانیاں دا گوشت کھاوݨ دے بارے ءچ اساں جانڑدے ہیں جو دُنیا ءچ بُتاں دی حقیقت بالکل نئیں۔ خُدا ہِک ہے تے اُوندے علاوہ کوئی معبُود نئیں۔

اعمال 10:26

پر پطرس اُونکُوں کھڑا کر تے آکھیا، ”کھڑا تھی، مَیں وی تاں اِنسان ہاں۔“

مُکاشفہ 14:7

اُوں اُچی اواز ءچ آکھیا جو ”خُدا کنُوں ڈرو تے اُوندی تمجید کرو کیوں جو اُوندے عدالت کرݨ دا ویلا آݨ پُجیا ہے۔ اُونکُوں ای سجدہ کرو جئیں اسمان، زمین، سمندر تے پانڑی دے چشمے خلق کیتے۔“

1تھِسّلُنیکیوں 1:9

کیوں جو لوک خود ڈسیندے ہِن جو جِیں ویلے اساں تُہاڈے کولھ آئے تاں تُساں کِینویں خوشی نال ساڈا اِستقبال کیتا، تے کِینویں بُتاں کُوں چھوڑ تے زندہ تے برحق خُدا دی عبادت کرݨ کیتے اُوندے دو آئے،

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

اعمال 4:24

جِیں ویلے اُنہاں ایہ سُنڑیا تاں ہِک دل تھی تے خُدا کنُوں دُعا کیتی جو ”مالک! تُوں اسمان، زمین تے سمندر تے جیہڑا کُجھ اُنہاں ءچ ہے، سبھ کُوں بنڑایا۔

متّی 16:16

شمعون پطرس جواب ڈِتا، ”تُساں زندہ خُدا دے پوتر المسیح ہیوے۔“

عبرانیوں 3:12

بِھراؤ، خبردار راہو جو تُہاڈے ءچوں کہیں دا دل بُرائی پارُوں تے اِیمان نہ رکھنڑ پارُوں زندہ خُدا تُوں پِھر نہ ونجے۔

1 تِیمُتھِیُس 3:15

جو جے میکُوں آوݨ ءچ دیر تھی ونجے تاں تیکُوں پتا ہووے جو خُدا دے گھر آلیاں دے وچال جیہڑے زندہ خُدا دی کلیسیا تے حق دا تھمبا تے بنیاد ہِن، ساڈا چال چلنڑ کِینویں ہوونڑا چاہیدے۔

اعمال 14:21

پولُس تے برنباس اُوں شہر ءچ خوشخبری سُنڑا تے بہُوں سارے شاگرد بنڑا تے لُسترہ، اکُنیُم تے انطاکِیہ دو وَل آئے۔

یُوحنّا 7:18

جیہڑا آپنڑے کولُھوں کُجھ آدھے او آپنڑی عزت چاہندے پر جیہڑا آپنڑے بھیجنڑ آلے دی عزت چاہندے او سچا ہے تے اُوندے ءچ بُرائی نئیں۔

مُکاشفہ 22:9

پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال، تیڈے بِھرانواں نال جیہڑے نبی ہِن تے اُنہاں ساریاں نال جیہڑے اِیں کتاب دی نبُوّت دے گالھیں منیندے ہِن، خدمت کرݨ آلا ہاں۔ خُدا کُوں ای سجدہ کر۔“

مُکاشفہ 19:19

وَل مَیں حیوان کُوں زمین دے بادشاہاں تے اُنہاں دیاں فوجاں کُوں اُوں گھوڑے دے سوار تے اُوندے لشکر نال جنگ کرݨ کیتے جمع تھیندے ڈِٹھا۔

مُکاشفہ 19:10

وَل مَیں اُونکُوں سجدہ کرݨ کیتے اُوندے پیراں ءچ ڈھے پِیا پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال تے تیڈے بِھرانواں نال جیہڑے یسُوع دی گواہی ڈیوݨ اُتے قائم ہِن، خدمت کرݨ آلا ہاں۔ خُدا ای کُوں سجدہ کر کیوں جو یسُوع دی گواہی ڈیوݨ نبُوّت دی رُوح ہے۔“

اعمال 27:25

اِیں واسطے صاحبو! تُساں آپنڑا حوصلہ وڈا رکھو۔ میڈا اِیمان ہے جو اُوہو کُجھ تھیسی جیہڑا میڈے خُدا میکُوں فرمائے۔

اعمال 27:21

بہُوں عرصے تُوں اُنہاں کُجھ نہ کھادا ہا تاں آخر کار پولُس اُنہاں دے اَدھ ءچ کھڑا تھی تے آکھیا، ”بِھراؤ! جے تُساں میڈی نصیحت منیندے تے کریتے کنُوں روانہ نہ تھیندے تاں ایہ نُقصان تے ڈُکھ نہ چیندے۔

اعمال 27:10

”بِھراؤ! میکُوں لگدے جو ساڈا سفر بہُوں نُقصان دہ ہوسی، نہ صرف مال اسباب تے جہاز بلکہ ساڈیاں جاناں کُوں وی خطرہ ہے۔“

اعمال 16:30

وَل اُنہاں کُوں باہر گِھن آیا تے آکھنڑ لگا، ”صاحبو! مَیں کیا کراں جو نجات پاواں؟“

اعمال 14:7

تے اُتھاں خوشخبری سُنڑیندے ریہے۔

اعمال 13:32

تے اساں تُہاکُوں اُوں وعدہ دے بارے ءچ جیہڑا ساڈے پِیُو ڈاڈا نال کیتا گِیا ہا، خوشخبری ڈیندے ہیں

اعمال 7:26

وَل ڈُوجھے ڈینہہ اُوں اُنہاں ءچوں ڈُو کُوں آپس ءچ لڑدے ڈِٹھا تے ایہ آکھ تے اُنہاں ءچ صُلح کراوݨ دی کوشش کیتی جو ’جوانو! تُساں تاں بِھرا بِھرا ہیوے، کیوں ہِک بئے اُتے ظلم کریندے ہیوے؟‘

یُوحنّا 5:26

کیوں جو جِینویں باپ آپنڑے آپ ءچ زندگی رکھیندے اُونویں ای اُوں پوتر کُوں وی ایہ بخشیا جو آپنڑے ءچ زندگی رکھے۔

مُکاشفہ 4:11

”اے خُداوند ساڈے خُدا تُوں ای جلال، عزت تے قُدرت دے لائق ہیں، کیوں جو تَیں ای ساریاں چیزاں کُوں خلق کیتے، تے او ساریاں تیڈی ای مرضی نال وجود ءچ آئیاں ہِن۔“