اعمال 14:1 - کِتاب مُقدّس سرائیکی ترجمہ

¹ اکُنیُم ءچ وی پولُس تے برنباس یہُودیاں دے عبادت خانہ ءچ گئے تے ایجھی تقریر کیتی جو بہُوں سارے یہُودی تے یُونانی اِیمان گِھن آئے۔

اعمال 14:1 Referans Kwoze

اعمال 18:4

پر او ہر سبت، عبادت خانہ ویندا تے یہُودیاں تے یُونانیاں نال بحث کر تے اُنہاں کُوں قائل کریندا ہا۔

اعمال 13:51

او آپنڑے پیراں دی دھُوڑ اُنہاں دے سامنڑے چِھنڈک تے اکُنیُم کُوں چلے گئے۔

اعمال 13:46

پولُس تے برنباس دلیری نال آکھنڑ لگے ”لازم ہا جو خُدا دا کلام پہلے تُہاکُوں سُنڑایا ویندا پر کیوں جو تُساں اُونکُوں رَد کریندے ہیوے تے آپنڑے آپ کُوں ہمیشاں دی زندگی دے لائق نئیں سمجھدے تاں ڈیکھو اساں غیر قوماں دو توجہ کریندے ہیں۔

اعمال 14:21

پولُس تے برنباس اُوں شہر ءچ خوشخبری سُنڑا تے بہُوں سارے شاگرد بنڑا تے لُسترہ، اکُنیُم تے انطاکِیہ دو وَل آئے۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

رومیوں 10:12

کیوں جو یہُودی تے غیریہُودی ءچ کوئی فرق نئیں اِیں واسطے جو اُوہو خُداوند سبھ دا خُداوند ہے تے سبھ کُوں جیہڑے اُوندے تُوں دُعا کریندن فیاضی نال برکت ڈیندے۔

رومیوں 1:16

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

اعمال 19:17

جِیں ویلے اِفِسُس دے یہُودیاں تے یُونانیاں کُوں اِیں گالھ دا پتہ چلیا تاں اُنہاں اُتے خوف چھا گِیا تے خُداوند یسُوع دے ناں دی تعریف تھئی۔

اعمال 19:8

وَل پولُس ترے مہینے تئیں عبادت خانہ ءچ وَنج تے دلیری نال خُدا دی بادشاہی دے بارے ءچ بحث کریندا تے لوکاں کُوں قائل کریندا ریہا۔

اعمال 18:8

عبادت خانہ دا سردار کرِسپُس آپنڑے سارے خاندان سمیت خُداوند اُتے اِیمان گِھن آیا تے کُرِنتُھس دے بئے بہُوں سارے لوکاں وی کلام سُنڑیا تے اِیمان گِھن آئے تے اُنہاں بپتسمہ گِھدا۔

اعمال 17:12

بس بہُوں سارے یہُودی تے معزز یُونانی مرد تے عورتاں وی اِیمان گِھن آئے۔

اعمال 17:4

کُجھ یہُودی اِیں گالھ کُوں مَن تے پولُس تے سِیلاس نال رَل گئے تے اِینویں ای بہُوں سارے خُدا پرست یُونانی تے معزز عورتاں وی۔

اعمال 13:43

جِیں ویلے عبادت ختم تھی گئی تاں بہُوں سارے یہُودی تے خُدا پرست نومُرید یہُودی پولُس تے برنباس دے پِچُھوں تھی پئے۔ اُنہاں ڈوہائیں، اُنہاں نال مزید گالھیں کیتیاں تے زور ڈے تے آکھیا جو خُدا دے فضل اُتے قائم راہو۔

اعمال 11:21

خُداوند دا ہتھ اُنہاں اُتے ہا تے بہُوں سارے لوک اِیمان گِھن آ تے خُداوند دو رجُوع تھئے۔

