اعمال 13:45 - کِتاب مُقدّس سرائیکی ترجمہ

⁴⁵ پر یہُودی اِتی بِھیڑ ڈیکھ تے حسد نال بھریج گئے تے پولُس دے گالھیں دی مخالفت کرݨ تے بُرا بھلا آکھنڑ لگے۔

اعمال 13:45 Referans Kwoze

یہُوداہ 1:10

پر ایہ لوک اُنہاں گالھیں دے بارے ءچ توہین کریندے ہِن جِنہاں دے بارے ءچ سمجھ نئیں رکھیندے۔ تے جِنہاں گالھیں کُوں او بے سمجھ جانوراں آلی کار آپنڑی فطرت نال سمجھدے ہِن، اُوہو اُنہاں کُوں برباد کر ڈیندیاں ہِن۔

اعمال 18:6

جِیں ویلے او پولُس دے خلاف تھی تے اُونکُوں بُرا بھلا آکھنڑ لگ پئے تاں اُوں آپنڑے کپڑے جھاڑ تے اُنہاں کُوں آکھیا، ”تُہاڈا خون تُہاڈی ای گردن اُتے ہووے۔ مَیں اِیندا ذمہ دار نئیں، ہُنڑ تُوں مَیں غیریہُودیاں کولھ ویساں۔“

1تھِسّلُنیکیوں 2:16

کیوں جو او ساکُوں غیر قوماں کُوں خُدا دا کلام سُنڑاوݨ کنُوں روکیندے ہِن تاں جو او نجات نہ پاوݨ۔ اِینویں اُنہاں دے گُناہاں دا پیالہ بھریندا راہندے۔ پر آخر خُدا دا غضب اُنہاں اُتے نازل تھی گِیا۔

اعمال 19:9

پر اُنہاں ءچوں کُجھ سخت دل تھی تے اِیمان نہ گِھن آئے بلکہ مسیح دی اِیں راہ کُوں لوکاں دے سامنڑے بُرا بھلا آکھنڑ لگے تاں پولُس اُنہاں کُوں چھوڑ ڈِتا۔ او مسیحی شاگرداں کُوں نال گِھن تے تُرنّس دے سکُول ءچ وَنج تے ہر روز بحث کریندا راہندا ہا۔

اعمال 5:17

اِیں گالھ اُتے کاہِن ِ اعظم تے اُوندے سارے ساتھی جیہڑے صدوقیاں دے فرقہ دے ہَن، حسد کنُوں بھریج گئے۔

1 پطرس 4:4

تے ہُنڑ او لوک حیران تھیندن جو تُساں ایجھیاں سبھ بدکاریاں ءچ اُنہاں دا ساتھ نئیں ڈیندے، تے او تُہاکُوں بُرا بھلا آدھے ہِن۔

1کُرِنتھِیوں 3:3

تُساں اجنڑ تئیں جِسمانی لوکاں وانگُوں زندگی گُزریندے پئے ہیوے۔ کیوں جو تُہاڈے ءچ حسد تے جھیڑے ہِن تاں کیا تُساں دُنیاوی نئیں؟ کیا تُساں اِنسانی طور طریقے اُتے نئیں چلدے پئے؟

اعمال 17:5

پر یہُودیاں حسد دے سببّوں بازاری لوکاں ءچوں کُجھ بدمعاشاں کُوں آپنڑے نال گِھدا تے شہر ءچ ہنگامہ شروع کر ڈِتا تے یاسون دے گھر اُتے حملہ کر ڈِتا کیوں جو پولُس تے سِیلاس کُوں لوکاں دے سامنڑے گِھن آوݨ چاہندے ہَن۔

متّی 27:18

کیوں جو اُونکُوں پتہ ہا جو اُنہاں اُونکُوں حسد نال پکڑوائے۔

یعقُوب 4:5

کیا تُساں ایہ سوچیندے ہیوے جو خُدا دا کلام بے مقصد فرمیندے جو خُدا اُوں رُوح کیتے جیہڑا اُوں ساڈے دِلاں ءچ وسایا ہے غیرت رکھیندا ہے ؟

گلتِیوں 5:21

بُغض، نشہ بازی، نچنڑ ٹپنڑ تے اِنہاں جِیہے بئے کم۔ اِنہاں گالھیں دے بارے ءچ مَیں پہلے تُہاکُوں آکھیا ہا تے ہُنڑ ولا آدھا ہاں، جو ایجھے کم کرݨ آلے خُدا دی بادشاہی دے وارث نہ ہوسن۔

رومیوں 1:29

او ہر طرحاں دی ناراستی، بدی، لالچ، ناانصافی، حسد، قتل، جھیڑے، فریب تے بُغض نال بھریج گئے۔ او چغلی کرݨ آلے،

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

اعمال 13:50

پر یہُودیاں خُدا پرست تے معزز عورتاں تے شہر دے راہنماواں کُوں بھڑکایا تے پولُس تے برنباس کُوں ستاوݨ کیتے اُبھار تے اُنہاں کُوں آپنڑے علاقے ءچوں کڈھ ڈِتا۔

اعمال 14:2

پر جیہڑے یہُودی اِیمان نہ گِھن آئے ہَن، اُنہاں یہُودیاں، غیریہُودیاں کُوں بھڑکایا تے اُنہاں دی سوچ مسیحی بِھرانواں دے خلاف کر ڈِتی۔

اعمال 14:4

پر شہر دے لوک آپس ءچ ونڈیج گئے۔ کُجھ یہُودیاں نال تھی گئے تے کُجھ رسُولاں نال۔

اعمال 14:5

پر جِیں ویلے یہُودی تے غیریہُودی آپنڑے سرداراں نال رَل تے رسُولاں کُوں بے عزت تے سنگسار کرݨ کیتے اُنہاں اُتے چڑھ آئے

اعمال 14:19

وَل کُجھ یہُودی انطاکِیہ تے اکُنیُم تُوں آئے تے لوکاں کُوں آپنڑے نال مِلا تے پولُس کُوں سنگسار کر ڈِتا تے اُونکُوں مُردہ سمجھ تے شہر تُوں باہر گِھیل تے گِھن گئے۔

2کُرِنتھِیوں 11:26

مَیں لگاتار سفر ءچ ریہا، دریا دے خطریاں ءچ، ڈاکواں دے خطریاں ءچ، آپنڑی قوم آلیاں دے خطریاں ءچ، غیر قوماں دے خطریاں ءچ، شہر دے خطریاں ءچ، بیابان دے خطریاں ءچ، سمندر دے خطریاں ءچ، تے کُوڑے اِیمانداراں دے خطریاں ءچ ریہا۔

2 تِیمُتھِیُس 3:11

ستائے ونجنڑ تے ڈُکھ چاوݨ ءچ میڈی پیروی کیتی۔ تُوں جانڑدیں جو انطاکِیہ، اکُنیُم تے لُسترہ ءچ میڈے اُتے کِتنے ڈُکھ آئے پر خُداوند میکُوں اُنہاں ساریاں تُوں رہائی بخشی۔