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

اعمال 21:28

چیخنڑ لگے جو ”اِسرائیلیو! ساڈی مدد کرو۔ اِیہو بندہ ہے جیہڑا ہر جاہ لوکاں کُوں ساڈے خلاف، ساڈی شریعت دے خلاف تے اِیں ہیکل دے خلاف تعلیم ڈیندا ہے۔ اِیندے علاوہ اُوں یُونانیاں کُوں وی ہیکل ءچ گِھن آ تے اِیں پاک جاہ کُوں ناپاک کر ڈِتے۔“

اعمال 20:21

مَیں یہُودیاں تے یُونانیاں ڈوہائیں دے سامنڑے گواہی ڈیندا ریہا ہاں جو او خُدا دو رجُوع کر تے توبہ کرݨ تے ساڈے خُداوند یسُوع المسیح اُتے اِیمان گِھن آوݨ۔

اعمال 17:17

اِیں واسطے او عبادت خانہ ءچ یہُودیاں تے خُدا پرست یُونانیاں نال بحث کریندا راہندا ہا تے اُنہاں کُوں وی جیہڑے اُونکُوں ہر روز بازار ءچ مِلدے ہَن۔

اعمال 16:1

پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

اعمال 14:2

پر جیہڑے یہُودی اِیمان نہ گِھن آئے ہَن، اُنہاں یہُودیاں، غیریہُودیاں کُوں بھڑکایا تے اُنہاں دی سوچ مسیحی بِھرانواں دے خلاف کر ڈِتی۔

اعمال 13:5

سَلَمِیس ءچ پُج تے او یہُودیاں دے عبادت خانیاں ءچ خُدا دا کلام سُنڑاوݨ لگے تے یُوحنّا اُنہاں دی مدد کیتے اُنہاں دے نال ہا۔

یُوحنّا 12:20

جیہڑے لوک عید تے عبادت کیتے آئے ہَن، اُنہاں ءچوں کُجھ یُونانی ہَن۔

یُوحنّا 7:35

یہُودی آپس ءچ آکھنڑ لگے، ”ایہ کِتھاں ویسی جو اساں اُونکُوں گولھ نہ سگسوں؟ کیا او اُنہاں دے کولھ جیہڑے یُونانیاں ءچ اِڈے اُڈے وسدے ہِن چلیا ویسی تے یُونانیاں کُوں تعلیم ڈیسی؟

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

گلتِیوں 2:3

پر میڈے ساتھی طِطُس کُوں وی بھانویں او یُونانی ہا ختنہ کراوݨ اُتے مجبور نہ کیتا گِیا۔

اعمال 19:10

ایہ سلسلہ ڈُو سال تئیں چلدا ریہا، اِتُھوں تئیں جو آسِیہ ءچ راہنڑ آلیاں بھانویں یہُودی بھانویں یُونانی، سبھ خُداوند دا کلام سُنڑیا۔

مرقس 7:26

ایہ تریمت یُونانی ہئی تے شام دے علاقے فینیکے ءچ پیدا تھئی ہئی۔ اُوں اُوندی مِنت کیتی جو ”میڈی چھوہیر ءچوں بدرُوح کڈھ ڈے۔“

اعمال 2:47

تے خُدا دی حمد کریندے تے سارے لوکاں دی نظر ءچ مقبول ہَن۔ تے خُداوند ہر روز نجات پاوݨ آلیاں کُوں جماعت ءچ شامل کر ڈیندا ہا۔

اعمال 14:19

وَل کُجھ یہُودی انطاکِیہ تے اکُنیُم تُوں آئے تے لوکاں کُوں آپنڑے نال مِلا تے پولُس کُوں سنگسار کر ڈِتا تے اُونکُوں مُردہ سمجھ تے شہر تُوں باہر گِھیل تے گِھن گئے۔

اعمال 16:2

او لُسترہ تے اکُنیُم دے بِھرانواں ءچ نیک ناں ہا۔

2 تِیمُتھِیُس 3:11

ستائے ونجنڑ تے ڈُکھ چاوݨ ءچ میڈی پیروی کیتی۔ تُوں جانڑدیں جو انطاکِیہ، اکُنیُم تے لُسترہ ءچ میڈے اُتے کِتنے ڈُکھ آئے پر خُداوند میکُوں اُنہاں ساریاں تُوں رہائی بخشی۔